لعمالقة الدفع الرباعى و ال suv

**Ahmed Selim** · 09-05-2010 09:01 PM

السلام عليكم جميعاً

إن شاء الله ناوى على أول الشهر أشترى عربية دفع رباعى أو suv و محتاج مساعدتكم لأنى جديد فى الموضوع ده

مبدأياً أنا فى الأمارات و أسعار العربيات اللى هقولها متقاربة الى حد كبير

أولاً أنا أحتياجاتى فى العربية الأتى

1- أهم حاجة الثبات
2- راحة الركاب تكون ممتازة الى أقصى درجة ممكنة
3- لو أحتجت للدخول فى أرض رملية أو صخرية مبقاش قلقان أن العربية تغرز أو تتعب جامد ( و ده أحتمال مستبعد جداً )

العربيات اللى قدامى فى حدود ميزانيتى الأتى
1- فورد أيدج
2- فورد أكسبلورر
3- جراند شيروكى
4- نيسان باثفايندر

أنا مبدأياً عملت تست درايف للأتنين الفورد النهاردة و عجبنى فيهم الثبات بس لاحظت أن تكييف الأكسبلورر أحسن من الأيدج بكتير......بس فى نفس الوقت أنا ميال للأيدج أكتر....حاسس أنها شبابى أكتر ده غير أنها 265 حصان و 6 نقلات أمامية بينما الأكسبلورر 210 حصان و 5 نقلات أمامية فقط

يا ريت تقولولى أيه فى الأختيارات دى يناسب أحتياجاتى أكتر

أيه اللى وحش و أيه اللى حلو فيهم على قد ما تقدرو

شكراً مقدماً

**M!NA** · 10-05-2010 01:58 AM

فين الكروزر و البرادو و الباترول يا بيك؟

الأمريكاني منظر و عربية عضلات من غير مخ...

ركوبة ... لكن الياباني حاجة تانية,,,,

الباثفايندر كويسة...بس ضخمة أوي... و ان كانت تعتبر أفضل الاختيارات المطروحة...

**Ahmed Selim** · 10-05-2010 11:07 AM

للأسف تويوتا مش فى القائمة لأن الصيانة العادية للعربية يتضطر تسيب فىها العربية مش أقل من يومين فى التوكيل نظراً للضغط الشديد على مراكز الصيانة.

بس الباترول و الكروزر تحديداً مش هعرف أجيبهم عشان غاليين عليا......و لو فكرت أجيب مستعمل هلاقى أن تمنهم عالى برضه جداً مقارنة بالباقى.....لأنهم أكتر عربيتين أهل البلد بيركبوهم هنا...............هما والمرسيدس اللى مش فاكر أسمها اللى شبه الصندوق.

**Dr_Smart** · 10-05-2010 11:28 AM

انا رأيي نيسان باثفايندر افضل وممكن مورانو شكلها شبابي اكتر و حجمها كويس

ليه ماشوفتش سوزوكي جراند فيتارا ؟؟؟

**NaderNabil** · 10-05-2010 11:33 AM

الإنفينيتي أخبارها إيه؟

**M!NA** · 10-05-2010 11:34 AM

المشاركة الأصلية كتبت بواسطة ahmed a.maksoud

للأسف تويوتا مش فى القائمة لأن الصيانة العادية للعربية يتضطر تسيب فىها العربية مش أقل من يومين فى التوكيل نظراً للضغط الشديد على مراكز الصيانة.

بس الباترول و الكروزر تحديداً مش هعرف أجيبهم عشان غاليين عليا......و لو فكرت أجيب مستعمل هلاقى أن تمنهم عالى برضه جداً مقارنة بالباقى.....لأنهم أكتر عربيتين أهل البلد بيركبوهم هنا...............هما والمرسيدس اللى مش فاكر أسمها اللى شبه الصندوق.

الصيانة في البداية مش هتزيد عن تغيير زيت و فلتر (و بوجيهات - لو كانت عربية بنزين)
و طبعا لو ديزل... (و ديه أنصحك بيها جدا عن تجربة شخصية)
هما الفلاتر و الزيت و بسسسسسسسسسسسسسسسسسس و دول ممكن تغيرهم بنفسك...

بس السؤال... هو مافيش مراكز خدمة معتمدة غير التوكيل؟
و هل لازم العربية تبات يومين؟ ولا ممكن تحجز معادك و تيجي في خلال اليومين دول؟

رأيي... حاول تشوف طريقة ... لأن مواصفات العربية اللي بتتكلم عنها هي مواصفات البرادو...(و يا سلام لو ديزل)

و بالتوفيق...

**Ahmed Selim** · 10-05-2010 09:32 PM

المشاركة الأصلية كتبت بواسطة evo

ابعد عن الأمريكي في الامارات !
الماني أو ياباني علشان ماتخسرش فيها .

ولو مصمم على امريكي هات h3 هي اللي ممكن تمسك سعر شوية وسعرها مناسب

كله بيخسر هنا كتير........الحاجة الوحيدة اللى بتمسك سعر شوية هى التويوتا

الهامر كانت أحد الخيارات فعلاً بس غسرت رأيي لسببين........أولاً جربت عربية واحد صاحبى و معجبتنيش قوى و ثانياً و ده الأهم هو أنى سمعت أنهم هيوقفو أنتاجها أخر السنة دى لأن الشركة بتفلس.......بس مش عارف مدى صحة الكلام ده أيه .

المشاركة الأصلية كتبت بواسطة mr_sameh

اعتقد الاكسبلورر افضل لان انتشارها اوسع

المشاركة الأصلية كتبت بواسطة dr_smart

انا رأيي نيسان باثفايندر افضل وممكن مورانو شكلها شبابي اكتر و حجمها كويس

ليه ماشوفتش سوزوكي جراند فيتارا ؟؟؟

الباثفيندر مستنى أعملها تست درايف قريب إن شاء الله

المورانو ممتازة طبعاً......بس أنا عاوز عربية أكبر شوية صغيرة

السوزوكى هنا معلهوش أقبال سواء جديد أو مستعمل

المشاركة الأصلية كتبت بواسطة nadernabil

الإنفينيتي أخبارها إيه؟

غالية عليا يا نادر باشا

المشاركة الأصلية كتبت بواسطة m!na

الصيانة في البداية مش هتزيد عن تغيير زيت و فلتر (و بوجيهات - لو كانت عربية بنزين)
و طبعا لو ديزل... (و ديه أنصحك بيها جدا عن تجربة شخصية)
هما الفلاتر و الزيت و بسسسسسسسسسسسسسسسسسس و دول ممكن تغيرهم بنفسك...

بس السؤال... هو مافيش مراكز خدمة معتمدة غير التوكيل؟
و هل لازم العربية تبات يومين؟ ولا ممكن تحجز معادك و تيجي في خلال اليومين دول؟

رأيي... حاول تشوف طريقة ... لأن مواصفات العربية اللي بتتكلم عنها هي مواصفات البرادو...(و يا سلام لو ديزل)

و بالتوفيق...

بالفعل كلامك صحيح عن الصيانة بس للأسف لو معملتش الصيانة فى الوكيل أخرج من الضمان

و بالنسبة للديزل...........السولار هنا أغلى من البنزين :)

و مفيش مراكز خدمة معتمدة على حد علمى.....و موضوع بيات العربية ده بعد الحجز

-

الموضوع: لعمالقة الدفع الرباعى و ال suv

LinkBack

أدوات الموضوع

عرض

لعمالقة الدفع الرباعى و ال suv - انشر الموضوع فى :

-

-

-

-

-

-

المواضيع المتشابهه

إتزان السيارات الدفع الرباعى

الدفع الرباعى فى التيريوس

الى عشاق الدفع الرباعى

الدفع الرباعى يساوى كام؟؟؟

و يأتى دور سيتروين فى عام الدفع الرباعى

الكلمات الدلالية لهذا الموضوع

المفضلات

المفضلات

ضوابط المشاركة