سوزوكى سويفت 94 بدون تكييف

**screamseko** · 10-05-2010 02:45 AM

السلام عليكم ورحمة الله وبركاته

اخوانى اصحاب الخبرة والعدالة فى الرأى...اناشد اصحاب الخبرة فقط ارجوكم

انا حشترى عربية ان شاء الله وقدامى سوزوكى سويفت مو 94 حالة جيدة جدا وفيها تظبيط واهتمام يعنى صاحبها مش مخليها عايزة حاجة..وماشية حاجة وتسعين كيلو ومش متهانة خالص
المهم العربية من غير تكييف..والراجل عايز فيها 27 ألف بعد عذاااب من الفصال..لانه عارف ان العربية مصروف عليها جدا ومحترمة جدا..

المهم العربية مفيهاش تكييف..واحد قالى التكييف ينزل سعرها لحد 20 ألف !!!!!!!!!!!
انا مش عارف الكلام ده حقيقى ولا ايه وياريت تفيدونى فى السعر من اهللللللللل الخبرة والسوق ..فعلا العربية نضيفة ومصروف عليها يعنى مش ستوك وحاجة تعبانة

وما هى الفجوة مابين سعر التكييف واللى من غير تكييف

ارجوكم لا تبخلوا على بأرائكم اهل الخبر (فقط) لانى فى حيرة من امرى فوق الخيال

دمتم سالمين ومنتظر ارائكم

**mahmoudselim** · 10-05-2010 03:50 AM

لو العربية عاجبك وشايف حالتها تستهال السعر توكل علي الله وصلي صلاة أستخارة ولو ليك خير فيها هتلاقي الامور ماشية معاك تمام.
المهم تكون مقتنع بالعربية .
بالنسبة لسعر التكيف اعتقد في حدود 2000 جنية. بس من مكلامك انتا متفق مع صاحب العربية علي السعر من غير ال 2000 دول.
شوف حالة الكاوتشات وحاول تتكلم معاة في 1000 كمان.

**mxz911** · 10-05-2010 04:38 AM

العربيه دى حلوه بس بصراحه ضيقه جدا من الداخل !!!

انا شايف يعنى ان صالونها ضايق اوى مع انى مركبتهاش غير مرات معدوده بس ركبت ورا وقدام وبرضه حاسس ان الكراسى القدام ضيقه او الكنبه الخلفى ضيقه .. ف حضرتك حاول تشوفها بنفسك وتجرب تسوقها الاول وتشوف هتريحك ولا لا

**screamseko** · 10-05-2010 05:02 AM

شكرا ليكم جدا انا فعلا ركبتها وحاسس انها ضيقة شوية وانا اساسا طويل جدا :)

بس كنت قاعد عادى يعنى مش منفوخ...المهم عندى السعر ايه رأى الخبراء فى السوق وانا مستنى

**ahmdmagdy** · 10-05-2010 05:08 AM

حاول تنزل معاه في 2000 جنيه كمان

**Karim_Mohy** · 10-05-2010 06:55 AM

احسبها بطريقة مختلفة..........ال 27 الف دول يجيبوا ايه مثلا.......حاجات قليلة موديل التسعينات وممكن من غير تكييف برضو......يعني مثلا : كيا برايد او ابيزا هاتبقي برضو في نفس الرنج ومن غير تكييف

اللي عاوزز اوصلهولك انك بتقول ان العربية حالتها حلوة وماشية من 94 وعاملة حاجة وتسعين ......يعني لو اختها وماشية كتيير هاتبقي اقل حاجات بسيطة.....وتكون اشتريت نفسك من مشاكل الموتور.........

اما بالنسبة للتكييف......فابيركب عادي وممكن تسال برضو لو استقريت انك تشتريها

اما لو عايز حاجة اساسا فيها تكييف ممكن بدل ماتركب تدور علي حاجة فيها تكييف

فنصيحة لحضرتك......لو عاجباك و عندك الامكانية تركب التكييف قلل مع صاحبها.......ولو مرداش استخير الله وتوكل علي الله.......طالما كويسة

اما اللي قالك ب 20 الف....فحضرتك ردك ليه انك تقوله يجيبلك واحدة نفس الموديل وتدفع 22 مش 20

ربنا يوفقك

**mohabelnegm** · 10-05-2010 09:05 AM

العربيه من غير تكييف ؟ دة يعتبر عيب كبير فى أى عربيه مهما كانت حالتها لأن التكييف أصبح أساسيات مش كماليات . و تركيب تكييف بنسبه كبيرة جدا بيتبعه مشاكل (عمرى ما سمعت عن حد ركب تكييف فى عربيه و مظهرلوش مشاكل) لو تلاقى عربيه "على أبوها" زى ما بيقولوا و فيها تكييفها بتاع الفابريكه هايكون أفضل.

**screamseko** · 11-05-2010 03:59 AM

كلام سليم اخويا احمد مجدى وكريم تسلموا عالرد والمرور

اخى مهاب ..ياباشا انا مش مشكلتى التكييف نفسه انا مشكلته هل هو فعلا ينزل سعر العربية بالخمس آلاف زى مانا سمعت من احد الاشخاص..وده اللى كان مخلينى متردد جدا..

جزاكم الله خير وربنا يسهل الحال لينا جميعا يارب ودعواتكم معانا

**DR.M** · 11-05-2010 12:36 PM

مفيش سوزوكي ب 20 مطلقـــــــــــــــــــــ ـــــــــــــــــــــــــ ـــا
ده كلام ناس بتهزر
بدون تكييف على الحالة دي يبقى سعرها حلو

**ahmedelzeeny** · 11-05-2010 03:36 PM

انا ليا واحد صحبى جايب واحده مو94 كانت فابريقه برة وجوة ومكيفه وكانت ب 28000 ومجنطه ف انتا لو العربيه حالتها ممتازة زى ما بتقول تعمل 25000 انما سعر السويفت ممكن يوصل ل 20 بس طبعا امر مفروغ منه انها تبقى عاوزة شغل وكان قدامى واحده اتباعت ب 20 الف بس كانت البرومه سارحه فى العربيه يعنى خسارة فيها اصلا ال20

الموضوع: سوزوكى سويفت 94 بدون تكييف

LinkBack

أدوات الموضوع

عرض

-

-

-

-

-

المواضيع المتشابهه

هل من الممكن تركيب محرك سوزوكى فيتارا على سوزوكى سويفت 94

سوزوكى سويفت

سوزوكى سويفت 94

سوزوكى سويفت

سوزوكى سويفت

الكلمات الدلالية لهذا الموضوع

المفضلات

المفضلات

ضوابط المشاركة