الموضوع: ايران تفتتح اكبرمصنع لانتاج السيارات في الشرق الاوسط

اعتقد ان دوله زي ايران اكبر مثل لينا على اعتبار انها قدرت تسخر الموارد البشريه وطاقات شعبها من سلوك استهلاكي الى سلوك انتاجي وبالاعتماد على مواردها الخاص وبالعمل وبالاجتهاد وبالكفاح وبتحدي العالم كله بالرغم من القيود والعقوبات الموقعه عليها منذ ايام القرن الماضي وان تلك العقوبات لم ولن تقف امام طموحات هذه الدوله التي اصبحت من كبرى الدول في الشرق الاوسط ومصدر ازعاج دائم للغرب وامريكا وطبعا الامثله كتير , يعني فيه دول كتير بتنتهج منهج ايران زي تركيا ودول جنوب شرق اسيا (النمور الاسيويه) حتى الهند بقى ليها شهره وامتيازات في بعض المجالات زي التكنولوجيا على مستوى العالم .

واحنا لسه بنفكر ازاي نحسن البنيه التحتيه (حتى مش عارفين نتقنها كويس) ولا عارفين نزرع ولا عارفين ننتج ولا عارفين نصنع ولا عارفين نتعلم كل الي احنا عارفينه ازاي نستورد الاشياء من الخارج بارخص الاثمان وازاي نسرق فلوس البلد , قالك مطبعه اتسرقت من البنك المركزي ,, ده ايام ما يعلم بيها الا ربنا

والله انا خايف بعد كده نلاقي نفسنا بناخد معونات من ايران وتركيا والهند

تحيا ايران.....


مستني الناس الي حيقولوا انها بروبجاندا اعلامية من عندهم.....

سيبك من ايران وخليك فى اليابان بعد الحرب العالميه 15 سنه منتجاتها غزت العالم وانت عارف ايه اللى جرالها فى الحرب العالميه
يقلك اصل سلوك الشعب مختلف
انا رأيى ان الحكومه هى اللى بتعمل سلوك الشعب هوا لما يكون زهقان هيكون زهقان من امه فى البيت يعنى
بلاش الصين اهه تعدادها كام ومنتجاتها فين دلوقتى بصرف النظر عن عربياتهم المريضه

بجد احنا بنرجع للخلف لحد ما خلااااااص

بلاش ننبهر بايران لانها دولة ورقية على اسس هشة ومعظم شعبها رافض ثورتها بدليل اللى بيحصل فيها من بعد الانتخابات المزورة والسيارات دى معظمها انتاج مشترك مع بيجو زى مشروع النصر للسيارات مع فيات ايام عبد الناصر

لو عايزين ننبهر خلينا نبص لماليزيا وهى دولة اسلامية ايضا شوف انتاجها من البروتون اللى بيغزو العالم الغربى والشرقى وشهد لها الجميع بالجودة والاتقان

المشاركة الأصلية كتبت بواسطة zyadahmed

بلاش ننبهر بايران لانها دولة ورقية على اسس هشة ومعظم شعبها رافض ثورتها بدليل اللى بيحصل فيها من بعد الانتخابات المزورة والسيارات دى معظمها انتاج مشترك مع بيجو زى مشروع النصر للسيارات مع فيات ايام عبد الناصر

لو عايزين ننبهر خلينا نبص لماليزيا وهى دولة اسلامية ايضا شوف انتاجها من البروتون اللى بيغزو العالم الغربى والشرقى وشهد لها الجميع بالجودة والاتقان

+11111111111