لما أشتريت النيو أكسنت صعب عليا أفرط فى عربيتى البيتلز و علشان كدة سبتها فى القاهرة و والدى كل فترة بيحرك العربية يعمل بيها مشوار علشان العربيه تتحرك من الركنه..المشكله اللى ظهرت مؤخرا أن من كتر ركنة العربية فى عرسة سكنت فيهالأن والدى بيلاقى عضم فراخ و بواقى عصافير ميته و حاجات زى كدة فى العربيه تحت الكراسى و رغم تنضيف العربية كل أسبوع الا ان المشكلة لازالت موجودة..أنا لما كنت موجود فى القاهرة أشتريت علبتين بيروسول كبار و بقيت أرش العربية من جوة كل يوم الصبح و بالليل حتى أنى شيلت الكراسى تماما من العربية و فعلا طول ألأسبوع لما كنت فى القاهرة العرسة مارجعتش للعربية لكن لما سافرت والدى قالى أن العرسه مصممة أنها ترجع للعربية تانى. حتى أن والدى جرب يركن العربية الناحية التانية من العمارة الا أن دة ماحلش المشكلة برضة. يمكن حد يكون مر بحاجة زى كدة و عندة فكرة تطفش العرسة دى؟؟