عرض للطباعة
السلام عليكم
معلش يا جماعة سؤال غريب شوية
بس الواحد اتعود ان المنتدى هنا ممكن يلاقي فيه افادة في كل المجالات مش بس في السيارات
دلوقتي عندي حوض استانلس (حلة) عايز اثبته في الرخامة ..
جربت قبل كدا السيليكون بعد فترة مع الميه السيلكون طلع كله حته واحدة
وجربت اسمنت ابيض .. بعد فترة برضه اتكسر واتفك..
وحاليا في فرق بين الحوض والرخامة بيسرب ميه
في ناس قالولي جرب كُــلة رخام.. بس معرفش هاتمسك في الاستانلس ولا ايه النظام..
ولا في نوع مخصوص من السليكون مثلا للموضوع دا؟؟
افيدوني مشكورين
كله عاديه مع ماده بتخليها جامده جدا هى الماده دى بتاعه رخام بس للأسف معرفش اسمها ايه , اسأل اى صنايعى رخام و هايقولك عليها و بتقلبها مع الكله و بتعمل بيها المكان اللى عايز تثبته.
و فيه برده سليكون مقاوم للماء و الباكتيريا و للأسف برده مش فاكر اسمه ايه بس بتشتريه من عند دارى .
و متأسف اذا ماكنتش عارف افيدك بمعلومات كامله بس عموما نص العمى وللا العمى كله ههههههه
مشكور يا باشا
هي فعلا كلة الرخام بيكون معاها حاجة كدا اسمها مرهم أو مثبت
انا بس قلقان انها ماتمسكش في الاستانلس وساعتها ازالتها هاتبقى صعبة اوي
هي معلومة مهمة اوي بتاعة داري .. هما ممكن يفيدوني فعلا..
يا باشا كلة رخام وده ا ب صنعة رخام لثبيته وده بيتعمل اساسى عند اى حد بيركب الحلة فى الرخام
المفروض بيبقى جاى معاة جوان بيتحط تحت حرف الحوض وكلبسات علشان تثبيتة فى الرخام بحيث يبقى قافل على الجوان
نشف المية كويس .. نضف مكان الفرق اللى بين الرخام و الجوض .. هات انبوبة سيليكون ابيض من اى حج بتاع اكسسوار (ثمنها 4.50 ) ارفع الحوض شوية .. املا الفراغ بالسليكون .. اكبس الحوض و اتأكد ان افراغ مليان سيليكون و ممكن يديله شريط سيليكون بعد ما تكبسة (لزيادة التأكيد) و الزقة باسكوتش فى الرخامة ( بنفس الطريقة اللى بيعملها بتاع الزجاج لما بيلزق البربريز باسكوتس) .. سيب الوضع زى ماهو 24 ساعة (اوعى تستخدم الحوض او تجيب عليه او على اللزق او السيليكون مية او اى سائل) .. بعد 24 ساعة شيل الاسكوتش و ادعى لىاقتباس:
المشاركة الأصلية كتبت بواسطة timtim
متشكر يا جماعة جدا على ردودكم ..
بس علشان تبقى الصورة واضحة هو الحوض ماينفعش يبقى ليه جوان لانه مش زي الحوض اللي بيبقى فوق الحوض.. انما بيبقى حوض ليه شفة صغيرة وبيتفتح في الرخام على أده وبيتثبت فيه..
بشكركم على الردود .. هاجرب السيليكون الابيض أولا..
بعد ما تجرب قولي لاني عندي نفس المشكلة بالظبط والمية عندي بتسرب ومبوظة الدنيا
معلش مافيش فايده حاولت معاه كل حاجه ..........بس برضه بعد فتره الميه بترجع تتسرب تاني
وكل معارفي اللي عملوه ندمو ......انا بقيت بنصح الكل دلوقتي يايركب العادي يا يعمل الوحده اللي تحته الوميتال والراجل يركب فيها صينيه تلم الميه ......
انما الوحدة لو خشب يبقي عليه العوض
لو حد ياجماعه عرف يوصل لحل يقول
بص يا باشا من انا سألتلك مهندس دلوقتي ( في شركة رخام و جرانيت )
قالي لازم سيلكون ماينفعش اي حاجة تانية ( زي الأيبوكسي و الكلام ده مش هينفع علشان لما بينشف بيمسك جامد جداً و ممكن يقطم الرخام نفسه )
الحل الي قالي عليه
ان الشفة نفسها الي في الرخام لازم تتخشن بصاروخ ( يعني تخليها خشنة ) و تلزقها بسيلكون و ان شاء الله تمسك معاك
انا عملت كده وغيرت نوع السيلكون كذا مره وبرضه بيرجع يسرب الميهاقتباس:
المشاركة الأصلية كتبت بواسطة أبـو آســـــر
بجد الميه جباره
مش عارف العيب منين بصراحةاقتباس:
المشاركة الأصلية كتبت بواسطة enas75
انا عندي في البيت كدة و مافيش اي مشاكل
هو الحل اكيد في السيليكون بدليل انه بيلزقوا بيه زجاج العربيات وبعد يومين او تلاتة لو في حتة سيليكون زيادة تلاقيها بقت زي الكاوتش ..
بس يمكن السليكون الشفاف ضعيف شوية بيبقى عامل زي الجيلي كدا..
انا سألت بتوع الازاز وقالولي فعلا تخشن الحوض والرخامة..
هاجرب واقولكم الاخبار ان شاء الله..
شكرا ليك يا بوآسر على اهتمامك
هقولك على الحل الأخير والمفيد بس ليا الحلاوة ههههههه
هتروح هايبر او كارفوراو اي محل حدايد وبويات كبير وتشتري السيليكون الهولندي اسمه Bison
http://www.bison.nl/upload/64ea660fc35242691015e4.gif
انا شفت شكل زي دا في محل حدايد وبويات بيقولي امريكي ب18جاقتباس:
المشاركة الأصلية كتبت بواسطة أبو عبدالله
بس هو شفاف ولا ابيض يا بو عبدالله؟
معلش سؤال : انت جربته؟ بقاله اد ايه عندك؟
اما عن الحلاوة هاتضطر تنتظر 4 شهور لحين الانتهاء من التجربة واثبات الفاعلية :w6266d
لأ هو مش امريكي هو هولندي وسعره حوالي 36 جنيه مش 18 جنيهاقتباس:
المشاركة الأصلية كتبت بواسطة timtim
ده شكله واحد مضروب
ولونه اصفر مش ابيض ومش عامل زي الأبض وانما عامل زي الكريمه التقيلة قوي
انا مجربه وبقاله عندي 5 سنين والحمد لله
بس انت املى الفراغ كويس بزياده وبعدين اضغط الحله في الماكن وحط جواها حاجه تقيله فتره كبيره واستني فتره صغيره لحد ما السيليكون ينشف شوية وبعدين بكسينة او كتر وشيل الحروق بتاعته اللي طلعت من الحواف مكان الضغط
وان شاء الله يبقى ميه ميه وانساه
وعلى فكر فيه منه انبوبة حديد زي بتاعت المراهم الطبية كده ودي ميزتها انك بتقفلها ويفضل معاك فتره لأن انت عارف ان علب السيليكون دي غالبا لما بتتفتح لازم تشتغل بها ولو سبتها فتره بتنشف
جزاك الله خيرا يا بو عبدالله..
انت كدا أفدت الناس اللي عندهم نفس المشكلة كمان..
وانت السبباقتباس:
المشاركة الأصلية كتبت بواسطة timtim
وتقبل تحياتي