شركة تسويق

**نور القمر** · 09-05-2010 01:05 AM

انا اعرف ان في شركات متخصصة في تسويق المنتجات
كنت عايزة اسأل هل شركات التسويق بتكون متخصصة في تسويق منتج معين او نوعية معينة من المنتجات طيب في الحالة دي محتاجة خبراكم في توجيهي لشركة لتسويق البرمجيات (( برامج أنترنت)) وطبعا تصلح كبرامج ديسك توب باستثناء برامج التسويق طبعا
وكلها برامج ضخمة والمؤسسات شغاله بيها لسنين يعني متجربة وينقصها التسويق الجيد يعني المطلوب شركة تسويق محترمة وجادة في العمل
زي برنامج تسويق عقاري وبرنامج محاسبة وبرنامج ادارة مدارس وبرنامج تسويق سلع .........
وهل في حالة وجود شركة للتسويق نظامها بيكون مقابل نسبة معينة من المبيعات او الربح وفي حدود كام النسبة ولا بتقدم الخدمة نظير مبلغ معين ؟؟؟
ومتشكرة لكم مقدما

**نور القمر** · 09-05-2010 01:50 PM

محدش عنده اي معلومة عن حاجة زي كدة !!!
انا كنت معقتدة الشركات دي منتشرة وهلاقي مشاركات كتير

**ahmed4000** · 09-05-2010 02:38 PM

انا متابع لانى مهتم اعرف خدمة زى كده

**TeXo** · 09-05-2010 03:17 PM

بصي حضرتك انا ماعرفش شركات تسويق بس ممكن خدمة جوجل الإعلانيه Google AdWords تكون مناسبه

الخدمه على الرابط التالي

adwords.google.com

انا الصراحه ما جربتهاش قبل كده بس الناس في المنتديات التقنيه بتشكر فيها دائما ..

بالتوفيق

**smsmxxxxxx** · 09-05-2010 07:09 PM

البرامج اللى من النوعية دى انتشرت جدا
وللاسف الشركات ضربت بعضها يعنى تلاقي برنامج حسابات وبامكانيات جامدة جدا
والشركة عرضاه ب 250 جنيه
وهكذا الصيدليات والمخازن
واغلب الشركات دى في طنطا وبينزلوا يسوقوا بنفسهم

وفعلا البرامج الرخيصة دى بيبقي فيها مشاكل او دعم اى كلام
و حجتهم في تنزيل السعر انهم عايزين سابقة اعمال بس للاسف بينتهي بيهم المطلف انهم يقفلوا

بس للاسف اللى بيشترى بيهتم بالسعر فقط ونادر جدا انك تلاقي حد بيفهم

ونفس النظام لتصميم مواقع الانترنت

دلوقتى فى اعلانات في الوسيط تصميم الموقع 150 جنيه
ومرة لقيت اعلان تصميم موقع ب 75 جنيه
والغريب ان السعر دا يشمل الدومين والمساحة والتصميم مع العلم ان ثمن الدومين حوالي 60 جنيه

انا خايف لشركة تنزل اعلان تصميم موقع وعليه عروسة هدية وب 150 جنيه وبالتقسيط على 5 سنين كمان

بجد حاجة تحزن

والله بتوع الخضار في السوق بيفهموا اكتر من الناس دى كفاية انهم بيتفقوا على سعر ويظبطونا فيه

على العموم انا بقولك كدة مش علشان احبطك
بس علشان متتصدميش وتلغي الموضوع من العقبات اللي هتشوفيها
الشغل النضيف موجود والناس اللى بتفهم موجودة بس محتاجة صبر وزكاء
فالافضل هو تكوين فريق للتسويق ويفضل من المعارف والاصدقاء وطبعا يفضل بنات
واختارى شريحة شركات من النوع المتوسط للكبير
واجمعى معلومات عن كل شركة قبل ما تروحي
والمقابلة لو ينفع ييجي فيها حد من اللى صمم البرنامج مع المسوق
الاثنين هيكملوا بعض

معلش طولت عليكي بس انا بحب لما يكون عندى معلومة اطلعها كاملة علشان تحقق اكبر فائدة

---------------
محمد سالم

**نور القمر** · 09-05-2010 07:43 PM

المشاركة الأصلية كتبت بواسطة texo

بصي حضرتك انا ماعرفش شركات تسويق بس ممكن خدمة جوجل الإعلانيه google adwords تكون مناسبه

الخدمه على الرابط التالي

adwords.google.com

انا الصراحه ما جربتهاش قبل كده بس الناس في المنتديات التقنيه بتشكر فيها دائما ..

بالتوفيق

شكرا لك وجزاك الله خير على المساعدة

**نور القمر** · 09-05-2010 07:53 PM

المشاركة الأصلية كتبت بواسطة smsmxxxxxx

البرامج اللى من النوعية دى انتشرت جدا
وللاسف الشركات ضربت بعضها يعنى تلاقي برنامج حسابات وبامكانيات جامدة جدا
والشركة عرضاه ب 250 جنيه
وهكذا الصيدليات والمخازن
واغلب الشركات دى في طنطا وبينزلوا يسوقوا بنفسهم

وفعلا البرامج الرخيصة دى بيبقي فيها مشاكل او دعم اى كلام
و حجتهم في تنزيل السعر انهم عايزين سابقة اعمال بس للاسف بينتهي بيهم المطلف انهم يقفلوا

بس للاسف اللى بيشترى بيهتم بالسعر فقط ونادر جدا انك تلاقي حد بيفهم

ونفس النظام لتصميم مواقع الانترنت

دلوقتى فى اعلانات في الوسيط تصميم الموقع 150 جنيه
ومرة لقيت اعلان تصميم موقع ب 75 جنيه
والغريب ان السعر دا يشمل الدومين والمساحة والتصميم مع العلم ان ثمن الدومين حوالي 60 جنيه

انا خايف لشركة تنزل اعلان تصميم موقع وعليه عروسة هدية وب 150 جنيه وبالتقسيط على 5 سنين كمان

بجد حاجة تحزن

والله بتوع الخضار في السوق بيفهموا اكتر من الناس دى كفاية انهم بيتفقوا على سعر ويظبطونا فيه

على العموم انا بقولك كدة مش علشان احبطك
بس علشان متتصدميش وتلغي الموضوع من العقبات اللي هتشوفيها
الشغل النضيف موجود والناس اللى بتفهم موجودة بس محتاجة صبر وزكاء
فالافضل هو تكوين فريق للتسويق ويفضل من المعارف والاصدقاء وطبعا يفضل بنات
واختارى شريحة شركات من النوع المتوسط للكبير
واجمعى معلومات عن كل شركة قبل ما تروحي
والمقابلة لو ينفع ييجي فيها حد من اللى صمم البرنامج مع المسوق
الاثنين هيكملوا بعض

معلش طولت عليكي بس انا بحب لما يكون عندى معلومة اطلعها كاملة علشان تحقق اكبر فائدة

---------------
محمد سالم

لا كلامك مش هايحبطني ولا حاجة د واقع للاسف معروف لاي حد في المجال ده
تلاقي برامج اد كدة برخص التراب وفي الاخر مفيش محتوى او مسروقه فكرتها من برامج تانية لكن بعدم اتقان
والعميل اللي مش فاهم بيدور على ارخص سعر وعذره معاه لانه مش هايقدر يميز بين الكويس والمضروب
حتى في المواقع الرخيصة تلاقي الناس مش فاهمة الفرق بين الاستاتيك والديناميك بيبص للمظهر العام للموقع ومش بيبص للمضمون
يعني لما يكون برنامج شغال في شركات كبيرة على الاقل 5 سنين وعيوبه ومشاكله ظهرت واتحلت في خلال ال 5 سنين دول مش زي برنامج لسه متصمم بالطلب لشركة واول مرة يستخدم

عشان كدة فكرت في موضوع شركات للتسويق وتكون محترمة عشان يقدروا قيمة الحاجة اللي معاهم
اما موضوع التسويق عن طريق الاقارب والمعارف فهو موضوع فاشل فاشل فاشل لاقصى مما تتصور
كل واحد فرحان انه بياخد مرتب شهري حتى لو كان بسيط ومعاه لاب توب يتمنظر بيه وفي الاخر مفيش وسيلة للرقابة المحكمة عليهم

**pro_samir** · 09-05-2010 09:23 PM

أحب ابشرك برضو

الأول جربت موضوع شركات التسويق المتخصصة وكلهم الحمد لله مطلعناش من وراهم بحاجة مع ان كنا بنوفرلهم كل اللي هم عايزينة ، شركة واتنين وتلاتة مش عارف في اية بصراحة

بعد كدة اضطرينا نعمل فريق تسويق يعني جمعنا ناس منهم دارسين تسويق فعليا ومنهم لأ واتدربو علي التسويق وعلي السوفت وير وابتدو شغل

منهم اللي كان شغال بمزاجة ويحاول يماطل بأي حجج وخلاص في حين انة مكانش بيشتغل اصلا ، يعني كل ما يروح مكان يطلع بمية حجة واننا فاشلين وهم مش عاجبهم الكلام ولما نبعت حد تاني لنفس المكان نكتشف انة مراحش أصلا ومقضيها بياخد مرتب وشايل لابتوب ومش مهم التارجت

ومنهم اللي كان بيحقق تارجت فعلا وبيشتغل بضمير

ولما ابتدو يهيسو اكتر واكتر خلينا كل حاجة مرتبطة بمردود التسويق حتي اساسي المرتب نفسة لو مجابش شغل مفيش مرتب ابتدي عدد الناس يتقلص وينكمش وينحسر ويتناقص والحمد لله مستورة

المشكلة أولا في ثقافة السوفتوير في مصر + مشكلة العمالة ثانيا (محدش عايز يشتغل واللي عايز مينفعش واللي ينفع معندوش ضمير)

وبشكل عام حاولي تعملي انتشار بقدر الأمكان بدون حرق لشغلك حتي بالأعلانات العادية وساعتها اللي محتاج حاجة هيروحلك لأنة يعرفك

**بحري** · 09-05-2010 11:14 PM

كنت في طريقي لإنشاء شركة برمجة مع مجموعة من الأصدقاء -أنا إدارة..الحاجة اللي بافهم فيها- وهم النواحي الفنية، العقبة الأساسية في إتمام الموضوع كانت مشكلة التسويق وبسببها للأسف الموضوع ذهب أدراج الرياح بعد فترة من الدراسة والتخطيط وتوفير التمويل اللازم

في مشكلة تانية برضه..إن الشركات الكبيرة بتتغول وتاخد المتميزين في المجال ده غير اللي بيسافروا بره ولا يبقى سوى ضعيفو المستوى وغير القادرين على المنافسة الحقيقية..وأغلبهم بيكونوا غير متخصصين وغاية معلوماتهم مجموعة كورسات بعد الدبلوم أو بعد دراسة في كليات بعيدة عن الفكر والمنطق اللازم لتشكيل عقل المبرمج مثل الكليات النظرية
والخلاصة إن الشركات الكبيرة بتكبر زيادة والشركات الصغيرة بتصغر زيادة لغاية ما تقفل لعدم قدرتها على توفير احتياجات العملاء وأحيانا لأنها بتكون عبارة عن شركة للنصب والطلصقة ليس إلا (نظام إديله البرنامج ولما ياخد باله من الـbug يبقى تتساوى)
على فكرة موضوع طنطا اللي أشار له الزميل لافت انتباهي جدا من زمان لما مجموعة كبيرة من زمايلنا اللي اتخرجوا من هندسة راحوا اشتغلوا في شركات برمجة في طنطا للدرجة اللي خلتني أتخيل يومها إن الثورة التكنولوجية القادمة في مصر ستأتي من طنطا ومعاها كام كيلو حمص وحلاوة