حد جربه قبل كده
واحسن نوع ايه
:shine[1]: :shine[1]: :shine[1]: :shine[1]:
عرض للطباعة
حد جربه قبل كده
واحسن نوع ايه
:shine[1]: :shine[1]: :shine[1]: :shine[1]:
سخان غاز بدون مدخنة انا مجرب الباناسونيك سعره حوالي 1300 جنيه اول اقل شوية
عندي بقاله اكتر من 4 سنوات ومحترم جدا ماشاء الله
الف شكرا يا ابو عبد الله
ازاي يبقي سخان غاز من غير ما يحتاج لفتحة تهويه ؟ اول مرة اسمع عنها ممكن توضيح لو سمحت
موجود ياباشا
بيكون 5لتر ومن غير مدخنه
بس خلى بالك لو عندك غاز طبيعى
بتوع الغاز بيرفضو يركبوه
لان شروطهم ان السخان اللى يركب على الغاز الطبيعى
لازم يكون له مدخنه
اعتقد السخانات اللي من غير مدخنه دي بتكون ٥ و ٧ لتر
اي حاجه اكبر من كده لازم مدخنه
انا راكب عندي من غير مدخنة وانا موصل غاز طبيعي
هو اولا موجود و منتشر جدا بيكون 5 او 6 لتر فيه منه الياباني زي ناشونال وباناسونيك ودول تمنهم معدي 1200 جنيه (السعر مش متأكد منه) وكمان فيه فريش و يونفرسال وسعرهم تقريبا نص الياباني
بالنسبه لاشتراطات التركيب كالاتي
6 لتر بيركب في المطبخ بتركيب هوايه (مش مدخنه )دي عباره عن فتحه غالبا تحت مستوي السخان و مش شرط جنبه لكن في اي مكان في المطبخ
6 لتر في الحمام او 10 لتر في المطبخ او الحمام لازم يركب له مدخنه بالاضافه للهوايه (يعني يركب له الاتنين)
اي سخان اقل من 10 لتر بيكون من غير مدخنه
فعلا كلام مظبوط بيرفضوا التوصيل له
ولكن لو محطوط في الحمام بس
يعني السخان ده لو انت حطه في المطبغ او اي مكان مفتوح غير الحمام هيتوصلوا عادي
بالظبط يا احمد السعة بتاعت 5 لتر او 6 لتر مش بيبقى لها مدخنة
بس الأنواع المصري تقريبا بيعمللها مدخنة برضه
انا عندى 5 لتر ناشيونال من الكويت وتم تركيب الغاز الطبيعى عليه مع عمل هواية صغيره بشرط ان يكون السخان بالمطبخ وليس بالحمام اما اذا كنت ناوى تركبه بالحمام بتوع الغاز الطبيعى هيخلوك تغيره بنوع بمدخنه
من ناحية الاستخدام هو موفر جدا فى الغاز ومبيعملش حرارة ولا رائحه لكن ممكن بعد سنه من الاستخدام تلاقيه مهبب السقف شويه فوق السخان ودى ليها حل حتة صاجه تثبتها فوق السخان ب 20 سم لحماية السقف من الهباب
فى حاجه الناس موش واخده بالها منها ان السخان ال6 لتر مابيكونش فيه خزان 6 لتر
هو بيكون 6 لتر فى الدقيقه و هو بيكون سريع فى التسخين موش بيحتاج وقت على ما الميه اللى فى الخزان تسخن زى السخان الكهرباء
انا عندى يونيفرسال 6 لتر و 10 لتر و هو ممتاز
شكراً لمرورك والافادة
انا مشغله على انبوبة ومش بيعمل حرارة في المكان بما ان المكان تهويته كويسه
اما مسألة ارتفاع مصدر المياه فهو راكب على نفس مستوى السخان الكهرباء
ولكن هنا مسافة مطلوبة بينه وبين السقف بس مش فاكر كام تقريبا في حدود 60 سم
مسألة الصاجة دي كويسه ولكن على بعد 20 سم فقط تبقى مش كويسه خالص لأزم يبقى في مسافة اكبر من كده بكتير
انا برضو عندي سخان 5 لتر مركبه في المطبخ بدون مدخنه وبتوع الغاز هما اللي مركبينه
وبعد اللف والدوران على الشراء مرتين (مره ليا وبعدها بكذا شهر لواحد قريبي) بانصحك انك تشتري الايديال ومتجبش حاجه غيره
شغال زي الفل وهو الوحيد اللي السربنتينه بتاعته نحاس بقية الماركات اللي هتلاقي منها 5 لتر السربنتيته مش نحاس ودي هتبان لما حضرتك تبص عليها من الفتحات اللي في جنب السخان
والايديال عامة هتحس ان تقفيله كويس وطبعا فيه اشعال ذاتي بيشتغل ببطاريه كبيره(طورش)
شكرا للاهتمامكم