رخصى اتسحبت منى ياترى هدفع كام عشان اجيبها

**eino666** · 10-05-2010 09:23 PM

المشاركة الأصلية كتبت بواسطة eino666

كان عندى مخالفة عبارة عن سرعة وحزام كانت 400 جنيه (300 سرعة + 100 حزام للسائق والراكب)و كانت من السمكرى بتاعى لما كنت بعمل عنده شغل وسايب له العربية والمحترم حولها على التجديد ولما رحت اطلع شهادة المخالفات فوجئت بيها وعملت تظلم و البيه وكيل الزريبة رفضه ودفعت المبلغ +5 جنيه رسوم+5 جنيه معونة حار ونار فى جتتهم بس ربنا اكرمنى واخدتهم من السمكرى بعد ما قعدته قعدة رجالة وسط ناس محترمة لانه كان ممكن يعمل مصالحة فورية ويدفع نصف المبلغ فقط او يروح يعمل مصالحة فى خلال 3 ايام وكان هيدفع برضو نصف المبلغ لكن تقول ايه فى انعدام الضمير للبيه المحترم
....................................*
محمود عينو

**mrdiver** · 10-05-2010 11:17 PM

يا نبيل بيه انا بتكلم عن مرور محرم بك نيابة ايه اللى تدخل لها هههههههههههههههههه اقسم بربى وما اعبد انا اخر مرة كنت هتحجز هناك بسبب انى لما الموظفة استفزتنى وانا رايح جي كالعادة من ابيس لمحرم بك زعئت معاها ونادت على العسكرى وامين شرطة طلب منى انى اروح معاه لمكتب ظابط هو اللى مسؤل عن الوحدة اللى هو اول متدخل على طول هتلائيب مبنى في وشك اول متدخل من الباب هتلائ باب تانى على يمينك دخلت عنده وانفعلت معاه اكتر بسبب الظلم الله هو فيس تو فيس دة وفى الاخر طلع صحبنى اول معرف ان جوز عمتى هو اللواء محسن عبد الحميد رئيس نادى السيارات ومدير مكتب الرخص الدولية بنادى السيارات اللى على البحر بمنطقة سيدى بشر
انا اكتر واحد بحب اعترض لكن لو مش محضر وسطى هتتبهدل بهدلة السجون جوة معتقل مرور محرم بك
بالنسبة للخ محمد عينو انا مشفاكر هو في ايه بس متخدش في بالك انا اساسا عدى زهيمر ههههههههه

**mrdiver** · 10-05-2010 11:23 PM

في مرور ابيس انا بدخل النيابة بئنتظام مع كل مخالفة لكن محرم بك عشان فيه ضغطط كبير عليه بسبب ان اي مخالفةلما ببئه فى شارم او القاهرة رخصتى بتروح على هناك وبعدين بتروح على الدوسيه بعديها بشهر لو انا مجبتهاش ((كالعادة)) ابيس فى تفاهم هناك والحياه جميلة
محرم بك كوكب تانى لو بصي على مبنى النيابة لو قلولك هيتئبض عليك يا امة تخش قلهم خلصو يالاه واقبضوه لكن الطوابير هنااااااااااك
تلائي الصف عبارة عن عشرة بالعرض وقائمة كبيييير اوى ورا يعنىفي زء واهانات وناس هتمسك في بعضها طول النهار انا عايزك تسئل اي حد بيروح هناك وقله ايه اتخبار النيابة وصباح الفل

**eino666** · 10-05-2010 11:34 PM

ههههههههههههههههههههههه
فكرتنى بمرور محرم بك وايامه الجميلة والله ما دفعت فيه حتى مخالفة واحدة توحد ربنا ابدا مفيش لانى كنت اعرف ناصر رشاد ايام ما كان ماسك الفحص وبعد كده اتنقل عندنا فى ابيس و حازم حسن بتاع مباحث المرور و امجد الغريب فاكره
كان الايصال بتاعى يتبعت للنيابة مع العسكرى يروح وييجى عليه تأشيرة وكيل النيابة (تحفظ و تسلم او تلغى وتسلم) ويأشر عليه الضابط اللى انا عنده(وكان دايما حازم حسن)ويروح العسكرى ويرجع لى بالرخصة وفى التجديد اطلع شهادة مخالفات لا يوجد
بس للاسف دلوقتى عربيتى ملاكى القاهرة علشان كده بدفع و ال------ فوق رقبتى هههههههههههههههههه
............................*
محمود عينو

**mrdiver** · 11-05-2010 07:00 AM

لا يا معلم دا فيه دلوأتى حتتة ظابط اللى هو غرفته جواه عند الاختبارات القيادة
برده رئيس حاجة بس مشفاكر اسمه بس انا لما هوصفهولك هتعرفه
انا بس كان بعتنى ظابط اسمه محمود من مرور طوسن معاه فرنا سماوى 1500 بعتنى ليه عشان يجبلى رخصتى من غير غرامة عايز اؤلك الظابط بتاع ابيس دة لما شوفته والله حسيت احساس غريب عارف انت الناس اللى تحطها على الجرح يطيب دة ممكن تحطه على الجرح ينقطع الدراع في ساعتها.. حتة شخصيا ربنا ميكتب عليك تتحط تحت منه وربنا يهديه
زلنى عبال مبعت العسكرى التنح اللى اديته عشرين جنيها عشان يفرد سحنته وهو بيتحرك بالوصل للنيابة وشباك سحب الرخص
قلت بينى وبين نفسي امال انا لو كنت رايحله منغير وسطه كان ضربنى بالشالوط ولا ايه ههههههههههه ربنا يسترها ويثبت الرخص جوا جيوبنا انا ممكن الفلوس ارميها فى الزبالة ولا ادفعهاش فى المرور بحس انى مذلول بجد ..سترك يارب