الموضوع: هعمل صيانه العشرين الف يوم الاربعاء القادم وعندى استفسار

حضرتك المبلغ رايح اغلبه في تمن الزيت وسعر فلتر الهوا ولتر الزيت
المصنعيات أظن انها مش هتفرق كتير قوي في سبيل انك تاخد خدمة محترمه ومضمونة في اي شئ
ده رايي بصراحه

سلامتها ام حسن ... قصدي سيريون
هيه شوطه حصلتلنا ولا ايه
4 او 5 حوادث لاعضاء دايهاتسو
ربنا يسترها معانا
انا زيك يا جورج بدور على مكان غير الوكيل اعمل فيه الصيانات
انا عملت ال 10000 من كام يوم
دافع 220 جنيه على شويه مصنعيات و بس
لاني مغير لموبيل وان و انا على ال 5000
فا غالبا هاغير زيت بالفلتر بره و هاخلى الصيانات علشان استمرار الضمان

المشاركة الأصلية كتبت بواسطة bmya

جورج يا صحبي
انا كمان عامل 20 الف و100 كيلو تقريبا زياده وهروح اعمل صيانه ان شاء الله بس انا مبروحش ابو رواش والعبور انا بروح مركز معتمد في المنصوره تيجي معايا :)
صحيح سلامه السيريون يا مان هو الخبطه في الاكصدام بس ولا حاجه تانيه وهل الاكصدام اتكسر يعني ولا ايه اللي حصل بالظبط
بالنسبه للصيانه هي هتتكلف في المنصوره تقريبا 600 او 650
لكن انا مش هغير الزيت عشان بغيره بره ومش هغير الفلتر عشان ان شاء الله هجيب واحد اسبور
فروح بس صيانه عاديه
اللي هي تربيط وتظبيط الفرامل وعندي صوت تزييق من وره بيجي بمزاجه معرفش من ايه
وكمان قالولي هنبص على البوجيهات وممكن يغيروها بس انا مش هغيرها برده اعتقد لسه شويه عليها والعربيه بتدور كويس من اول مره فغالبا هنفض لهم في البوجيهات كمان

صديقى واستاذى استاذ ايوب :) عامل ايه,انا الاكصدام عندى اتفك من قدام يمين من الكليبسات وفيه حته اتقطعت والصاج اتفعص يعنى بقت متبهدله خالص يا شريف انا كنت واقف فى اشاره وعلى يمينى اوتوبيس ولما الاشاره فتحت قبل انا ماتحرك هو داس بنزين وكان عايز يحود من قدامى قام كسر عليا دخل فى الاكصدام,بس ده انت على كلامك كدا تعتبر مش هتعمل حاجه من الصيانه خالص فى التوكيل,انا بصراحه مستكتر المبلغ شويه مش عارف بس غالبا بقى هروح بكره وخلاص

تقبل تحياتى يا صديقى العزيز

المشاركة الأصلية كتبت بواسطة أبو عبدالله

حضرتك المبلغ رايح اغلبه في تمن الزيت وسعر فلتر الهوا ولتر الزيت
المصنعيات أظن انها مش هتفرق كتير قوي في سبيل انك تاخد خدمة محترمه ومضمونة في اي شئ
ده رايي بصراحه

كلامك صح يا ابوعبدلله انا فاهم ان المبلغ ده رايح فى الزيت والفلاتر بس اللى انا بتكلم فيه ان اصلا قطع الغيار غاليه فى التوكيل علشان كدا كنت بسئل لو فيه مركز صيانه يكون معتمد واسعاره ارخص شويه

شكرا لمرورك ونصيحتك,تقبل تحياتى

المشاركة الأصلية كتبت بواسطة rockana

سلامتها ام حسن ... قصدي سيريون
هيه شوطه حصلتلنا ولا ايه
4 او 5 حوادث لاعضاء دايهاتسو
ربنا يسترها معانا
انا زيك يا جورج بدور على مكان غير الوكيل اعمل فيه الصيانات
انا عملت ال 10000 من كام يوم
دافع 220 جنيه على شويه مصنعيات و بس
لاني مغير لموبيل وان و انا على ال 5000
فا غالبا هاغير زيت بالفلتر بره و هاخلى الصيانات علشان استمرار الضمان

محمووووووووود محدش بقى بيشوفك خالص ليه يا صديقى الخط ال4ميجا راح فيين :)
هو الظاهر كدا يا محمود انه مفيش مفر من التوكيل وخلاص,انا بفكر انا كمان معملش الصيانات بعد كدا فى التوكيل,ثمنها كتير بصراحه

تقبل تحياتى يا باشا ومتغيبش علينا


شكرا لكم جميعا على الرد واعطاء النصيحه

جورج قطع الغيار في اي مركز صيانة هتلاقيها نفس السعر ويمكن اغلى 5 او 10 جنيه كمان
يعني مفيش ارخص من التوكيل لأن التويل هو اللي بيديهم قطع الغيار

بالمناسبه يا جماعه عندى استفسار تانى,بلاحظ وانا مشغل التكييف على واحد ان مروحه التكييف بتشتغل وتبطل كتير اوى,مره كل نص دقيقه تشتغل وتبطل بعدها ب 10 ثوانى هل ده طبيعى؟انا مالحظتهاش لما بكون مشغل التكييف على سرعه اعلى لاحظتها على واحد فقط

طبيعي يا جورج
لأن المروحة دي سرعتها عاليه وعلشان كده بتفصل كل شوية
لأن في غالب العربيات المراوح بتقعد تشتغل فترات اطول ومتفصلشي زي دي الا بعد فتره اطول من دي
يعني المرحة علشان سريعة فبتفصل علشان تريح كل شوية وتشتغل تاني على فترات قصيرة

انا فى التوكيل دلوقتى يا جماعه بعمل الصيانه,لاقيت انذار جديد جابوه فى التوكيل,لما سئلت عليه قالولى انه بيفرق عن النوع التانى اللى ب 800 جنيه فى انه حساسيته اقل شويه مش بيشتغل غير فى حاله الخبطه او الكسر وتمنه 550 جنيه وانا قررت اركبه,انا قلت اقولكوا المعلومه