نظام التقسيط في الانسر 1600 سبورت !!!

اخيرا وبعد طول وفحص ومحص استقريت علي 1600 سبورت كنت عايز استفتسر علي
نظام التقسيط للانسر سبورت 1600
روحت للبنك شغال فيه واحد صحبي
قالي اروح للمعرض واجيب منه عرض اسعار وادفع المقدم في البنك وهو يقسط مع المعرض
علما اني ناوي ادفع نص تمن العربيه واقسط الباقي
فهل عرض الاسعار ده مجاني ولا بفلوس
وكمان الاستلام بعد قد ايه

وايه احسن نظام واقل فوايد طبعا عايزين نهرب من حوار المصاريف الاداريه علشان الرواس باشا

لما روحتله علشان اطلع عرض سعر قالي كلام كدا خلاني افكر كذا مرة قبل التعامل معاه
قالي لو العربيه تمنها 118000 هايطلع عرض السعر للبنك بي 100000
سؤال جيه في بالي وال 8000 دول هايروحه فين ؟
وليه منتحاسبش علي السعر المقدم للبنك
هل الكلام ده مظبوط ياريت لو حد عنده تفسير لو الرواس بيعمل كدا امال بقيت المعارض هاتعمل ايه استغفر الله العظيم علي الجشع بتاع الناس


واخر سعر للانسر سبورت 1600 كام
لحسن انا سامع اسعار متفاوته

هل تنصحوني اجيب العربيه في الوقت ده ولا استني شويه
طولت عليكم ومستني ردكم
شكررررررررررررررررررررررر ررررررررررررررررا كتير

أستاذ johnyweb أهلا بيك


انا هارد على الجزئيات اللي اعرفها من اسئلتك


انما تفاصيل التقسيط بتمشي ازاي انا ما اعرفهاش ممكن الاخوة اعضاء المنتدى اللي عندهم معلومات عن جزئية التقسيط يفيدوك اكتر مني


انا باشتغل في التوكيل (مصرية) وكنا داخلين معرض فورميلا من 24-28 يناير - سعر اللانسر سبورت (1600 أوتوماتيك) كان في المعرض 117 ألف وبعد المعرض بيزيد ألف يعني 118 ألف

لو عايز مواصفات العربية وكمالياتها فهي مذكورة في الصفحة دي

http://www.mitsubishi-motors.com.eg/...X/options.html

وفي الموقع الكتالوج بالتفصيل ممكن تنزله Download


الرواس (موزع معتمد لمصرية) عنده اللانسر المصري بضمان مصرية وعنده اللانسر الخليجي بضمان الرواس (ضمان حقيقي 3 سنوات او 60 ألف كيلومتر)


احنا في مصرية كنا لفترة قريبة بنبيع العربيات نقدي فقط لكن من فترة قريبة بدأنا بيع التقسيط عن طريق البنوك لكن مش عارف التفاصيل بتمشي ازاي


ممكن تتصل بمعرض شركة مصرية اللي في 3أ ش رمسيس لمعرفة تفاصيل التقسيط ماشي ازاي تليفون 19830 أو تتصل بالاستاذ شريف منسي مدير المبيعات موبايل 0124145221

أستاذ مصراوي شكرا علي ردك
انا فعلان روحت النهارده وقابلت ممثل مبيعات اسمه محمد
وكان جنب الرواس لكن مدخلتوش
روحت للمصريه مع علمي التام ان الرواس عنده عربيات خليجي ويعني بتمتاز بحاجات عن المصريه لكن الي بيشتري عربيه جديدة بيهمة موضوع الضمان
انا دخلت جوة وقاعدت مع الشاب المحترم وحكيتلوا علي اعجابي بالعربيه
وعايز اجيبها بالتقسيط
وقالي علشان يطلع عرض أسعار لازم احجز العربيه بملغ 5000 جنيه
وبعد موافقة البنك استلم العربيه
مع العلم برده قالي العربية 117000 فتره المعرض ويحاول يكرمني فيها لكن وده المهم
هادفع 5000 جنيه ميعرفشي البنك عنهم حاجة في جيب المصريه ويطلع الاستعلام بملغ 12000 جنيه
ده كل الموضوع
مش كتير ياخواننا بس ارحم من الرواس