ابعد عن الشر وغنيله
بعد الجواز مش هتستحمل المواقف بتاعتها
ومتنساش انها مامة العروسة هى مش هتقدر تتخلى عنها
وهتبقى مش عارفة ترضيك ولا ترضيها
عرض للطباعة
ابعد عن الشر وغنيله
بعد الجواز مش هتستحمل المواقف بتاعتها
ومتنساش انها مامة العروسة هى مش هتقدر تتخلى عنها
وهتبقى مش عارفة ترضيك ولا ترضيها
كانت فين الحكم دى زمااااااااااااااااااااااا اااااان
وبعدين الجنان ده شىء معدى
يعنى القرف ده بيتنقل عن طريق الكلام
تلاقى بوز شبرين من غير سبب:120146b
تسأل على طول
انتى كلمتى حد النهارده:s1[1]:
ويا سلام بقى لو زياراتك كتير لحماتك
هتوصلها لتحت البيت وتخلع
والمصيبه اللى مش لاقى لها حل
ان المقابله جميله جدا ولا مقابه نتنياهو لعباس
وتانى يوم يبنوا المستوطنات
انا امبارح كتبت ردودي قبل ما اقرا الردود التانية
ليا تعقيب النهاردة بعد ما قريت الموضوع من الجلدة للجلدة بس على بعض الردود مع خالص احترامي لاصحابها اللي انا متاكد زيليون في المية انهم مش متجوزين و دي اراء ناس عالشط و طبعا كل من عالشط عوام
1- اللي بيقول حماتك مش هتشوفها غير في الافراح و المناسبات !!!!
حضرتك 100000000000% مش متجوز
ازاي يعني؟
و بعدين ماشي مش هتشوفها
حضرتك متخيل و انت في الشغل طول النهار مراتك ماسكة التليفون بتاكل ودن مين؟ مامتها و اخواتها طبعا !!!!
و اكيد حماتك هتبرمجها و تظبطها ...... حوار بتحبك و متمسكة بيك ده انساه
البنات اصلا شخصياتهم منقادة و بتنقاد لأمها اكتر من جوزها بطبيعة طول مدة العشرة
2- الحب هيقضي عالصعاب و هنتصرف و مش عارف ايه
لا تعليق !!!!!
3- حماتك بتعمل كده بس دلوقتي .... بعد الجواز حاجة تانية ماتخافش
هو فعلا هيبقى حاجة تانية خاااااااااااااااالص !!!!!!
باشا .... الناس وقت الخطوبة او اما الواحد يتقدم بيتجملوا .....
يعني الناس لو عايزينك و باقيين عليك في الاول بيعملوا احسن ما عندهم
انت مش هتشوف من اهل مراتك احسن من اول فترة ..... لو اول فترة مش مريحة يبقى اكيد الباقي هيبقى زيها ان لم يكن بشكل قطعي أسوأ !
4- باحبها و مقدرش استغنى عنها
لا استغنى عنها دلوقتي ببلاش بدل ما تستغنى عنها و عن شقة و نفقة و مؤخر !
و ماتشوفش عيالك تاني
انت يوم ما هتخلف اعرف ان حماتك - لو كانت من الاول ناوياهالك - هتوريك الويل لانها هتبقى عارفة ان روحك في عيالك .....
كان من الممكن اشجعك لو كانت حماتك ست عاديه بس حاميه عليك انت بالذات شويه
لكن انت بتقول انها ده طبعها مع الناس كلهم..... يبقي انسي ....حياتك حتكون ماساه اغريقيه بمعني الكلمه
لان الست ناوياها ناوياها ......واوعي تفتكر ان بنتها حتقف دايما معاك ضد امها .....لو وقفت مره معاك حتقف 10 مع مامتها
بالذات بعد الجواز.......حتي لو بتحبك وبتموت فيك....
واوعي تفتكر انها بعد الجواز حتبعد عنكم ....او انت حتبقي الامر الناهي في بيتك ..مش حيحصل ..عارف ليه
لان لا البنت ولا امها شافو نموذج الراجل الحاكم بامره.....جوزها راجل طيب وبركه....وسابها تعمل اللي هي عاوزاه
يبقي برضه حتفضل وراك لما ترضخ ليها ولبنتها وتبقي راجل بركه........
كلمه قالتها جدتي الله يرحمها وهي بتخطب لولادها .....لما كانت تدخل بيت بتشوف مين صاحب الكلمه الام ولا الاب
لو لاقت الام هي الامر الناهي وجوزها ما بينطقش...تسيب البيت ومتكملش الخطوبه ....ولما اقولها ليه يا نينه....تقولي البيت اللي مافيش راجل هو اللي كبيره يبقي فيه حاجه غلط.....ونفس المنظر ده حنشوفه تاني في بيت خالك لو كمل الجوازه
واحد من خلاني ماسمعش كلامها وكمل الجوازه لانه بيحبها .....فما كان غيلر انها وامها سودو عشته ....وخلوه قاطع اهله....وعملت مشاكل مع الكل اصحاب وجيران......وفضل كاتم في نفسه لغايه ما جتله جلطه في القلب ومات الله يرحمه وهو عنده 45 سنه..................
معلش علي شويه النكد ده بس دي تجربه حصلت امامي وقلت اقولك
زي ما الزملاء قالولك شوف البيت اللي انت داخل تخطب منه وشوف الاب والام اولا تعرف بيتك حيبقي ازاي
...........................
حاجه تانيه برضه ....انت ادري الناس بيهم يعني لوحماتك طبعها كده بس كلام جوزها هو اللي بيمشي .....يبقي ليك ضهر يقدر يقف في وشها.....انما لو هي الامر الناهي ..........يبقي اجري يابني ...
وخلي باللك من حاجه هي لغايه دلوقتي ماحتكتش باهلك وانت بتقول ما بتحكيش ............طب لما يبتدي الجد والكلام في الجواز اكيد حيكون في مشاكل مع اهلك.........حتعمل ايه ساعتها
عين العقل يا enas75
طبعا أنا متزوج ومؤيد لكلام حضرتك مليون فى المية فى حاجة مهمة قوى بالآضافة لكل ما سبق
أنت كزوج من الممكن تجنب أهل زوجتك ومقاطعتهم لكن مش هتقدر تعمل كدة مع زوجتك ولا هتقدر تمنعها من زيارتهم
أهم الآسئلة
هل حماتك عايزاك تتجوز بنتها ؟ الآجابة لازم تكون أيوة
هل حماتك عايزة بنتها تكون مبسوطة وما فيش نكد كل شوية ؟ الآجابة لازم تكون أيوة ومش من المفروض أنها تعمل كدة خالص والا هطفش عريس بنتها وبنتها هتقعد عانس جنبها
ما هو السبب الحقيقى فى عدم موافقة الآم على الآرتباط ؟ هل يوجد عيب بيك من الناحية المادية مثلا هل تستطيع الآنفاق على بيت وزوجة وأولاد وتحمل المسئولية . هل سوف تربط بنتهم جنبك كتير لغاية الزواج وتكوين الشقة والعفش 5 سنين أو 10 سنين مثلا لغاية ما تستطيع الزواج فى حين أن من الممكن أن بنتهم يجيلها عريس أحسن وبسرعة
من الممكن أن يتجنب الامهات بعضهم الآخر وكذلك أنت من الممكن أن لا تقوم بزيارات لآهل زوجتك بعد الزواج طبعا تجنبا للمشاكل ولكن يجب أن تكون متأكد من أن حماتك عايزة بنتها تعيش فى أمان وعدم أثارة المشاكل بينكم دائما وأن تجد حماتك فى المواقف الصعبة تهدأ من زوجتك لا أن تشعللها حريقة وأن تحاول تهدئتها وتصبيرها عليك فى بعض المواقف . مش شرط أنها تحبك قوى لكن كفاية أنها تحس أنك هتسعد بنتها وتكرمها ولا تغضب بنتها
ويجب أن تكون متأكد أن حماتك لا تريد لبنتها الطلاق وأنها تريد أن تستر بنتها مع زوج صالح يضمن لها عيشة كريمة وأن تجدها فى المواقف الصعبة هادئة تحل المشاكل بعقلانية لا بجنون
هل تضمن أن تجعل زوجتك فى حالة المشاكل الكثيرة بينك وبينها بسبب حماتك أن تجعلها تتجنب أمها ولا تزورها منعا للمشاكل
لو فرض أن هناك فيما بعد وجدت مشاكل وتريد حلها بنفسك لا توجد وسيلة الا أما أنك تعيش فى محافظة تانية أو بلد تانى دة لو قدرت تعمل كدة كمان لآن لو حماتك نوية لك مش هتخليك تخد بنتها وتبعد بعيد عنها
ألا لو مرتك كانت مؤيدك وموافقة ودة أكيد هيكون صعب أن زوجتك توافق أنها تبعد عن أمها
يعنى الخلاصة لازم تكون أمها راضية عنك وموافقة 100 فى 100 وأن رضاء زوجتك المستقبلية مش كفاية .
حاول تعرف اية السبب فى عدم الرضاء دة وهل أنت نفسك فيك أو عندك مشكلة ذى ما سئلتك قبل كدة
لو فى مشكلة عندك لازم تحلها الآول قبل الزواج
والله الموفق والمستعان
نصيحة شخصية
إبعد أحسن
الحماة للأم وجودها في الحياة الزوجية محتم
في الحمل، بعد الولادة، وحتى على التليفون
المشاكل اللي دلوقت بسيطة هتكبر جدا
والبنت مهما كانت بتحب، عقلها صغير، ووقت الزعل هتلاقيها نسخة من الأم
الجرح دلوقت أهون بكتير من العيشة الضنك أو الإنفصال
سلام
عندى حل حلو اووى اقتل حماتك وخلص نفسك ههههههه انا قولت لك رايى فى الرد الأول
.
100000000000 % صح
لصاحب الموضوع هقولك حاجة... لازم لازم تفوق من الموضوع ده مش هيجلب عليك غير الهم والنكد
ومشاكلك عند اهلك هتزيد وهتبقى عامل زى اللى بيرقص على الحبل فى محاولة مدارة
ما انت فيه من الهم عن اهلك وما بين محاولة كبت ما تعنيه من حماتك وبعد فترة لن تتجاوز السنة
هتكتشف ان مراتك النسخة رقم 2 من حماتك وهتبقى حياتك جحيم لا يطاق
المشكلة ان الانسان لما يكون عاوز حاجة هيبذل الغالى والنفيس للحصول عليها
وبعد ان تصبح ملكه هيزهدها (طبع انسانى) وكذلك الفتاة اللى انت عاوز ترتبط بها
هى حمل وديع ومطيع ومستعدة تضحى بكل شىء فى سبيل الارتباط بيك ... لكن بعد
الزواج واصبحت ملكا لها هيزول تأثير كل شىء قبل كده وهينقلب الحال تماما مهما كانت
درجة ثقافتها ونضجها فأمها المدرسة الاولى وكلامها مقدس وامرها مطاع وافكارها سديدة ... هتلغى
عقلها تماما وهتمشى ورا امها زى ظلها وانت الخاسر الوحيد ....
المشكلة ان اغلب الناس لا تؤمن بتجارب الاخريين لازم تخوض تجربتك بنفسك وتتعذب
وتشوف ايام ما يعلم بيها الا الله على امل انها مختلفة.. والاحلام الوردية تطغى على الواقع ....
انصحك نصيحة مخلص ... انفذ بجلدك .. ولا تضحى براحتك وراحة اسرتك
وربنا معاك ويكتب لك ما فيه الخير
انفد بجلدك