الموضوع: و أخيرا جبت البلاك بيري ....... لا عنجد إختراع عبقري !

اخيرا بعد صبر سنوات جبت البلاك بيري

طبعا الصبر بسبب أنة أخيرا بقي تليفون أدمي فية تطبيقات و فيديو و كاميرا و حجم معقول

أنا جبت الكيرف 8900 لسبب رئيسي و هو أنة اشيك جهاز في البلاك بيري، لكن يعيبة أنة مفيهوش ثري جي، فبطئ حبة في النت، لكنة غير كدة جهاز ممتاز

الميزة الأولي أنك تقدر تخلية يشوف كل ايميلاتك و يبعتلك الإيميل علي موبايلك في نفس اللحظة، يعني لو عندك سبعين إيميل تقدر تضيفهم بدون أي مشكلة و يجولك علي جهازك في ساعتها و يديك تنبية و كأنة رسالة قصيرة

الميزة التانية الجهاز محترم جدا، كي بورد ممتازة مفيهاش كل عيوب الأجهزة الحديثة بتاعت التكتكة العالية و الزرار يكتب الحرف مرتين و الكلام الفارغ دة

الميزة التالتة الأبليكشن بتاعت كل شبكات التواصل الإجتماعي و برامج الشات

الميزة الرابعة بقي حاجات صغننة كدة بس ليها معني، زي مثلا التحكم في جودة الصوت و أن بتتكلم في التليفون، شاشة رائعة بكل معني الكلمة عرفتني ان شاشة النوكيا تلفزيون أبيض و اسود، الجهاز سريع جدا.و كل ما تحطلة ميموري كارد اكبر كل ما الجهاز يبقي اسرع علي عكس باقي الأجهزة، بطارية ممتازة بتقعد علي الأقل يومين مع الفحت المستمر بدون وايرلس، و ميزات كتيييييييييييير موت تضرب فعلا النوكيا و كل أجهزة الويندوز موبايل في مقتل

الإشتراك الشهري غالي شوية الصراحة 110 في إتصالات و أول تلات شهور بـ 55 جنية

بس بصراحة انا نسيت اللاب توب و بقيت رامية في البيت من ساعة ما جبتة و كتفي ارتاح من الخلع المستمر الناتج عن شنطة اللاب توب

لكل من ينوي الزواج ........ اقصد لكل من ينوي شراء موبايل بجد ........ بلاك بيري يحطم باقي التليفونات تحطيما

:dddddddddd