الموضوع: عملية نصب جديدة من نوعها داخل كارفور

المشاركة الأصلية كتبت بواسطة Abdm

أنا لسة النهاردة واحد بيحكيلى أن قريبة كان بيعمل عملية قلب مفتوح وقبل العملية وهما المريض وأهلة قاعدين فى الآستراحة بتاعت المستشفى مش عارف الساحل ولا معهد ناصر وكانوا بيدوروا على مكان يشتروا منة أكياس دم فصيلة قليلة شوية ولقوا واحد واقف جنبيهم بتكلم مع دكتور أنة هيجيلوا ياخذ أكياس دم فسئلوا المريض دة أنه محتاج أكياس دم فصيلة معينة قالة ماشى والكيس 175 أو 200 وأخذ ثمن ثلاثة أو أربعة أكياس مقدم وما شافوش تانى هرب بالفلوس .
فأستغربت قوى وقلت لا حول ولا قوة الا بالله حتى فى الظروف اللى ذى كدة والناس مريضة ومحتاجة مساعدة ناس تيجى تنصب عليها وتأخذ فلوسها وتهرب وهى فى أمس الحاجة للأكياس الدم دية .وربنا يرحمنا برحمتة ويتوب علينا
وربنا يسترها معانا يا رب

عشان كدا بقول انها بقيت اوفر...... حتي اثناء عملية قلب مفتوح

المشاركة الأصلية كتبت بواسطة mmamdouh

على فكرة الكلام دة مش صح

المكن اللى فيه سكانر هو المكن اللى فيه forex (خاصية تغيير العملة) او bna (خاصية الايداع المباشر) و فى الحالة دى المكنة فعلا بتعمل سكان لكل ورقة انت بتحطها فى المكنة و تتاكد انها مش مزورة... و احيان كتير المكنة بترفض الفلوس القديمة او اللى مكتوب عليها

فى عمليات السحب المكنة بتسحب الفلوس من الادراج مباشرتا الى العميل بدون اى عمليات مراجعة و بيكون الاعتماد هنا على عملية ملء المكنة بالفلوس يعنى العنصر البشرى بس برضة استبعد ان ممكن بنك يحط فلوس مزورة فى مكنة

mmamdouh

كلامك فعلا ممكن يكون صح وانا لما حكالي الموضوع فعلا دة اللي جه في دماغي وقلت ان موظفة البنك بتحاول تبعد الشبهه عن البنك باي طريقة وخلاص

لكن برضه منقدرش ننكر ان ماكينات السحب الآلي كل يوم بتتطور وممكن فعلا بقى فيها الأوبشن دة زي مثلا زمان كنا لما بنودع النقود عن طريق المكن كنا بنحطهم في ظرف ونكتب على الظرف اجمالي المبلغ والماكينة بتطلع ايصال مكتوب عليه المبلغ اللي ادخلناه مع كلمة ( الى ان يتم العد) وبعدين يجي مندوب البنك بفتح الأظرف ويعد المبالغ

انا اشتريت تليفزيون lcd من كارفور المعادى و طلع فيه عيب ورجعته
ولما خت واحد غيره اكتشفت ان اللى اشتريته الاولانى كان مستعمللللللللل
ايون مستعمل
اكتشفت من تغليف الشاشة
واللزق اللى عليها
ومكان المسامير بتاعه التثبيت

وغيرته و خت غيره وهروح اغيره انهاردة بردة
واضح انهم بيعاملوا الاجهزة دى بقسوة جدا
ربنا يستر و معملش مصيبه انهاردة معاهم

بص انا لو مكان صاحبك ده والله العظيم لكنت اكلتو حتة علقة مايطلعش من تحت ايدي غير بعلامة يفتكرني بيها طول العمر

المشاركة الأصلية كتبت بواسطة ahmed ismail

الشئ الايجابى جدا جدا جدا فى الموضوع هى ادارة كارفور

لانهم ببساطة ممكن يقلولك ملكش عندنا حاجه و اخبط دماغك فى اقرب حيطة زى مواقف كتير بنشوفها من حتت تانية المفروض تكون محترمة

لكن كانوا خايقين على سمعة المكان بتاعهم و اكتشفوا الخلل فين و عالجوه بجد تحيه ليهم

بصراحه الإدارة في كارفور متعاونة ومحترمه جدا ودة الواحد يشهد له لأني جربتهم في كذا موقف

وأعرف ناس بتشتري الأجهزة الكهربائية دايما من عندهم حتى لو لاقوها بره ارخص شوية ودة لأنهم لو طلع فيها اي حاجة بيرجعوها بدون كلام وبكل ذوق