كنت عايز اعرف ازاي لو انا في مكان اعرف القبله علشان اصلي ؟
اتمني تفيدوني لاني عايز اصلي دلوقتي و مش عارف
عرض للطباعة
كنت عايز اعرف ازاي لو انا في مكان اعرف القبله علشان اصلي ؟
اتمني تفيدوني لاني عايز اصلي دلوقتي و مش عارف
مال هاش حل غير انك تشوف الشمس غربت فين و تخليه على شمالك
هتبقى القبلة في ظهرك ...لف و اتجه يسار شوية صغيرين قوي و صلي ...
بص ياباشا لو انت من القاهره بص علي اي طبق دش نايل سات اللي هو طبق صغير60سم وخد شمال 90درجه تبقي علي القبله
علي فكره انا مش بهزر ده بجد ومفيش اكتر من اطباق الدش دلوقتي مجرد متبص من الشباك هتلاقيهم مترصصين بالكوم
للاسف انا في المانيا
متهيألي على ما اعتقد ان اتجاه اطباق الدش مش نفس اتجاه القبلة على ما اظن
أسلم حل لحضرتك الأن
انك تفتح جوجل ايرث
وتحدد مكانك بالظبط وتشوف الأماكن اللي حوالين وتحدد خط من مكانك الى الكعبة وتشوف الخط هيعدي على مين من اللي حواليك وتظبط نفسك عليه
وتيجي بالسلامه من المانيا ان شاء الله
وعلى فكره المانيا في اكسسورارات جامده للسيريون حاول لو عندك فرصه تتفرج عليها وتشوف الأسعار انا عارف انها غاليه ولكن مش هتخسر حاجه ان شاء الله
القبلة من المانيا لجهة الجنوب الشرقي
حاول تعرف جهة الشمال فين .... وكدة تقدر تحدد الجنوب و بعدين من الجنوب اتجة ناحية يدك الشمال 35 درجة تقريبا
انت لك عذرك في عدم معرفة الاتجاة بدقة
لكن طبعا حاول تعرف الشامل والجنوب واعتقد ان ده سهل في اي مكان ولو القبلة مش متيسر لك انك تعرفها بدقة ... يبقى صلي للاتجاة الذي تعتقد انه للقبلة ... والله اعلم
وربنا يتقبل ان شاء الله
ممكن لو موبايلك فيه جي بي اس
تنزل اي برنامج خرايط و تظبط القبله
يلزمك التحري بقدر ما تستطيع ثم إن عدمت الوسيلة لمعرفة القبلة اجتهد في إعمال عقلك وصل إلى الجهة التي يطمئن إليها قلبك ويلزمك أيضا تكرار ذلك كل وقت صلاة
والحمد لله وسائل تحديد القبلة الآن متيسرة كما أخبر الزملاء
- جي بي إس
- جوجل إيرث (اقتراح أبو عبد الله)
- سؤال الجيران أو من عندهم دراية بالمكان
- البوصلة الاعتيادية
يسر الله لك الخير ووفقك ورشدك وثبتك على طاعته
وكنصيحة لكل مسافر قبل أن يشرع في سفره أن يجهز أدواته لمعرفة اتجاه القبلة إن كان المكان الذي سينزل به سيتعذر عليه فيه أن يعرف الاتجاه السليم
اجتهد فى تحديد مكان القبلة
كما قال الزملاء
و لكن ان صليت و كان اتجاهك خاطئ
فسوف يقبلها منك الله ...
رجاء لو في حد من الاخوه الاعضاء يعرف مكان بيع بوصله تحديد القبله في مصر يقول لاني ساءلت عليها في اكتر من مكان ولم اجدها
فى ميدان الجيزة امام مسجد الاستقامه فى 20 واحد بيبعوها بـ 5 جنيه
وفى المكتبات الكبرى
اينما تولوا فثم وجه الله
تشوف الشمس بتشرق منيين و تغير اتجاهك ناحية ايدك اليمين حوالى 45 درجة .. و السبب هو ( القبلة فى مصرعلى التجاه 135 درجة تقريبا .. و الشروق على اتجاه 90 درجة تقريبا .. يبقى لو غيرت اتجاهك 45 درجة لليمين من اتجاه الشروق حاتبقى مواجه اتجاه 135 درجة تقريبا .. اللى هو اتجاه القبلة) .. اما لو الوقت القريب لك هو وقت الغروب فالموضوع سهل برضة واجه الشمس لحظة الغروب .. اعمل للخلف در يعنى لف 180 درجة فى الحالة دى حاتبقى مواجه الشروق تعالى 45 درجة لليمين .. بالضبط زى ماشرحت لك فى الاول
على فكرة نفس الكلام ده بينطبق على القمر لانه بيشرق و يغرب من نفس اتجاه شروق و غروب الشمس و كمان فى كواكب تانيه لها نفس الخاصية دى بس صعب تحديدها لو ما تعرفهاش ..و المشكلة فى القمر انه صعب تلاحظ شروقه و غروبه لو فى وسط النهار
احب اضيف لما قالة الإخوه الأفاضل وإن لم تتيسر لك السبل السابقة..
ان أغلب الناس في اوروبا عندهم دراية بالإتجاهات وخصوصا الشمال بحكم إعتمادهم على تسمية المناطق بالإسم وغالبا مع الإسم بيكون الإتجاه , فممكن تسأل احد العاملين في الفندق (إن كنت في فندق) او تسال احد الجيران.
وبما انت في المانيا أي خريطة من الي موجودين في الشارع وفي المحطات بيكون عليها إتجاه الشمال وكده انت عرفت الشمال فين وساعتها تتحه جنوب شرق تكون القبلة بإذن الله.
وربنا يحفظك وترجع سالم غانم بإذن الله
اولا انا اسف في تأخر الرد لاني لسة واصل الفندق
ثانيا ماشاء الله عليكم صفحتين الواحد شايف فيهم سباق علي الخير ربنا يباركلكم كلكم
انا اخدت بنصيحه الاخ العزيز ahmadalaaeldin لانها كانت الانسب ليا و عرفت اتجاه الشمال و حددت علي اساسه
المفروض فعلا اني اكون مجمع المعلومه دي قبل ماسافر بس الموضوع جة فجاة جدااااااااا بس دة ميعفنيش من المسئوليه بس الحمد لله ربنا بيجعلكم سبب في افادة اخ ليكم
الف شكر
حضرتك كنت عملت حسابات و اديتها لواحد صاحبي عملي بيها برنامج كومبيوتر بيحدد اتجاه القبلة علشان كانت بتقابلني مشكلة تحديد القبلة في البحر بس لسة عايز أجربه علشان أتأكد من نتيجته
QiblaLocator ممكن دة ينفع