الموضوع: مساعدة من خبراء القسم

السلام عليكم ورحة الله وبراكاته.
كنت بظبط زاويا امبارح لانى غيرت كوتش العربية فالفنى نزل وبص على العربية من تحت وقولى ان علبة الدركسيون عايزة تتغير لان فيها رجة لما بيلف الدركسيون شمال او يمين وده فعلا اللى بحس بيه فى العربية لما بكون ماشى فى حتة فيها مطبات.
ياترى علبة الدركسيون تعمل كام فى التوكيل او برة التوكيل؟ مع العلم ان عربيتى بومة 1600 موديل 2007 اتومتيك خليجى
افيدونى يرحمكم الله.

المشاركة الأصلية كتبت بواسطة أبو إياد

وعليكم السلام ورحمة الله وبركاته
ابو سلمى حضرتك بتقول ان العربيه موديل 2006 بصراحه انا مستبعد تلف علبه الدركسيون
انا رائى انك تعيد الكشف فى مكان اخر وياريت حد متخصص دون بتاع الزوايا لانهم لا يفقهوا اى شىء عن العفشه من خلال تجارب كتير جدا
اقرب مثال من كام يوم كنت لسه عامل شغل فى العفشه وكسلت اروح للمركز اللى بظبت عنده زوايا فاضطريت اللجؤ لظبط الزوايا فى البنزينه
بعد الكشف الفنى قالى ان العجله الشمال محتاجه زرجينه
قولتله طيب عاوزك تكشفلى على العفشه كلها
بعد ما نزل رجع قالى كله تمام ومافيش اى مشاكل
اخدته من ايده ونزلت معاه تحت العربيه قولتله فى جلبه شداد خلفى بايظه ممكن تقولى بتاعه الجانب اليمين ولا الشمال
لقيته فتح بقه وسكت
فاوصلتله ان انا عارف ايه اللى بايظ فى العربيه وانا على درايه بيه وبالفعل العربيه مش محتاجه زرجينه ولا اى حاجه

انا شايف ان حضرتك تراجع على البارات وعلى دراعات الاسكترا فى الاول قبل ما نقول ان علبه الدركسيون باظت

ربنا يبارك فيك على سرعة الرد.
ان شاء الله انا هريح نفسى وروح التوكيل اكشف على العفشة كلها احسن.