الموضوع: عندى مشاكل كتير و عايز مساعدة

انت ممكن تروح لمحمد عبده في شارع العشريني في فيصل هو هيقولك العربيه فيها ايه وعلي فره هو فاهم العربيه زي الكتالوج بتاعها و بيعمل الصح في العربيه

يا جماعه انا مش عارف اشكركم ازاي علي اهتمامكم بس اللي الان انا محتار ابيعها ولا اظبطها

راى ممتاز
و يا سلام لو فى حد من الاعضاء الخبرة ساكن قريب منه يروح يعرف العربية محتاجة ايه بالظبط و يدلوا على حد محترم

وربنا ياريت يبا خدمه مش هنسهالوا ابدا انا بصراحه عامل زي التايه في العربيه دي وخايف يكون الصنايعيه بتشتغلني

المشاركة الأصلية كتبت بواسطة ahmed_mido1889

انت ممكن تروح لمحمد عبده في شارع العشريني في فيصل هو هيقولك العربيه فيها ايه وعلي فره هو فاهم العربيه زي الكتالوج بتاعها و بيعمل الصح في العربيه

ان شاء الله ده اللي هيحصل بس الائي وقت فاضي واروحلوه انا بجد نفسي اتعامل مع واحد امين ويكون فاهم في العربيه كويس

المشاركة الأصلية كتبت بواسطة mido70007000

قلبى معاك يا باشا
المهم انت هتحتاج موتور استيراد بحالة كويسة حوالى3000جنيه من بورسعيد او عزبة شلبى
وهتحتاج ضفيرة كهرباء بالمصنعية حوالى600جنيه
وهتحتاج ضبط عفشة حوالى600 او700جنيه
وهتحتاج سمكرة ودوكو حوالى من2000حتى 2500جنيه
يعنى العربية هتحتاج حوالى6500جنيه وتبقى كويسة
عاوز تحسن هتجيب ردياتيرجديد وطقم كاةتش جديد حوالى1500جنيه
يبقى المبلغ كله اجمالى8000جنيه وبقت عروسة
يعنى كأنك اشتريت العربية على43000جنيه وده يبقى سعرممتاز والاجمل يبقى انت اللى صرفت على عربيتك وعرفت حالتها بالضبط
مع كامل تحياتى

والله انت اللي باشا
ومرسي اوي علي زوقك وانا محتار بين اني اصلحها ولا ابيعها بجد حاجه هتجنني

المشاركة الأصلية كتبت بواسطة esamghanayem

بص يا صاحبى

انت بتقول العربيه مخبوطه فيها شغل ( بويه وسمكره )
والضفيره بايظه شغل ( كهرباء )
الفرامل ضعيفه شغل ( عفشه )
المكنه مفوته وعايزه عمره ( ميكنيكا )

طب لسه فيه ايه تانى

لو جمعنا كل اللى فات مع عامل قلة الخبره

تبقى النتيجه

انك

هتتمرمط

فبلاش يا ابنى وخدها من قصرها

وزى ما دخلت بالمعروف اخرج بالمعروف

وهاتلك بنت بنوت تريحك وتريحها

وعيش يا معلم

سلام مؤقت

يالهوي هي فيها مرمطه هو انا لحقت اتهني بالعربيه اصلا دي وربنا شكلها هطلع عيني
بس الفكره اني لو بعتها هرجع اخش في حوار اني ادور تاني واروح سوق الجمعه وادور علي النت يا نهار ابيض دي كانت ايام ملونه اللي كنت بدور فيها
وغير ده وده انا مش معايا حاليا المبلغ اللي ممكن اكمل علي تمنها واشتري بيه واحده كويسه
بس لو التظبيط هييجي بالتدريح والمصاريف بتاعته مش هتبا مره واحده ده هيكون احسن علشان ولا انت رايك ايه يا باشا

ما دام انت من سكان الجيزة يبقى تروح عند محمد عبده وانسى الموضوع بعد كده حيسلمك عروسة يا باشا هو في شارع العشريني انا من سكان حلمية الزيتون وبروحله لغاية هناك .