اشتريت الساجا ورخصت

**malta** · 10-05-2010 02:30 PM

الف مبروك على العربية و عقبال البى ام انا كنت عايز اسال سؤال حضرتك لما جينت تشتريها ما فكرتش فى ارتفاع سعر قطع الغيار و خصوصا ان العربية السابقة لانوس اللى لسه الناس بتشتريها لحد النهاردة عشان رخص قطع غيارها و من وجهة نظرك فى فرق جامد بين العربيتين غير طبعا ان الساجا لسه جديدة

**powerofhelll** · 10-05-2010 03:47 PM

الف مبروك ربنا يديك خيرها و يكفيك شرها
مشكلت ضعف الرسال ده في كل الساجا المدي قصير جدا بعد فتره هتتعود عليه و الزجاج الخلفي ممكن بعد فتره تركبله مكن كهرباء

**mo7hamedemad** · 10-05-2010 09:00 PM

الف مليون مبروك يا معلم ويارب يديك خيرها ويبعد عنك شرها
بالنسبة للريموت فعلا هوة ضعيف ولو فى اى حاجة عيزها انا ف الخدمة

**ahmedfathi** · 11-05-2010 12:13 AM

ما شاء الله
ادى كمان ساجاوى جديد احنا بقينا كام كده يا جماعه ؟
الف مبروك يا باشا وتتربى فى عزك ان شاء الله
بالنسبه لحكايه الزجاج الخلفى مش كهرباء بيقولوا ان دى حاجه بتختص بعوامل الامان فى العربيه عشان لو فيه اطفال قاعدين ورا على الكنبه هيبقى فتح الازاز المانيوال اصعب عليهم من فتح الازاز الكهرباء
ويقال كمان ان هو ده النظام الاوروبى ( بس انا مش مقتنع بردو بالتفسير ده)
ده اللى انا سمعته والله اعلى واعلم

**mo7hamedemad** · 11-05-2010 06:22 AM

المشاركة الأصلية كتبت بواسطة asoliman123

السلام عليكم
الحمد لله اشتريت الساجا ورخصت وبصراحه عربيه جميله ومميزاتها كتير
وانا حاسس انها فعلا احسن عربيه في حدود السعر بتاعها
ولو حد عايز يسئل اي سوال انا تحت امركم
ويا ريت حد يقولي ازاي اجيب الاستيكر بتاع نايل موتورز

استاذنك يامعلم تخش تسجل رقمك هنا
الى كل مالكى الساجا خش وسجل رقمك ‏

**midosalah** · 11-05-2010 06:41 AM

مبروووك ربنا يديك خيرها ويكفيك شرها

**asoliman123** · 11-05-2010 12:06 PM

الي الزميل malta
شكرا لتهنئتك الرقيقه
الحقيقه لما كنت باخد قرار الشراء كنت بفكر في حاجتين الناس اجمعت عليهم بالنسبه للعيوب
1- ارتفاع اسعار قطع الغيار
2- عدم تواجدها بكثره
لكن الحقيقه امام امكانيات الموتور والاداء العالي وكمان الكماليات الكتير وكمان الشكل الجميل والارتفاع عن الارض وحاجه مهمه كمان بالنسبه ليا على الاقل انها مش تاكسي (ميزه وعيب للبعض)
اخدت القرار وانا بصراحه كنت بقارن بينها وبين اللوجان لاني حاليا دي امكانياتي
وحاجه كمان العربيه من جوه واسعه
ولو في اي حاجه تانيه انا في الخدمه يا باشا

**vsaga** · 11-05-2010 03:14 PM

الف الف مبروك يا ريس وربنا يكفيك شر الطرق يارب وعقبالى اما اجبها ان شاء الله .. بس انت جبتها منين ؟؟؟ انا لافيت على معارض كتير اتفرج عليها ملاقتهاش وقوللى مفيش عرض ليها غير فى فرع الصحرواى .. ياريت لو تعرفنى جبتها منين وبكام.