عملية نصب جديدة من نوعها داخل كارفور

**eto_cairo** · 11-05-2010 10:44 AM

[overline]يبقى أنت اكيد فى مصر [/overline]

**A.Lotfy** · 11-05-2010 11:01 AM

حاجة تفقع والله
الواحد لازم ياخد باله في كل حاجة بيعملها عشان ما يضمنش ممكن يحصل معاه ايه

**A. Ibrahim** · 11-05-2010 11:06 AM

الموقف ده حصل معايا مرتين انا و والدي
نسحب فلوس من CIB ATM وريبقي فيها فلوس مزوره
الضمير انعدم من البلد
عارف يعني ايه مرتين من مكن البنك

**kh_talaat** · 11-05-2010 11:09 AM

المشاركة الأصلية كتبت بواسطة amah_totala

حاجة تفقع والله
الواحد لازم ياخد باله في كل حاجة بيعملها عشان ما يضمنش ممكن يحصل معاه ايه

انا مره كنت بعمل ايداع لمبلغ عن طريق ماكينات الصراف الآلي atm وكانت المكنة مش عايزة تقبل الورق فالراجل بتاع الأمن نبهني ان فئه ال200 لا يقبل وممكن يتحشر في المكنة عشان حجمة كبير

فوجدت راجل بيسحب مبلغ من ماكينة اخرى جانبي فطلبت منه فكه 200 جنية لقيت الراجل بيبصلي جامد ويقولي لالا مش معايا وخرج بسرعه

ساعتها افتكرت المثل اللي بيقول ولاد الحرام مخلوش لولاد الحلال حاجه

**mohamed_rhem** · 11-05-2010 12:10 PM

المشاركة الأصلية كتبت بواسطة kh_talaat

[gdwl]بصراحه الإدارة في كارفور متعاونة ومحترمه جدا ودة الواحد يشهد له لأني جربتهم في كذا موقف
[/gdwl]
و[gdwl]أعرف ناس بتشتري الأجهزة الكهربائية دايما من عندهم حتى لو لاقوها بره ارخص شوية ودة لأنهم لو طلع فيها اي حاجة بيرجعوها بدون كلام وبكل ذوق[/gdwl]

انا اشتريت من عندهم عربية كهربائية لاياد ابني

وباظت بعد 5 ايام هما كانو مديني فترة استرجاع اسبوع

روحت رجعتها بايظة وهي ليها ريموت

الموظف مصر اني لازم اخد البطاريات بتاعة الريموت وانا اقوله مش عايزها وهو لازم تاخدها

وراح جايب مفك ومديهالي

قمة الاحترام والزوق

موقف تاني مع الادارة

اشتريت منهم ثلاجة وبوتاجاز وقولتلهم يبعتهولي علي بنها

المهم قالولي بعد 3 ايام

استنيت اسبوع زي ماهو مكتوب في الايصال

بعتلهم ميل لان مفيش اتصال مباشر بيهم

مردوش اتصلت وعملت شكوي مردوش

[gdwl]بعت ميل للادارة في فرنسا [/gdwl] فيه رقم الفاتورة ورقم العمليه

خلال نص ساعة لاقيت مدير مبيعات فروع كارفور الشرق الاوسط بيتصل علي وزي ما يكونو شدوا او ادولو جزاء وقالي العربية في الطريق

واحنا متأخرناش 5 ايام زي ما حضرتك قايل

هو يوم بس يعني يقولولي 3 ايام بالكتير والاقي مكتوب التوصيل خلال اسبوع وميتحركوش الا بعد الاسبوع ميخلص

بس الاداره في فرنسا عملت معايا الصح