عندى مشاكل كتير و عايز مساعدة

**م.محمد علاء** · 10-05-2010 04:54 AM

إستهلاك البنزين العالي جدا بصوره مبالغ فيها ممكن يكون فعلا نتيجه عدة حاجات منها الفلتر بتاع الهواء و حاله الموتور..والضفيره الكهربا...
هى العربيه موديل 2004؟؟؟مع حضرتك من وهي زيرو؟؟؟ولا شاريها إستعمال..؟
و إيه أخبرا صيانتها الدوريه؟؟
ماشيه كام كيلو؟
إستهلاك الزيت قد إيه؟
هل بتكون فيه سوايل تحت العربيه؟؟يعنى هل العربيه فيها تسريب؟؟

**gabr_sayed** · 10-05-2010 04:54 AM

متشكر جدا علي اهتمامك
بس تصور ان الحل الاول عمره ما جه علي باللي اصلا

لا هي مش معايا من الزيرو انا لسه شاريها من حوالي 5 شهور
ودي اول عربيه ليه وبصراحه انا مبفهمش لسه فيهم خالص

وبامانة ربنا انا اشترتها بسعر من وجهة نظر ناس كتير قليل

وبصراحه يا كبير انا اشترتها من حوالي 5 شهور وبسعر الناس بيقولولي انه لقطه والان عرفت ان اكيد علشان عيوبها دي صا حبها باعها بالسعر ده

**م.محمد علاء** · 10-05-2010 05:01 AM

إن شاء الله متقلقش...
اعضاء الدايو متميزين بحق و حيفيدوك أكتر من أى حد تانى هنا

**عصام غنايم** · 10-05-2010 05:29 AM

وبصراحه يا كبير انا اشترتها من حوالي 5 شهور وبسعر الناس بيقولولي انه لقطه والان عرفت ان اكيد علشان عيوبها دي صا حبها باعها بالسعر ده

بص يا صاحبى

انت بتقول العربيه مخبوطه فيها شغل ( بويه وسمكره )
والضفيره بايظه شغل ( كهرباء )
الفرامل ضعيفه شغل ( عفشه )
المكنه مفوته وعايزه عمره ( ميكنيكا )

طب لسه فيه ايه تانى

لو جمعنا كل اللى فات مع عامل قلة الخبره

تبقى النتيجه

انك

هتتمرمط

فبلاش يا ابنى وخدها من قصرها

وزى ما دخلت بالمعروف اخرج بالمعروف

وهاتلك بنت بنوت تريحك وتريحها

وعيش يا معلم

سلام مؤقت

**احمد المصرى** · 10-05-2010 08:07 AM

انت جبتها بكام ومين ال بعهالك

نصيحه منى اخلص منها وجيب حاجه انظف وبلاش ترمى فلوسك فى حاجه خربانه

**Abdm** · 10-05-2010 08:56 AM

المشاركة الأصلية كتبت بواسطة احمد المصرى

انت جبتها بكام ومين ال بعهالك

نصيحه منى اخلص منها وجيب حاجه انظف وبلاش ترمى فلوسك فى حاجه خربانه

ما هو للآسف علشان يخلص منها ويبيعها لازم يصلحها علشان تجيبلوا فلوس والا لو باعها كدة هيبيعها بتراب الفلوس واللى هيخدها كدة هيتأمر علية كمان .
فهو مضطر يصلحها الآول وبعد كدة لو حب يبيعها براحتة
ويا ريت حضرتك تجاوب على باقى أسئلة الباشمهندس محمود علشان نعرف نشخص الحالة بالضبط .

وكمان هيا مش للدرجة دية كل اللى ممكن تحتاجة تظبيط كاربراتير وضفيرة الكهرباء عايزة كشف عليها الآول قبل التغيير لكن الآفضل طبعا تغيرها , وأكيد دورة التبريد فيها مشكلة
ولو بتأكل زيت موتور يبقى عايزة طقم شنبر فقط يعنى أن شاء الله مش هتحتاج عمرة كاملة يعنى ربع عمرة
وهل فية تسريب زيت على الموتور من فوق أو حولية أو أسفل الموتور أو على الآرض

أحنا بعد ما تجاوب على أسئلتنا هنحاول نساعدك بأى معلومات بس أحسن حاجة لو تروح لحد ميكانيكى يكون توصية ومضمون وثقة وخبرة تبع حد طرفك أو قريب منك أو زميل عمل علشان يكشف عليها بضمير وكمان الآعضاء هنا ممكن يدلوك على ناس ثقة وكويسة

والله الموفق والمستعان

**zaza_lanos** · 10-05-2010 10:08 AM

العربية ده مش اقل من 10.000
علشان تبقى عربية
وحدد بقى انت هتبداء بالميكانيكا ولا السمكرة والدوكو
كمان ياريت توضح عنوانك علشان تستفيد

**احمد المصرى** · 10-05-2010 10:50 AM

وجهه نظرى ان مهما صرف على العربيه دى هتبق تعبانه برضوا لانها خلاص سلمت نمر من الاهمال

بدل ما يصرف فلوس كتير على عربيه تعبانه وفى الاخر هتبق برضوا تعبانه يبيعها كدا ويكمل ويجيب حاجه كويسه وتكون مش متهانه

-

الموضوع: عندى مشاكل كتير و عايز مساعدة

LinkBack

أدوات الموضوع

عرض

-

-

-

-

-

-

المواضيع المتشابهه

مشاكل كتير ومش عارف اروح فين ؟

العربية بقى فيها مشاكل كتير مرة واحدة

أشتري فليشيا ولا فيها مشاكل كتير؟

يا جماعة انا عايز اعمل حاجات كتير في العربية ومحتاج مساعدة

مشاكل كتير عندى فى ال28 حد يساعدنى تكسبوا ثواب

الكلمات الدلالية لهذا الموضوع

المفضلات

المفضلات

ضوابط المشاركة