السلام عليكم
الحمد لله اشتريت الساجا ورخصت وبصراحه عربيه جميله ومميزاتها كتير
وانا حاسس انها فعلا احسن عربيه في حدود السعر بتاعها
ولو حد عايز يسئل اي سوال انا تحت امركم
ويا ريت حد يقولي ازاي اجيب الاستيكر بتاع نايل موتورز
عرض للطباعة
السلام عليكم
الحمد لله اشتريت الساجا ورخصت وبصراحه عربيه جميله ومميزاتها كتير
وانا حاسس انها فعلا احسن عربيه في حدود السعر بتاعها
ولو حد عايز يسئل اي سوال انا تحت امركم
ويا ريت حد يقولي ازاي اجيب الاستيكر بتاع نايل موتورز
مبروووك الساجا الجميله ربنا يديك خيرها ويكفيك شرها :ask:
اهلا بيك فى العائله :satelite:
ربنا يوفق
الف مبروك وربنا يباركلك فيها ويكفيك شرها
وفي انتظار التقرير المبدئي عن العربية
أولا 1000 مبروك على الساجا و ربنا يباركلك فيها و يحفظهالك
ثانيا بخصوص الاستيكر ممكن تطلبه من أيمن و طبعا غنى عن التعريف و ممكن تشوف لو فيه حد أقربلك فى اللينك ده
http://www.nilemotors.net/Nile/110085-a.html
1000000000000000000000000000000000
مبروك
الف مبروووووووك وربنا يكفيك شرها وتكون خير عليك ان شاء الله ...........
mabrooooooook
الف مبروك و ربنا يباركلك فيها
شكرا يا جماعه لرددودكم الجميله وكمان بصراحه انا استفدت جدا منكم في اتخاذ قرار الشراء وحابب اكون عضو معاكوا احاول اضيف اي معلومه حد تاني يستفيد بيها زي ما انا استفدت جدا من خبرتكم.
اولا انا كنت راكب دايو لانوس قبل ما ابيعها واشتري الساجا الجميله
انا لسه طبعا يدوب عملت بيها 200 كم يعني لسه بجربها لكن بصراحه الانطباع الاولاني عنها انها عربيه جميله من جوه والموتور بسم الله ما شاء الله عليه عايز يفط من العربيه هاهاهاه:B4_388:
الكماليات اللي فيها حلوه اوي على سعرها والتقفيل الماليزي كمان جميل
انا بس في حاجتين هما اللي انا لي تعليق عليهم :
1- الريموت ضعيف شويه مش عارف يمكن تكون الحجاره ضعيفه ولا ايه
2- ليه الزجاج الخلفي مانيوال مش كهربا :majd(4):
ده كده مبئيا وهاحاول دايما اقولكوا ايه الجديد
ألف مليون مبرووووك وربنا يديك خيرها ويكفيك شرها
الف مبروك على العربية و عقبال البى ام انا كنت عايز اسال سؤال حضرتك لما جينت تشتريها ما فكرتش فى ارتفاع سعر قطع الغيار و خصوصا ان العربية السابقة لانوس اللى لسه الناس بتشتريها لحد النهاردة عشان رخص قطع غيارها و من وجهة نظرك فى فرق جامد بين العربيتين غير طبعا ان الساجا لسه جديدة
الف مبروك ربنا يديك خيرها و يكفيك شرها
مشكلت ضعف الرسال ده في كل الساجا المدي قصير جدا بعد فتره هتتعود عليه و الزجاج الخلفي ممكن بعد فتره تركبله مكن كهرباء
الف مليون مبروك يا معلم ويارب يديك خيرها ويبعد عنك شرها
بالنسبة للريموت فعلا هوة ضعيف ولو فى اى حاجة عيزها انا ف الخدمة
ما شاء الله
ادى كمان ساجاوى جديد :verygood: احنا بقينا كام كده يا جماعه ؟
الف مبروك يا باشا وتتربى فى عزك ان شاء الله :shine[1]:
بالنسبه لحكايه الزجاج الخلفى مش كهرباء بيقولوا ان دى حاجه بتختص بعوامل الامان فى العربيه عشان لو فيه اطفال قاعدين ورا على الكنبه هيبقى فتح الازاز المانيوال اصعب عليهم من فتح الازاز الكهرباء
ويقال كمان ان هو ده النظام الاوروبى ( بس انا مش مقتنع بردو بالتفسير ده)
ده اللى انا سمعته والله اعلى واعلم
استاذنك يامعلم تخش تسجل رقمك هنا
الى كل مالكى الساجا خش وسجل رقمك
مبروووك ربنا يديك خيرها ويكفيك شرها
الي الزميل malta
شكرا لتهنئتك الرقيقه
الحقيقه لما كنت باخد قرار الشراء كنت بفكر في حاجتين الناس اجمعت عليهم بالنسبه للعيوب
1- ارتفاع اسعار قطع الغيار
2- عدم تواجدها بكثره
لكن الحقيقه امام امكانيات الموتور والاداء العالي وكمان الكماليات الكتير وكمان الشكل الجميل والارتفاع عن الارض وحاجه مهمه كمان بالنسبه ليا على الاقل انها مش تاكسي (ميزه وعيب للبعض)
اخدت القرار وانا بصراحه كنت بقارن بينها وبين اللوجان لاني حاليا دي امكانياتي
وحاجه كمان العربيه من جوه واسعه
ولو في اي حاجه تانيه انا في الخدمه يا باشا
الف الف مبروك يا ريس وربنا يكفيك شر الطرق يارب وعقبالى اما اجبها ان شاء الله .. بس انت جبتها منين ؟؟؟ انا لافيت على معارض كتير اتفرج عليها ملاقتهاش وقوللى مفيش عرض ليها غير فى فرع الصحرواى .. ياريت لو تعرفنى جبتها منين وبكام.
زي ما قلتلك في التوبيك بتاعك من اوتو ماجد -مدينه نصر وهي مانيوال ب 64000
الف مبروك يا باشا ورنبا يبارلك فيها ويكفيك شرها
عايزين بقي اول باول التقارير عن العيوب قبل المميزات هه
ياريت ترفع لنا صور كمان
طبعا انا بعد ما استلمت العربيه كان التانك تقريبا فاضي فاول حاجه بعد ما استلمت روحت البنزينه فولت العربيه ز كان العداد مستلمه تقريبا عامل 50 كم.النهارده الصبح بعد ما قربت اوصل الشغل لقيت اللمبه نورت . طيب العداد عامل كام دلوقتي ؟!! 350 كم يعني خلص بعد 300 كم :3_3_102[1]:المهم دخلت المحطه وقلت للراجل فول , لقيتها فولت ب 31 لتر . طيب السوال بيقول علل؟
هو سعة التانك كام بالظبط لان كان في زميل كاتب 40 :ask: وكمان كده معدل الاستهلاك كويس ولا ايه الكلام وللحقيقه انا طريقي كل يوم زحمه رايح جاي :I_angr1[1]:. ايه راي زملائنا العزاء في الموضوع ده.
وان شاء الله تتوالى التقارير كل ما اعرف حاجه جديده
والله ياريس انا خبرتى فى العربيات مش اوى انا لسة جديد واول عربية هاركبها هى الساجا اللى هاشتريها دى ان شاء الله
بس متهايلى 31 لتر يدوك 300 كيلو ده استهلاك كويس وخصوصا بيقولوا ان اى عربية فى الاول بتسحب بنزين كتير عشان لسة بتلين
يعنى لو قولنا انك بتعمل 100 كيلو فى اليوم يعنى كل تلات اايام تفول تانك يعنى هاتفول مثلا مرتين فى الاسبوع والتفويلة بتقول انها 31 لتر وقول اللتر ب 1.75 يعنى التفويلة بتكلف 54 جنيه فى مرتين فى الاسبوع يعنى قول 100 جنيه يعنى فى الشهر تدفع بنزين 400 جنيه ده لو انت بتعمل 100 كيلو فعلا كل يوم
متهايلى كده كويس لو العربية فعلا بتسحب كتير فى التليين وبعد التليين لو سحبها قل ووصلت انك تعمل بنزين ب 350 جنيه فى الشهر يبقى متهايلى كده حلو مش كتير
وكل ده وانت كمان بتقول ان طريقك كله زحمة يعنى على اعلى معدل استهلاك بنزين
متهايلى كده استهلاك البنزين للساجا تمام..
ربنا يباركلك فيها كمان وكمان
ريس كنت عايز اسالك بس ايه نظام الكاسيت والسماعات
الصوت حلو ونقى ولا لما بتعلى الصوت السماعات بترن ؟؟؟
والف شكر ياريس
مبدئيا التانك 40 لتر بس بالنسبة للمبة جرب مرة تانى واستنى متمولش الا لما اللمبة تنور وشوف هيديلك كام
هوة الى انا اعرفة(نظرا لان اللمبة منورتش معايا خالص)انها بتنور لما يكون ناقص ف العربية حوالى 5 لتر تقريبا فممكن تكون بتنور ع 9 لتر جرب تانى وابقى طمنا ولو فى حاجة غلط ابقى قولهم عليها ف صيانة الالف
ربنا معاك ويوفقك ويديك خيرها ويبعد عنك شرها
ولو ف حاجة تانى انا ف خدمتك
لمبة البنزين بتنور عند حوالي 8 لتر تقريباً
الف شكر يارررررررررررررررررررريس