الموضوع: كيفية الكشف على لانسر شارك مستعملة..

السلام عليكم

دي أول مشاركة ليا في المنتدى العظيم ده.. واللي فادني كتيييير..
ونويت إن شاء الله أشتري عربية لانسر شارك 2009 مستعملة كاملة رياضية.. العربية عاملة 8000 كم.. وحالتها أكتر من ممتازة ظاهرياً.. وكشفت عليها عند بنزينة شل وقالولي العربية ممتازة.. بس محستش إن اللي شافوها كشفوا عليها بذمة..
السؤال بقى: هل العربية محتاجة كشف في التوكيل مثلا؟؟ أو في أي بنزينة متميزة؟؟ للتأكد من سلامة ميكانيكا وكهربا العربية.. وهل من الممكن إن عداد الكيلو متر ده يكون ملعوب فيه أو كان مفصول فترة؟؟ عشان أنا سمعت قبل كدة إن العربيات الجديدة مينفعش تفصل فيها الكيلومتر..