آيه رايكم في التيدا hb بلس
لاني بفكر اجيبها ان شاء الله
عرض للطباعة
آيه رايكم في التيدا hb بلس
لاني بفكر اجيبها ان شاء الله
اكيد هنا كلنا هانقولك رائعة ... لكن ايه رايك لو تقول انت محتاج ايه من العربية واحنا كلنا فى خدمتك وهانقولك اذا كانت التيدا هتلبى احتياجاتك ولا لأ ... ومبروك مقدما :36_1_1[1]:
عربيه شيك ونعمه وراقيه وتقفيل كويس موتور تمام تكييف رائع توكيل 100 100 واسعه من جوه ومميزه ومبروك مقدما :)
التيدا بس عربية ممتازة
والهاتش باك فى التيدا من اوسع العربيات فى فئتها فى الهاتش باك واختيار موفق وربنا يكرمك بيها
وعلى فكرة التيدا بقيت اشوفها كتير والله فى الشارع وفى اى مكان وخصوصا الهاتش باك منها
شكرا ليكم علي سرعة الرد
وشكرا يا استاذ على ابداء المساعدة:
كل الفكرة اني عايز عربية قوية و"safty" عالي وعفشة كويسة وثبات علي الطريق (مهم اوي) وعمر طويل وشكل كويس وتوكيل تمام! صراحة عجبتني السيراتو في الاول "وما زالت" ولكن ناس قلقتني شوية منها خاصة اني نازل من عربية اوروبي
جايز دلوقتي باي مافيش فرق جامد بين ياباني وكوري لان الكوري شد حيله شوية
لكن انا بقدر اسم وعراقة الـ (Brand name)
وعلى كل حال قولي رأيك ولو في اقتراح اخر في نفس حدود هذا السعر
ولك لك الشكر
يا باشا احنا تحت امرك ...
بص الاستاذ احمد كمال لسه عامل مقارنة مختصرة بين التيدا والصنى وكاتب مزايا التيدا اللى كل الناس اللى ركبت العربية اتفقت عليها ولله الحمد ....الموضوع : http://www.nilemotors.net/Nile/148515-a.html
من ناحية الامان فهى فيها 2 ايرباج وفرامل ABS ,EBD,BA وما شاء الله عليها فعالة جدا
من ناحية القوة فهى 118 حصان وسحبها ممتاز جدا
من ناحية الثبات انا مابحبش الجرى صراحة بس الاستاذ احمد كمال بيقول كويسة لحد الـ 160
من ناحية العمر الطويل فهى من نيسان اليابان( يابانى 100 %) ودى من اهم مزايا العربية صراحة فى الفئة السعرية دى
من ناحية الشكل شكلها مش عاطفى :ma:
من ناحية التوكيل يعتبر ممتاز جدا مقارنة بالتوكيلات الاخرى ... انت فاهمنى طبعا
ولو تحب تجربها بنفسك فانت ممكن تروح للسبع مصر الجديدة او اتو ايجيبت عندهم عربية test drive وتجربها بنفسك برضه وتشوف الراحة النفسية اخبارها ايه لان الراحة النفسية اهم شئ فى الموضوع ...
واخير اتمنى ان ربنا يوفقك للخير لانه انا جربت موضوع الاختيار ده صعب قوى ... والله الموفق
شكرا جدا ليك يا زستاذ "على" وايضا استاذ "احمد" علي التغطية دي وايضا اراء الاعضاء
وsorry علي تاخري في الرد لاني كنت مسافر.
وان شاء الله هابدأ اخد خطوات جادة فى الشراء
وإن كان في احد من حضارتكم