اخبار التكيف ايه مع رجالة fiat:36_1_31:فى اليومين النار دول؟
عرض للطباعة
اخبار التكيف ايه مع رجالة fiat:36_1_31:فى اليومين النار دول؟
متااابع..............
تمام وأنا كنت متخوف بس عارف انه Denso يابانى لكن كنت قلقان شويه لكن امس درجه الحراره كانت 41 والتكيف شغال زى الفل لدرجه انى بردت وحراره السياره لاتغير عن الشتاء وعموما ان بشغل التكييف دائما علشان التلوث والحمد لله الذى وفقنى فى هذا الاختيار
التكييف معقول جدا بس طبعا في الحر ده بياخد وقت علشان يسقع العربية خصوصا لو مركونة في الشمس بس اديله 10 دقائق في جو زي امبارح كده الدنيا هتبقى زي الفل
زي الفل طبعا مش زي الكورولا مثلا بس كويس جدا وأنا عندي كان فلتر التكيف مسدود والحمد لله نضفته قبل الحر بيومين وفرق جدا
ايه موضوع Denso ده يا جماعه , ده في اللينيا بس ولا في كل الجديد , و ليه مش ايطالي, ممكن حد يوضحلنا الموضوع؟؟
أنا هوصفلك بس بلاش تتصدم!!!
هتفتح درج التابلوه هتلاقي مسمارين نجمة هتفكهم هتلاقي كومبيوتر بتاع البلوتوث هتفك الكابل بتاعة هتمد إيدك جوه هتلاقي الفلتر وموجود علامته وتنضفة وتقفل تاني!!! (مش عارف كانوا بيفكروا إزاي لما حطو الفلتر في المكان ده)
ده في الجديد كله جراند -لينيا - برافو -٥٠٠ (مش متأكد الكلاسيك فيها ولا ﻷ)
وده كومبريسور يباني فمخلي التكيف أحسن شويه من بقيت العربيات الأوروبي
جاري فصله
فيات اونو 1000 سي سي (باسيك) الفاضية يعني المفروض نازلة بدون بس المالكة اللي قبلينا ركبت واحد مجهول الهوية و طبعا زي قلتو يعني محمل عالموتور و خلاص
امبارح كنت هفصل السير بتاعو خالص بس قلت مش مشكلة ابقي اروح المحطة اشيل التكييف كله خالص ده غير ان المروحة عندي في الأونو اصلا بتجيب هوا حلووووو مش زي العربيات القديمة فا مش محتاج التكييف غير اني مش بطيق التكييف(خرم الأوزون و الظروف البيئية المنيلة اللي داخلين عليها)
يمكن ال 1600 مختلف عن ال 1400
اعتقد ان العقبة او الفكرة الغبية اللى فيات ماسكة فيها هو وجود مروحة واحدة بس بتقوم بكل الشغل للتكييف و للموتور
انما لو فيه مروحتين واحدة للتكييف تشتغل و تفصل و التانية لتبريد الموتور الدنيا حتختلف تماما
الخوف بقى هو من لطشة كده و لا كده لكمبيوتر البلوتوث
دانا عامل 28 الف كيلو و منضفتوش ولا مرة!!!!
ﻷ واحده بس يا سمسم وبصراحة بفكر أركب واحده تانيه في اللينيا تشتغل مع التكيف!!!
موتور ٢٥٠ سي سي بتاع موتوسيكل وواخد واصله من التنك بطرمبة بنزين ليه وموصل الفرن بتاعه مع الشكمان بعد فرن موتور العربيه دور على الموضوع هتلاقيه
لازم تنضفة يا باشا وإدعيلي بعديها
يا لهوي ربنا يستر دا علي كدا الفلتر بتاعي متبهدل....
دانا كل طريقي سفر عالصحراوي اصلا
اقل فعلا بنسبة كبيرة مش اقل من 30 40 %
اعتقد انه مقصود بيها الاتحاد الاوروبى
التكيف عندى تعبان جدا بصراحة , على الأقل بعيد تماما عن أى عربية 1600cc
هو شغال بس امبارح العربيه ما بدأتش احس بالتكييف الا بعد نص ساعه بس العربية كانت مولعه ومركونه في الشمس
اعتقد ان 250 سي سي كتير جداً على تكيف لوحده شوف دا كام حصان وتكيف البيت كام حصان! وهياخد بنزين كتير وصوته عالياقتباس:
موتور 250 سي سي بتاع موتوسيكل وواخد واصله من التنك بطرمبة بنزين ليه وموصل الفرن بتاعه مع الشكمان بعد فرن موتور العربيه دور على الموضوع هتلاقيه
ممكن تشوف موتور فزبه من الصغيره خالص دي وهيكفي وزياده كمان وممكن يكونو اخترعو مواتير مخصوصه للتكيف لاني كنت شفت واحد عامل الحركه دي في مرسيديس قديم في السعوديه وكان موتور صغير جداً
التكيف عندى كويس الى حدا ما بس لازم استنى 5 دقائق ليسقع بس معرفش فلتر التكيف فين عندى فى ال 77 حصان , كنت فى العبور من 3 ايام فى عز الحر راكب مع سواق الفيرنا التكيف عمله على التانى تلاجه وبعدها ركبت الالنترا ومشغله على الرابع و اكتر من 5 دقائق ومفيش سقيع
والله لسة مش جربت التكييف بتاعى......
عايز يتشحن
بس غالبا هنزل يومين واشحنه
انا اونو 1000 سى سى وعلى امل انه يفرق فى الجو الخرافى دا