العربيه بتنتش و لما بحط بنزين المسدس بقعد يفصل و مياه الريداتير بتقل بدون سبب

العربية نوعها هيونداي فيفا 1500 cc
ميعاد تغير الزيت لسه عليه 500 كيلو
البوجيهات سليمه بس في حبه صفار شويه في الجزء الابيض اللي فوق و مكملتش 5000 كيلو و الجاب بتعها مظبوط زي كتالوج العربية 1ملم
مياه الريداتير خضراء
العربيه لسه عملها عمره مكملتش 10000 كيلو
علبه البيئة اتكسرت و سدت الشكمان
و علبه البيئه و الشكمان راكبين استيراد و مفيش اي تسريب للعادم
حساس الاكسجين قراياته مبتزدش عن 0.9 مل فولت
حساس الهواء و الفلتر و البوابه تم تنظيفهم.


المشكله.

1 - مياه الريدادير من القربه بتقل بس كل فتره يعني كل شهر الاقيها نزلت ربع القربه برضه كتير ان اعرف ان المياه مفروض متقلش خالص في القربه ببص تحت العربيه مش لاقي اي اثار للمياه علي الارض مش عارف بتقل ليه.

2- لما بروح احط بنزين 92 في محطه البنزين و علي العلم غيرت كذا محطة مسدس البنزين يقعد يفصل و الراجل حتي لما يفضل ضاغط علي المسدس يقعد يفصل بعد كل 5 ثواني علي الاقل
و بتاع البنزينه بيقولي ممكن يكون خرطوم الفايظ.

3- العربيه عندي لما اكون ماشي هادي و اجي ازود الاقيها بتنتش و بعد كده تظبط وحاسس ان التسارع بتاعها ضعيف

4- العربيه لما مش بسخنها كتير لما اجيب الفتيس علي N و ارجع اجيب D العربيه بترج رجه جامده جدا
وحتي لو مسخن و ماشي حبه حلوين و ركنت اجيب حاجة و ركبت تاني و جيت ادور و اجيب D العربيه بترج برضه رجه جامده. زيت الفيتيش مكملش معايا 15000 كيلو ب فلتر زيت الفتيس


*ملحوظة علي الطريق السريع بتجيب 140 بعد فتره يعني شوية كبيره و انا اصلا مش بضغط علي الماكنه يعني الار بي ام بخليه يطلع علي راحته مبخليش الار بي ام يعلي عن 3.5


ارجو الرد علي هذه المشاكل و لكل المنتدي اشد التقدير

اقتباس:

---

المشاركة الأصلية كتبت بواسطة kemks

1 - مياه الريدادير من القربه بتقل بس كل فتره يعني كل شهر الاقيها نزلت ربع القربه برضه كتير ان اعرف ان المياه مفروض متقلش خالص في القربه ببص تحت العربيه مش لاقي اي اثار للمياه علي الارض مش عارف بتقل ليه.

2- لما بروح احط بنزين 92 في محطه البنزين و علي العلم غيرت كذا محطة مسدس البنزين يقعد يفصل و الراجل حتي لما يفضل ضاغط علي المسدس يقعد يفصل بعد كل 5 ثواني علي الاقل
و بتاع البنزينه بيقولي ممكن يكون خرطوم الفايظ.

3- العربيه عندي لما اكون ماشي هادي و اجي ازود الاقيها بتنتش و بعد كده تظبط وحاسس ان التسارع بتاعها ضعيف

4- العربيه لما مش بسخنها كتير لما اجيب الفتيس علي n و ارجع اجيب d العربيه بترج رجه جامده جدا
وحتي لو مسخن و ماشي حبه حلوين و ركنت اجيب حاجة و ركبت تاني و جيت ادور و اجيب d العربيه بترج برضه رجه جامده. زيت الفيتيش مكملش معايا 15000 كيلو ب فلتر زيت الفتيس


*ملحوظة علي الطريق السريع بتجيب 140 بعد فتره يعني شوية كبيره و انا اصلا مش بضغط علي الماكنه يعني الار بي ام بخليه يطلع علي راحته مبخليش الار بي ام يعلي عن 3.5


ارجو الرد علي هذه المشاكل و لكل المنتدي اشد التقدير

---

1-عادى جدا ان الميه تقل بس بزياده شويه غير غطا الريداتير لانه بنفث البخار اللى موجود فى الريداتير فالميه بتنقص

2-الخرطوم المسؤل انه يطلع الهوا من التنك اثناء التموين مسدود او راكب بطريقه مدايقاه او كاسره الخرطوم لازم التانك ينزل والخرطوم يركب فى مكانه

3-فيه حاجه فى حزام الجير لازم تشيك عليه وعلى الكراسى بتاعته وبتاعة الماكينه

4-طبيعى لان الأر بى ام عالى بس برضه المشكلة فى الجير ولازم تشيك عليه وعلى كراسى بتاعته وبتاعة الماكينه

اقتباس:

---

علبه البيئة اتكسرت و سدت الشكمان

---

مامعنى هذه العباره

اقتباس:

---

و بتاع البنزينه بيقولي ممكن يكون خرطوم الفايظ.

---

كلام تمام

ازيك يا بشمهندس سمير يا رب تكون بخير.

علبه البيئة اتكسرت بمعني

كانت في مشكله من فتره 2 بيستم مكانوش بيشتغلوا كان في 3 كستبان معلقين و كنت في الطريق و اضطررت اني امشي بالعربيه و هيا كده و مع الترزيع في المكنه
الفحم اللي جوا علبه البيئة اتكسر

وشكرا علي رد الاستاذ
m_mekkawy

-فيه حاجه فى حزام الجير لازم تشيك عليه وعلى الكراسى بتاعته وبتاعة الماكينه

يعني اروح لميكانيكي و لا حد متخصص في الفتيس الاوتوماتيك و هوا كده هيفك الفتيس خالص ولا ايه.

ثانيا لما العربيه بتسخن كويس مش بتعمل الحركة دي

* صحيح في حاجة بتحصل معايا نسيت اقولها

ساعات لما الفتيس يقعد يرج الفتيس ميرداش يتحرك خالص لازم اجيب مفك و ادوس علي الفتاح اللي في الجنب بجانب الفتيس عشان افك اللوك

وشكرا علي الاهتمام

اقتباس:

---

ازيك يا بشمهندس سمير يا رب تكون بخير

---

الله يخليك يا أخى

اقتباس:

---

الفحم اللي جوا علبه البيئة اتكسر

---

ونصيحه منى قبل ماتفكر فى أى حاجه

شيل علبة البيئه أول حاجه وركب ماسوره بفلنشتين مكانها حاليا

وجرب عربيتك وقوللى أيه الجديد

حاول تبص على الخراطيم بتاعت المياه كلها و بالاخص اللي مش ظاهرين مثلا زي اللي ورا المحرك مش قدامه ,,,عشان أنا عندي كانت المية بتنقص علطوووووول ولما أشوف تحت العربية ملقيش أي مية,,,فـطلع إن المية بتنقط وأنا ماشي بس وفضلت تنقط خفيف لحد مافي مرة ملقتش الخرطوم ده أصلا وكانت هتولع مني و الحمد لله ربنا ستر وساعتها مشيت بخرطوم بيتي :verygood: عشان كالعادة عربيتي بتبوظ يوم الأحد بس :majd(4):

المشكله هنا ان العربيه بتاعتي علبه البيئة هيا و الفرن حاجة واحده

يعني مينفعش اغير و احط ماسوره بفلنشتين

انا سألت اول و لو فضيت العلبه الصوت هيبقي فظيع

اقتباس:

---

المشكله هنا ان العربيه بتاعتي علبه البيئة هيا و الفرن حاجة واحده

---

أزاى الكلام ده

فهل أنت شوفت تكوين الشكمان من تحت

ولا ده كلام صنايعى

اقتباس:

---

انا سألت اول و لو فضيت العلبه الصوت هيبقي فظيع

---

متصدقش الكلام ده
وزمايل لنا كتير فى الدايو شايلين علبة البيئه وحطين مكانها وصله بفلنشتين بنفس طول العلبه

ولا صوت على ولا حاجه

بالعكس
سحب المكنه أتحسن معاهم كتير

انا علبه البيئة عندي اللي فيها الفحم فوق بعد الماكنه علي طول
العربيه بتاعتي امريكاني
وراكب فيها الفرن انا اصلا اللي شاري علبه البيئة بالفرن من البنك الاسكان في بورسعيد

طيب ممكن تورينى صوره للوضع ده

لأن مشكلتك دى محصوره فى تلف علبة البيئه

_________________________

وحسألك سؤال وجاوبنى عليه

هل المشاكل اللى عندك دى كلها كانت موجوده قبل تلف علبة البيئه وتكسير الفحم الحالى ...........؟

أعتقد حتقولى

لا

لا
و علي فكره انا اللمبه عندي منوره و بتقول علبه بيئة علي الرغم من اني مغيرها ورقم العيب 422

و المشاكل دي مكنتش قبل ما اغير علبه البيئه وبعد ما غيرت علبه البيئة قعدت شويه مفيش مشاكل
علي فكره انا مغير الشكمان كامل

بس موضوع الفتيس كان قبل موضوع علبه البيئة

و الشكل علبه البيئة قريب من دا

http://www.racepages.com/images/prod.../east40580.jpg

اقتباس:

---

المشاركة الأصلية كتبت بواسطة samirayad

أزاى الكلام ده

فهل أنت شوفت تكوين الشكمان من تحت

ولا ده كلام صنايعى



متصدقش الكلام ده
وزمايل لنا كتير فى الدايو شايلين علبة البيئه وحطين مكانها وصله بفلنشتين بنفس طول العلبه

ولا صوت على ولا حاجه

بالعكس
سحب المكنه أتحسن معاهم كتير

---

الهيونداى كله الفرن تحته على طول علبة البيئه حته واحده وموجوده فى الكبود وبعديها مكان علبة البيئه تحت علبه تانيه صغيره كاتمه عاديه وبعديها قبل التنك علبه متوسطه عاديه كاتمه وبعديها فى الخر علبة كبيرة كاتمه وبعديها نوصل لفتحة الشكمان وبقول للكل حمدا لله على السلامه ودى صورتها
[aldl]http://www.autopartswarehouse.com/images/product_images/thumbs200/catco/cat1062.jpg[/aldl]

اقتباس:

---

المشاركة الأصلية كتبت بواسطة kemks

-فيه حاجه فى حزام الجير لازم تشيك عليه وعلى الكراسى بتاعته وبتاعة الماكينه

يعني اروح لميكانيكي و لا حد متخصص في الفتيس الاوتوماتيك و هوا كده هيفك الفتيس خالص ولا ايه.

ثانيا لما العربيه بتسخن كويس مش بتعمل الحركة دي

* صحيح في حاجة بتحصل معايا نسيت اقولها

ساعات لما الفتيس يقعد يرج الفتيس ميرداش يتحرك خالص لازم اجيب مفك و ادوس علي الفتاح اللي في الجنب بجانب الفتيس عشان افك اللوك

وشكرا علي الاهتمام

---

واحد متخصص فى الجير احسن طبعا وطبعا لو العيب زى مانتا قلت كده هيفك الجير كله.
والعفو دى حاجه بسيطه.

اقتباس:

---

المشاركة الأصلية كتبت بواسطة m_mekkawy

الهيونداى كله الفرن تحته على طول علبة البيئه حته واحده وموجوده فى الكبود وبعديها مكان علبة البيئه تحت علبه تانيه صغيره كاتمه عاديه وبعديها قبل التنك علبه متوسطه عاديه كاتمه وبعديها فى الخر علبة كبيرة كاتمه وبعديها نوصل لفتحة الشكمان وبقول للكل حمدا لله على السلامه ودى صورتها
[aldl]http://www.autopartswarehouse.com/images/product_images/thumbs200/catco/cat1062.jpg[/aldl]

---

وماوسيلة أتصال العلبه بالفرن ( حته واحده مصبوبه مع بعضها مثلا )

ولا الفرن لوحده والعلبه لوحدها ومتصليين مباشرة من خلال فلنشتين وجه لوجه

والفلنشتين مربوطتين بمسامير وبينهما جوان من الكلنجريت الحرارى

اقتباس:

---

و علي فكره انا اللمبه عندي منوره و بتقول علبه بيئة علي الرغم من اني مغيرها ورقم العيب 422

---

وماهو رأيك فى كلام الزميل هذا .....ألم يلفت أنتباهك نهائيا

تمام صح الفرن مع علبه البيئة مع بعض لحام بدون مسامير بس فلانشة من تحت عشان تركب في الشكمان
و من فوق مسامير علي الفرن تركب علي الماكينة علي طول

علبه البيئة انا كشفت عليها قبل ما تركب بس طبعا مهما عملت مش هقدر اتأكد ان كانت مكتومه و لا لا

و علي الطريق بمشي علي 140 كيلو يعني لو مكتومة و الله اعلم مكنتش تجيب السرعه دي ولا الحراره عندي ثابته مش بتعلي الحمد لله
و علي الرغم من كده العيب عندي ظاهر علبه بيئة p0422 كشفت عليه في مركز متخصص و انا اصلا معايا جهاز صغير بيطلع العيوب و مطلع نفس العيب برضه

ومشيت علي الصوره المرفقه و هي من موقع هيونداي

http://www.hmaservice.com/data/PASSE.../ef89563a1.gif



وشكرا علي اهتمام الاعضاء بالموضوع

بس كده الفتيس لما يتفك اكيد مش هيرجع زي ما كان
طيب يعني ممكن العيب بتاعه يكون ايه عشان لما بسخن العربيه فوق 3 الدقايق و امشي مفيش اي حاجة من دي بتحصل معايا.

لو رحت لواحد محترم هيرجعهولك احسن من الأول

شكرا علي تعبك معايا استاذ m_mekkawy

بس الموضوع دا ممكن يتكلف كام

يا ريت حد يقولي الموضوع بتاع الفتيس دا ممكن يتكلف كام
و دي حاجة بسيطة يعني و لا ايه عشان انا معرفش في الفتيس خالص
و لو سكت عليه ممكن يكون في مشاكل قدام

* ملحوظه لما العربيه تسخن يعني لما امشي نص ساعة بالعربيه الموضوع بتاع العربيه تترج مني لما اقف معدش بيكون موجود بيختفي خالص

لو ركنت العربيه بس و ركبتها تاني


اسف علي ازاج الاعضاء

-----

بالنسبه لموضوع النتشه ايه بقي
انا غيرت البوجيهات امبارح شكيت تكون في رظوبه وصللها عشان في صفار علي الفخار

بس برضه السحب مش تمام