(عرسه) ساكنه فى العربية!

**mohabelnegm** · 09-05-2010 11:27 PM

المشاركة الأصلية كتبت بواسطة omaroof

بلاش موضوع السم ده لحسن تموت جوه الغربيه وتعمل ريحه وماتعرفوش توصلو للجثه تبقى مصيبه
حاتبقى ريحة العربيه

ياريت تموت و نخلص منها و الريحة أرحم من التباتة بتاعتها..نظرية عليا و على أعدائى:)

**mohabelnegm** · 09-05-2010 11:33 PM

المشاركة الأصلية كتبت بواسطة hugan

اولا
السم مش ها ينفع لان العرسه مش من القوارض العرسه من المفترسات يعني مش ها تاكل الانشون
ثانيا
المصيده نفس الكلام مش ها تخش المصيده لانها غير الفيران
المقشه عايزه مساحه كبيره علشان تكون في معركه معاها وجها لوجه وتضربها بيها علشان تموت دي فايده المقشه البلح بتاعت السباطه يعني اللي بتكون شايله الثمار البلح
كانت عندي نفس المشكله في العربيه ال25 وقفلت كل المنافذ وفي الاخر اكتشفت انها بتدخل من جنب الزور بتاع البنزين اللي المسدس بيدخل فيه علشان تمون العربيه وبعد كده بتدخل من ا لكنبه الخلفيه داخل العربيه
الحل الامثل انك تفك الكنبه الخلفيه علشان انت عندك الموتر خلفي والسروجي يشوف اي مكان مفتوح ممكن تدخل منه
والكرسيين الا مامين ويفك الفرش من تحت التابلوه ويشوف اي فتحه مفتوحه ويسدها
الحل سروجي مش سمكري
وربنا يعينك لانها شيء مقرف بجد

يا باشا أشكرك على الرد و التحليل الدقيق للمشكلة و الحلول

**بحري** · 09-05-2010 11:38 PM

اعمل بحث على المنتدى حتلاقي إن الموضوع كبير جدا وتمت مناقشته أكثر من مرة والخلاصة (إن مفيش فايدة)
من كام يوم نازل بالليل لقيت العرسة واقفة على كرسي السائق بجوار مسند الرأس في عربية ١٢٨ بتاعة واحد جارنا..واقفة ولا هاممها وبتبص للمارة من خلال الزجاج بثقة شديدة...صاحب العربية صعب عليا جدا وهو نايم فوق والعرسة مدلعة نفسها على الآخر جوه العربية وهو بكره الصبح حيجي يعقد مكان العرسة...والله يومها فضلت طول الليل متنكد لأن أنا عانيت فترة برضه من موضوع العرسة وفي النهاية الحل الوحيد هو حل السروجي بالكامل وتقفيل أي ٢ سم *٢ سم ممكن تدخل منهم العرسة