مع احترامي ليك, بس كلامك مش صحيح. أنا عندي lg x120 و البطارية بتعد أكتر من أرْبع ساعات. و في حاجات تانية بتعد أكتر من كده بكتير.
ماشي انا برضه الايسر 1410 بيكمل من 5-6 ساعات بس هو قال انو حيجيب واحد ب 1500 بس وبكده حيخش في الايسر اللي بطاريته بالكتير 3 ساعات
أنا برده مع إنك تجيب حاجه أكبر شوية كور 2 ديو وتسيبك من الميني ده خالص البروسيسور Atom بصراحة ما ادفعش فيه فلوس
البطاريه ال 6 خليه بتقعد 4 ساعات من غير فيديو
و ال 9 خليه بتقعد من 6 الي 5 ساعات
الاستهلاك متغير و بيعتمد علي اللي مشغله علي الجهاز
و بالنسبه للماسينجر ففععلا الشاشه ال 10 بوصه بتعمل كده لكن ممكن تجرب تدوس f 11 اللي هو فل اسكرين و في حل انا بستخدمه بنجاح
دوس تاب و انت فاتح الشاشه دي هتلاقي العلامه المظلله بتجري علي الزراير كلها زرار ورا زرار
استني لغايه ما تنزلل تحت و انت عارف طبعا ترتيب الزراير دي و دوس اسبيس او انتر و شكرا
و متنساش انك مش بتحتاج حاجه زي كده الا كل فين و فين انا معاك طبعا في انها خاجه تنرفز لكن مميزات الاجهزه دي بتغطي عيوبها
كفايه الحجم و الوزن
و هو عموما هدفه النت و التنقل
ده انا بحمد ربنا انه نزل بالاسعار دي لأني كنت راسم اصلا علي لاب 13 بوصه علشان مش معقوله امشي و اتحرك بتهمه كبيره زي ال 15 او 17 بوصه غير ان وزنهم كارثي
و في الاول و الاخر كل واحد ليه متطلباته المختلفه
و سمعت ان نزل منه شاشات 12 بوصه
انا معاك ان الجيل الاول مكنش بالقوه الكافيه
لكني معايا asus eeepc 1000h
محستش اني مش قادر اعمل الحاجات العاديه اللي بحتاجها
طبعا جربت العاب مش تقيله و شغاله كويس
و مين عارف يمكن بكره يتطور تطور رهيب و يبقي منافس للاجهزه المكتبيه خصوصا ان السي دي مبقاش في الوضع اللي كان عليه من 4 او 5 سنين
انا متوقع لما بشوف احجام و سعات الهاردات و الفلاشات اليو اس بي بتوقع انه قريب جدا هيتم الاستغناء التام عن السي دي و اللجوء للفلاشات اليو اس بي لغايه ما ربنا يكرمنا و يخترعو اختراع جديد يخلينا نحتقر الفلاشات اليو اس بي زي ما بنبص حاليا لما تبقي من الفلوبي ديسك في السوق