البطة المرتاحة للنقل والسياحة

**Fouad Ezz** · 09-05-2010 02:27 PM

السلام عليكم
عام 1999 قررت شراء شقة وتوضيبها والإسراع في إجراءات الزواج
ووقع إختيارى (مرغما ببعض الظروف المادية) علي شارع الـ 20 (مسجد الوطنية) خلف حديقة بدر ... وكان وقتها شارع فعلا عرضة 20 متر وكنت لما بروح من الشغل أحتار في إختيار مكان لركن السيارة ... كانت أماكن الإنتظار كثير جدا ...
وبعد مرور 10 سنوات من العشوائية القاتلة التي تخيل لي في بعض الأحيان أن هذا المكان يوجد في توشكى أو الربع الخالي بعيدا بعيدا عن القانون وتطبيقة .... كل صاحب عمارة يأخذ تصريح ب 7 أدوار يقوم ببناء 14 دور ... وكل صاحب محل يأخذ 3 أو 4 متر أمام محلة لفرش بضائعة أو أدوات عملة ... الميكروباصات المنتهية الصلاحية والتي ليس لها ترخيص تعمل في الشارع وتقوم بلإصطفاف حتي 3 صفوف لتسد الشارع بأكملة وتجعلة طريق واحد رايح جاي .... وأخيرا إنتشر التوك توك كالنار في الهشيم ... ومن بعدة عربات الكارو المصنوعة من الحديد ويجرها حمار منقرض ....
وبالأمس ... وبينما كنت عائدا إلي المنزل والطريق في الشارع على هذا الوصف ... كانت ورائي سيارة إسعاف تحاول المرور ... حاولت أن أخذ الجنب اليمين للتوسيع لها ... وإذا بعربية كارو حديد تطلع من شارع جانبي فجأة وتصدم بوخرة سيارتي وتدمر الفانوس الخلفي يمين ...
وطبعا قامت خناقة إثبت فيها بالدليل القاطع إني غلطان لأني (يا بية إنت راكب عربية ماشاء الله ... تقدر تسرع شوية ولا تفادي الراجل ... وبعدين ده غلبان ... وربنا يعوض عليك ... ده بيجيب لقمة عيشة بالعافية)
السيارة الكارو كان يجرها حمار ويقودها كائن حي أشبة بالإنسان وكتوب عليها (البطة المرتاحة للنقل والسياحة)

**hobaz** · 09-05-2010 02:34 PM

قدر الله وماشاء فعل.......

**dolly13** · 09-05-2010 02:41 PM

والله مش عارفة اقولك ايه
ربنا يعوض عليك فى الفانوس والشارع والمنطقة والبلد كلها اللى مستحيل تقدر تاخد حقك فيها
لكن معلش غدا لناظره قريب

**Fouad Ezz** · 10-05-2010 12:40 AM

المشاركة الأصلية كتبت بواسطة dolly13

والله مش عارفة اقولك ايه
ربنا يعوض عليك فى الفانوس والشارع والمنطقة والبلد كلها اللى مستحيل تقدر تاخد حقك فيها
لكن معلش غدا لناظره قريب

شكرا ليكو جدا ... والحمد لله على كل شيئ ... بس والله انا ما زعلان على الفانوس علي قد ما نا متحسر على حال الشارع اللي الواحد ساكن فية وهو جزء لا يتجزأ من حال البلد كلها ... نفسي أعرف دور المرور إية ,,, والشرطة فين من تنظيم الفوضي إللى في الشارع دي ... هل دور المرور هو فقط جباية المخلفات وتسهيل مرور مواكب علية القوم ...

**sam_zen_elden** · 10-05-2010 12:48 AM

المشاركة الأصلية كتبت بواسطة fouad ezz

شكرا ليكو جدا ... والحمد لله على كل شيئ ... بس والله انا ما زعلان على الفانوس علي قد ما نا متحسر على حال الشارع اللي الواحد ساكن فية وهو جزء لا يتجزأ من حال البلد كلها ... نفسي أعرف دور المرور إية ,,, والشرطة فين من تنظيم الفوضي إللى في الشارع دي ... هل دور المرور هو فقط جباية المخلفات وتسهيل مرور مواكب علية القوم ...

الفكره مش فى الشرطه بس
لكن فى الجدعنه الكدابه
يعنى غلطان لكن علشان راكب كارو يبقى غلبان ومش غلطتة دى غلطة الحمار
ربنا يعوض عليك وكلنا ذلك المفترى الذى يملك سيارة

**Eng_Mostafa_89** · 10-05-2010 01:18 AM

معلش ياباشا ربنا يعوض عليك خير
المنطقة بتاعت حديقة بدر ومزلقان العشرين بقت حاجة لا تطاق بجد وخاصة علب الصفيح اللى بتمشي فيهم (الميكروباصات) وكمان عربيات نقل الموتى (العربيات النصف نقل المتغطية) مش عارف كل العشوائيات دى جت منين مرة وحدة كدة
الحال دة مكنش موجود لغاية قريب

**Fouad Ezz** · 10-05-2010 01:26 AM

المشاركة الأصلية كتبت بواسطة eng_mostafa_89

معلش ياباشا ربنا يعوض عليك خير
المنطقة بتاعت حديقة بدر ومزلقان العشرين بقت حاجة لا تطاق بجد وخاصة علب الصفيح اللى بتمشي فيهم (الميكروباصات) وكمان عربيات نقل الموتى (العربيات النصف نقل المتغطية) مش عارف كل العشوائيات دى جت منين مرة وحدة كدة
الحال دة مكنش موجود لغاية قريب

تخيل!! منطقة زي دى سعر الشقة فيها دلوقتي أصبح من 180 لـ 200 الف ومعظم ساكنيها من شباب محترمين ولا تبعد أمتار من أهم شوارع مصر حيوية (جسر السويس) منعدم فيها الرقابة تماما ... عربيات ميكروباص مكسرة وبدون نمر ويقودها بلطجية ... أمال الحال فى القرى والنجوع عامل إزاي؟

**mxz911** · 10-05-2010 01:26 AM

ربنا يعوض عليك

ويتوب علينا كلنا من العشوائيين والعربيات الكارو اللى بتمشى واخده حقها فى الشارع كأنها عربيه ملاكى وتضايق لو كلكستلها ..

يارب يجى ا ليوم اللى اشوفهم يختفوا فيه ويختفى الصرصار اللى اسمه التوك التوك والشخص اللى بيجعر بأعلى صوته روبابيكييييييييييييا

**Karim_Mohy** · 10-05-2010 02:55 AM

مش عارف اضحك علي اسلوبك الساخر ولا ازعل فعلا من اللي بتقوله ع اللي وصلناله

مش هاقدر اقولك غير ربنا يعوض عليك ان شاء الله

**Fouad Ezz** · 10-05-2010 04:56 PM

المشاركة الأصلية كتبت بواسطة Karim_Mohy

مش عارف اضحك علي اسلوبك الساخر ولا ازعل فعلا من اللي بتقوله ع اللي وصلناله

مش هاقدر اقولك غير ربنا يعوض عليك ان شاء الله

والله أنا كان قصدي نفضفض مع بعض على الحال إللي وصلت له شوارعنا وفوضانا ... وبعدين فعلا الراجل كان كاتب علي عربيتة الكاروة ... وبفرشة بوية محترمة كدة (البطة المرتاحة للنقل والسياحة) ... عالم رايقة ... ومعششة وتتكاثر وتنمو وتترعع في بيئة الفوضي إللي بقينا فيها ...

الموضوع: البطة المرتاحة للنقل والسياحة

LinkBack

أدوات الموضوع

عرض

البطة المرتاحة للنقل والسياحة - انشر الموضوع فى :

-

-

-

-

-

-

-

-

المواضيع المتشابهه

لانسر البطة مو 93

لانسر البطة

Evo 1 & Evo 2 اوعى البطة

حاره للنقل على الدائرى

المفتي يؤكد حرمة هروب المعتمرين والسياحة تطالب بمحاكمتهم

الكلمات الدلالية لهذا الموضوع

المفضلات

المفضلات

ضوابط المشاركة