مساعدة لشراء لادا 2107 زيرو

**kashtoot** · 09-05-2010 01:33 AM

السلام عليكم و رحمة الله و بركاته إخوانى الاعزاء

أنا قررت (بعد تفكير كتير جدا جدا) انى أجيب عربية لادا 2107 زيروفول اوبشن من التوكيل بس ملقيتش عندهم غير المصرى و لما سالت على الروسى قالولى محدش يعرف هتيجى امتى
فأرجو من الخبراء افادتى بخصوص هذا الموضوع و أيضا هل الباور و التكييف هيفرقوا معايا و لا زى قلتهم؟

و لى طلب اخر سمعت ان هناك مشكله فى البيض الخاص بها و انه دايما بيملص
هل تم حل هذا العيب ام لا؟ و كيف احافظ على البيض؟ و ايه فايدته؟

و اخيرا انا لسه اول مره اشترى عربيه أحافظ عليها ازاى؟
و ايه احسن نوع زيت استعمله؟
و هل لو استعملت بنزين 80 فى مشكله على العربيه و لا لأ؟
و لو حد يقدر يقولى على ميكانيكى كويس قريب من مصر القديمه او شبرا يبقى كده تمام قوى قوى
وهل التوكيل كويس و لا لأ؟
و شكرا و اسف على الازعاج

**midomizo** · 09-05-2010 12:35 PM

انزل توكيل الامل اسال ولو ملقتهاش اسئل عند حمدى لادا ومتجبش غير الروسى عشان تريح نفسك من مشاكل كتير

**Mustafino** · 09-05-2010 10:34 PM

أعتقد الروسى متوافرعند الأمل فى بيروت (من روكسى) خلف الحرية مول.. بس خلي بالك الروسى كلة أنجيكشن يعنى بنزين 92 أو 95.. كمان العربية بتيجى فاضية تماماً .. و سمعت أيضأً أن الكاوتش بتعها مخصص للأمطار و الثلوج و أن كنت غير متأكد من تلك المعلومة.. التوكيل أقل من المتوسط.. بس الأنجيكشن هيجليك لازم تروحلة عند الحاجة لا قدر اللة.. عموماً ألف مبروك مقدماً
د. مصطفى

**kashtoot** · 09-05-2010 11:44 PM

طيب معلش ممكن اعرف مشكلة المصرى ايه؟ علشان مش لاقى روسى خالص

**midomizo** · 10-05-2010 03:03 AM

المشاركة الأصلية كتبت بواسطة kashtoot

طيب معلش ممكن اعرف مشكلة المصرى ايه؟ علشان مش لاقى روسى خالص

دور تانى بس واسال لان الروسى بتتسحب علطول عشان الكل بيحبها

**Abdm** · 10-05-2010 09:09 AM

المشاركة الأصلية كتبت بواسطة midomizo

انزل توكيل الامل اسال ولو ملقتهاش اسئل عند حمدى لادا ومتجبش غير الروسى عشان تريح نفسك من مشاكل كتير

لو ما لقتيش فى التوكيل ولا حمدى لادا على الروسى شوف أى معرض وأن شاء الله هتلاقى

المشاركة الأصلية كتبت بواسطة midomizo

دور تانى بس واسال لان الروسى بتتسحب علطول عشان الكل بيحبها

دور تانى وثالث ورابع وخامس و...........الخ وأبعد عن المصرى لو كنت مش عايز مشاكل وهات الروسى وأتكل على الله علشان تستريح وما تتعبش
والله الموفق والمستعان

**tomm** · 10-05-2010 09:00 PM

لم يعد هناك 2107 روسى المستورد اوكرانى انجاكشن ( بنزين 90/92 صيانة المحرك بالتوكيل) بدون اى كماليات برديو فقط
المصرى كافة مكوناتة روسى فيما عدا الفرش و الزجاج والكاوتش و البطارية وهى كاربيراتير ( أى بنزين 80 واى ميكانيكى يعمل فيها )
بالنسبة للتكيف و الباور يفضل تركيب واحد منهما وليس كلاهما وذلك لعدم التحميل على المحرك ( انا شخصيا افضل الباور )
مشاكل البيض و اى مشاكل اخرى يمكنك التحرى عنها من خلال ركوب تاكسى لادا ابيض جديد و سؤال السائق عن اى استفسار عن هذه السيارة

**kashtoot** · 10-05-2010 11:06 PM

طيب دلوقتى انا لقيت روسى عند حمدى لادا بس المشكله انه لا يتعامل مع بنك ناصر الاجتماعى.
لو حد يعرف معرض بيتعامل مع بنك ناصر يا ريت يقولى
و معلش كترت عليكوا

**midomizo** · 11-05-2010 12:21 AM

المشاركة الأصلية كتبت بواسطة kashtoot

طيب دلوقتى انا لقيت روسى عند حمدى لادا بس المشكله انه لا يتعامل مع بنك ناصر الاجتماعى.
لو حد يعرف معرض بيتعامل مع بنك ناصر يا ريت يقولى:_alshmokh08[1]:
و معلش كترت عليكوا

مكترتش علينا ولا حاجة المنتدى دا معمول عشان تسال عشان متقعش فى المشاكل الوقعنا فيها

كدة يبقا دور فى المعارض الفى جريدة السيارات واكيد هتلاقى منهم معرض عندة الروسى وبيتعامل مع بنك ناصر

ولو غلبت هات مصر كربراتير مش اقتصادية فى البنزين اه بس اى ميكانيكى يصلحها عادى

**ahmed1981** · 11-05-2010 12:50 AM

بالنسبة للمصري

بالنسبة للباور فهو باور هيدروليك
وهم ممتاز وأنا جربته بنفسي

بالنسبة للتكييف كفاءته متوسطة
يعني ممكن لو مسلط الفتحات على وشك يكيفك بعض الشيء
لكن مش هيكون زي أي عربية مكيفة تانية خالص
يعني حاجة كدة مشي حالك