أشتريت أول سيارة لي (إكسل 96 مانيول) وعندما كنت أتدرب عليها قال لي صديقي أنها تحتاج إلى "شغل في العفشة"، مما آثار لدي عدة أسئلة:
- ماذا يعني بهذه العبارة وما هي العفشة؟
- ما هي أنوع ورش الصيانة، فحسب معلوماتي كل من يقوم بتصليح السيارة يطلق عليه اسم ميكانيكي؟
وجزاكم الله عنا خيرًا
وعليككم السلام ورحمه الله
مبروك عليك السيارة وربنا يديلك خيرها ويكفيك شرها
طبعا في فرق بين ميكانيكا السيارة وهيا القطع التي بواسطتها تتحرك السيارة
اما العفشة دي الاجزاء اللي مسئولة عن رفع السيارة عن الارض وعدم احساسك بالطبات وغيرة وغيرة
زي المساعدين والمقصات والجلب والاكسات والبارات والسوست وكدة
ومعني شغل في العفشة يعني اكيد صاحبك ان العربية فيها دبه او خبطات من تحت وعفشتها مش مظبوطة
الميكانيكي ممكن يشتغل في العفشة
لكن اللي احسن منه العفشجي وده تخصصه الحاجات دي
شوف انت ساكن فين ونحاول ندلك على اقرب عفشجي كويس ليك
لانك لو روحتلهم وانت كدة مش عارف هاتبقى زبون لقطة
او على راي ابنك هاتبقي زبون قطة
:D:D:D
جزاكم الله خيرا :--)
أنا ساكن في المقطم،
هو لو أنا عندي مشكلة في العفشة وتركتها إلى أن أنتهي من التدريب على القيادة في شوارع المقطم المعروفة بكثرة المطبات والحفر وخلافه هل سيؤدي ذلك إلى شيء؟
نياو نياو
"يعني شكرًا :--)"
اسف للمداخلة
يا ريت يا جماعة حد يدلني علي عفشجي نواحي المهندسيين يكون امين وكوبس فس الصنعة
ارجوا سرعة الرد الاهمية