ههههههههههههههههههههههههه ههه
عرض للطباعة
بجد يا جماعة انا مش عارف اقول ايه
انتو بجد حاجة تشرف انا مكنتش متخيل الردود دى كلها
بصوا بقى
اولا: انا لما جيبت العربية مكانش معاها ورق ضمان وقالولى لازم يكون موجود
ثانيا: العربية من شهرين كده كانت بتبطل لوحدها وانتا ماشى فروحت التوكيل اللى ف العبور قابلنى مهندس وقالى ده حساس الانجكشن وهيتكلف 1500 جنية ولو معاك ورق الضمان هتبقى على حسابهم فقالى شوف ورق الضمان ف المعرض بدل ما تدفع الفلوس (راجل طيب اوى) وخدونى 100 جنيه كشف المهم سالت على الورق ملقتهوش فقولت امرى لله اروح وادفع
روحت تانى يوم ملقيتش نفس المهندس فالتانى كشف قالى لا دى بوابة البنزين وتتكلف 2000 جنية
المهم روحت لواحد اعرفة بره قالى دى المبينة روحت اشترتها وركبها فى دقيقة
ان حسيت من كلام حضرتك انك فاهم ف الاوبل اوى ودارى بامور التوكيل
فياريت حضرتك تفيدنى اكتر يعنى تقولى اول خطوة ايه عشان احدد العيب كويس لان كذا واحد قالى ده فتيس وخلى بالك يا استاذنا ان العربية بتدور وبتاخد غيارات بس مبتتحركش وكمان افضل الحلول يعنى لو عربيتك انت هتعمل ايه معلش تقلت عليك
العطل دة حصل لواحد معانا هنا والعيب زى محضرتك بتقول بظبت وكمان عشان الفتيس دة يعتبر منوال بصرف النظر عن التكنولوجيا بتعتة طيب خلينا وحدة وحدة نفكر كدة بصوت عالى شوية انت العربية بتدور بتدى نقلة بتتحركش يبقا العربية مبتختش نقلات فعلية على العموم ولا انا ولا اى حد يقدر يقول اة قلى فيها انت هتخدها على التوكيل لازم يشخص الحالة وقطعة الغيار بالنسبلنة سهلة لونى مبفضلش الاستيراد فى العربيات الحديثة اوى دية لان الاستيراد عامل زى البطيخة ممكن يبوظ تانى وطبعا سعتها هتكون دفعت مبلغ كبير جدا على العموم انا هكتبلك شوية نمر واتصل شوف هيقولو اة بس انت حدد اة قلى بايظ انا بستبعد فكرة الفتيس دية خالص يبقا
اولا تعرف قلى بايظ اولا
ثانيا تجيب قطعة الغيار مش العكس
وانا اول لما هنزل العربية هطلع الاجندة واجبلك شوية نمر عشان هى فى العربية وخير متقلقش بتحص فى افضل العربيات
وعلى فكرة تركيب الحجات دية عيزة حد متمرس عليها جامد مفيش حد فى مصر برة التوكيل بيفهم فيها اوى ممكن صابر بتاع ربعة ودة مغلونى قريب من سعر التوكيل على العموم خير
يعنى ايه العربية دى ملهاش ورق ضمان
الحاجة دى استفزتنى قوى
يا باشا ولا فاهم ولا حاجه :ma: مين ضحك عليك و قالك كده ..
دول كلمتين خدتهم فى ثانوى هههههههههه
بص يا باشا ..
اولا كده اعتقد ضمان عربيتك خلص ..
لانها فات عليها سنتين ..
و عدت ال 60 الف كم .. و حتى لو الضمان 70 الف ..انت عديت الضمان ب 5000 كم
بس فى رايى ..
التوكيل مش كويس بنسبه 100% ولا حتى 80% ..
بس معتقدش برده ان فى حد برا التوكيل هيفهم فى الفتيس ده ..
لو حاجه تانيه فى العربيه اقولك ماشى ..
انما الفتيس ..
معلش يعنى الناس لحد دلوقت مش عارفه تسوقه و فى بيفتى و يقولك معرفوش يعملو فتيس ...
فالتوكيل احسن الوحشين ..
هيكشوفو عليها ..
و يشوفو ..
و طالما بتاخد نقلات و مش بتتحرك ..
يبقى غالبا كنترول نقلات ..
بس قولى فى اى علامات بتظهر فى الشاشه بتاع النقلات ..؟؟؟
ان شخصيا لو عربيتى عملت كده ..
هجيب ونش و هاخدها و اروح التوكيل و مش هدفع فيها مليم ...
عشان عربيتى فى الضمان ..
لو عربيتى برا الضمان ...
انا اسف ..
هروح ابيع المكنه الى فيها و السليم الى فى الفتيس ..
و هسقط فيها مكنه 2000 سى سى بفتيسها ...(منصحكش تعمل حركه مجنونه زى دى ..)
خد عربيتك ع التوكيل و ان شاء الله خير ...
بس عندى سؤال ..
لما بتدور العربيه و تنقل على A مثلا ..
وتدوس بنزين ..
فى صوت تك تك تك تك بتسمعه من عند الموتور ؟؟؟ الصوت مش عالى ..
عشان تسمعه خلى حد يدوس بنزين و اقف انت جمب العربيه و اسمعه ...
قولى كده و ان شاء الله خير ..
و تحت امرك فى اى حاجه لو عاوز الفتيس بتاعى تحت امرك ...هديهولك بس من غير الكنترول بتاعه :36_6_3[1]:
بهزر يا باشا اوعى تزعل منى ..
يا عم انت استاذ
و انت خدت الحاجات دى فى ثانوى
يا نهار ابيض ده الطب اتقدم قوى
dsg 7 or dsg 5