explosion 2 automatic -- need your help ASAP

**emadfarouk** · 09-05-2010 01:50 PM

السلام عليكم

زرت امس توكيل المسلمي لكي اري الاكسبلوجن 2 اتوماتيك وكانت 1300 CC و مواصفات جميلة فعلا ولكن السؤال هل استطيع الثقة في هذه السيارة بعد كل هذا الكلام السيء عليها و انها صيني واتوماتيك كمان طبعا البائع امس وصف بها و اطرب ولكن بصراحة اريد رايكم الفني فيها لاني محتار ادفع 70 الف في صيني اتوماتيك و لا بروتون ساجا اتوماتيك نفس السعر

ممكن الرد سريعا

**cameeron** · 13-05-2010 05:07 PM

بص هاقولك حاجة على العربية دى مرة الراجل بتاع اخبار اليوم كان كاتبها عنها و بالرغم من عندم ثقتى قى كلامه لانه بتحركه مصالح الجرنان طبعا و لكن اللى خللانى انتبه لكلامه انه ماقلش الكلام ده فى اعلان العربية بس كان بيحكى واقعة ان الراجل رجب (وكيل دايهاتسو و فورد السابق) قالله انه جاب اتنين من العربية دى مانيوال طبعا للمزرعة بتاعته و شكر فى العربية جدا و قاله عملية و حلوة قوى و مفيهاش مشاكل

**odaoda** · 14-05-2010 01:14 AM

مش عارف بصراحة
فى الجاك كمان والام 11 والبروتون والاف ار فى ولا حضرتك عوز اوتومايتك فقط؟

**mby** · 14-05-2010 03:30 AM

المشاركة الأصلية كتبت بواسطة emadfarouk

السلام عليكم

زرت امس توكيل المسلمي لكي اري الاكسبلوجن 2 اتوماتيك وكانت 1300 cc و مواصفات جميلة فعلا ولكن السؤال هل استطيع الثقة في هذه السيارة بعد كل هذا الكلام السيء عليها و انها صيني واتوماتيك كمان طبعا البائع امس وصف بها و اطرب ولكن بصراحة اريد رايكم الفني فيها لاني محتار ادفع 70 الف في صيني اتوماتيك و لا بروتون ساجا اتوماتيك نفس السعر

ممكن الرد سريعا

ابني عنده الاكسبلوجن 2 المانيول 1600 و انا الحمدلله عندي البروتون البرسونا الاتوماتيك هاقول لحضرتك اللي انا شايفه في العربيتن وانت اختار الانسب لك انا شوفت الساجا اول مانزلت في عز العرب بس مش فاكر عنها كل حاجه
توكيل البروتون فيه مهندسين وفنيين بيفهموا في شغلهم والاكسبلوجن علي قد حالهم شويه
الضمان في البروتون 3 سنوات او 60000 كم علي كل شئ في العربيه ماعدا المستهلكات الزيوت وتيل الفرامل الخ ... الرجاء التاكد من ذلك لان ده موقف البرسونا.
الضمان في اكسبلوجن سنتين فقط ومش علي كل حاجه في العربيه الضمان مقسم العربيه الي اقسام منهم حاجات ضمانها 20000 كم او سنه مثل مجموعه التعليق والتوجيه والعفشه والفرامل والرادتير والمروحه اما طلمبه البنزين والتكييف 15000 كم او سنه والمصيبه الكبري الدوائر الالكترونيه خارج الضمان اصلا يعني الضمان سنتين علي الموتور فقط
الاكسبلوجن شكلها احلي بكتير من الساجا (وجهه نظري) ومرتفعه عن الارض اكتر بكتير من الساجا
الاكسبلوجن شبابي اما الساجا عائليه
الشنطه في الساجا اكبر بكتير من الاكسبلوجن صغيره
المساحه الداخليه في الساجا اوسع وكمان الكنبه وراء تاخد 3 افراد كويسين اما الاكسبلوجن 2 وطفل
الساجا اكثر ثبات و الاكسبلوجن بتعوم وتقلق في اخد الملفات علي السرعات العاليه
وانت راكب الاكسبلوجن تلاحظ ان الناس بتعملك حساب خايفه من ارتفاع العربيه فتلاقي رزاله اللي حواليك اقل شويه
لغايه دلوقت الحمدلله لم تظهر اي مشاكل في الاكسبلوجن 6500 كم وبرضه الحمدلله لا يوجد مشاكل في البرسونا 15000 كم
من ناحيه الكماليات الاضافيه ممكن اقولك ايه كماليات الاكسبلوجن (مش كل اللي في البرشور كلام صحيح) لكن كماليات الساجا انا مش عارفها
الاكسبلوجن فيها مرايات كهرباء ظبط وليس ضم- اشارات في المرايات -جنوط اسبور - فوج لايت- سي دي-تكييف- باور-سنتر لوك- Abdفرامل- لايوجد ايرباج -والسياره جر خلفي
لو فيه عندك ائ سؤال او معلومه تانيه محتاجها اتفضل اسال