بسم الله الرحمن الرحيم
انا كنت فى مركز خدمه ابو غالى وال اقدر اقوله ان مكان الاستراحه فيه كويسه كنت كلمت مصنع نيسان على كذا شكوى بخصوص رعشه الفتيس فى المانيوال وكذلك اهتزاز الموتور وكذلك صوت من الجنب الشمال وكذلك حزام الامان مش بيرد لما بشده
كلمنى واحد من المصنع قالى يافندم انت عميل نيسان وتحت امرك شوف اى مركز خدمه تحب تروح ليه بس هو رشح الدراسه المهم رحت ابو غالى قابلنى مدير صيانه ابو غالى ....
راجل محترم اخد العربيه وجرب قالى فعلا فى صوت المهم راح دخلها المركز وقعد يظبط حاجات قالى تعالى نجرب سمعنا الصوت تانى المهم اتكرر الموضوع لمرتين وفى الاخر قالى اسف هاضظر تسيب السياره والرخصه ( مش عارف الرخصه ليه ) قالى علشان نجرب العربيه بعد مانخلصها المهم قلت ليه اكلمك بكره امتى ؟ اتصل بى من ابوغالى واحد قالى تعالى حضرتك استلم دلوقتى ( كانت الساعه 1 تانى يوم ) رحت استلمت مش سامع صوت قالى كان موضوع تشحيم وبس ( مش مقتنع بالمووضع ) الهم رحت ليه قالى حزام الامان هايجى dhl والعربيه زى الفل قلت ليه مش يكون الموضوع مسكن قالى لا تمام قالى بس حضرتك تدفع فى الخزنه 75 جنيه قلت ليه مفيش مشكله بس ايه السبب انى ادفع 75 جنيه مش السياره فى الضمان وانا بدفع جميع صيانات السياره ( هو عربيتك خرجت من الضمان قالى لا يافندم لو برا الضمان هاتدفع عن كل ساعه ) المهم قلت ليه اوك رحت كلمت المصنع قلت ليه ازاى اجفع على عيب صناعه فى السياره المهم قالى هاكلم ضمان ابو غالى وارجع لسيادتك رجع لى وقالى مفيش تكلفه سيادتك هاتدفعها المهم جربت العربيه مفيش صوت ( لكن عندى احساس انه هايرجع تانى وعندى احساس كبير ان علبه الدريكسون عاوزه تتغير كلها ودى المشكله بس المره الجايه لو سمعت الصوت هاتصل بالمصنع واقوله انا جاى المصنع مش مركز خدمه يحل لى المشكله دى ... اسف على الاطاله
المفضلات