غرامة السرعة على المحور

**alaa_dash** · 03-02-2008 02:15 AM

طب بمناسنة المخالفات انا كنت في فرح و انا راجع طبعا الواحد بيحاول يساعد بانه يوصا الناس اللي في طريقه المهم اكتشفت انه الفرح كله في طريقي !! ما علينا ..كان حظي في خمسة بس معايا و طبعا اتنين قدام و تلاتة ورا و انا راجع بى كان في لجنة و لقيت امين شرطة امور و ظريف و قفني و لقيته بيقول اركن شوية علشان اعملك وصل صغير كده ب250 جنيه! حمولة زايدة !!!!ببيستظرف الاخ المهم مش ديه المشلكة قةلتله احنا كنا في فرح و كل سنة و انت طيب..فراح ببجاحة مشهودة قالي امال فين الحاجة الساقعة بتاعتي ..فهمت المراد من عبد رب العباد طلع في دماغي انه مش واخد منى ولا مليم و المهم مشيت وسيبته المهم بقه في ده كله هوه في حاجة اسمها حمولة زايدة !!؟؟انا مش اجرة و لا ميكروباص عشان يقولي حملوة زايدةان شــــــاالله اركب مصر !!!انا حـــــــــــــــــــــر...

**mohamed el hussien** · 03-02-2008 03:26 PM

لا طبعا
مفيش خمولة زيادة علي الملاكي
دة كان عايز فلوس وخلاص

وكويس ان انت مطلتعش فلوس
كنت حازعل اووي
عشان دول شوية حثالة

**abdelaziz-waleed** · 03-02-2008 03:37 PM

الله ينور عليك انك مطلعتلوش فلوس لأن احنا اللي بنساعدهم على كدة لدرجة انه وصلو لمرحلة لا تطاق ولسة ياما هانشوف الاساليب الجديدة
انا اعتقد ان لو انا عملت مخالفة وانا معترف اني عملتها، اكرملي ان الظابط يتبكها احسن ما اديلو خمسة ولا عشرة جنيه ويتستر عليا زي المجرم وده اعتقد انه حرام حرام حرام ولا ايه رأيكم

**Hossam_Hassan** · 03-02-2008 03:42 PM

بس انا بيتهيألى المفروض تبقى فى مخالفة للحمولة الزائدة حتى فى الملاكى، لأنها خطر على الطريق.

**alaa_dash** · 04-02-2008 02:40 AM

المشاركة الأصلية كتبت بواسطة Hossam_Hassan

بس انا بيتهيألى المفروض تبقى فى مخالفة للحمولة الزائدة حتى فى الملاكى، لأنها خطر على الطريق.

ما دام قولت المفروض يبقى مافيش و متهيألي لو كان فيه كان مش هيعديني و الله العظيم انا لو عليا ..نفسي احفظ القانون حرف حرف عشان اعرف اللي ليا بالظبط قبل اللي عليا ..