مرور السلام الداخل مفقود الخارج مولود ؟؟!
شاء حظي ان اكون من اتباع مرور السلام ....المهم روحت اجدد وانقل ملكية روحت المرور بعد ما ظبط ورقي من عقد مسجل وشهادة مخالفات من المرور السابق وظبط العربيه وتوكلت على الله دخلت المجمع اشتريت ورق الفحص (فني وبيئي) ونقل الملكيه ووصل الطفايه بـ35 جنيه
http://img104.herosh.com/2010/05/10/464623766.jpg
بعد كده بتخش على الفحص الفني بتاخد باصمة موتور وشاسيه بـ 5 جنيه للراجل الى بياخد البصمة بعد ما بتفضل تجري وراه من عربيه لعربيه بعد كده تروح للمهندس الفني وانت وحظك انا جالي واحد بص على العربيه ولا قال دور ولامسحات ولاطفايه بس كان فيه فاميه على هوايه الباب الخلفي قام شالها قالي مثلث وشنطة قلت له معايه قالي هات جديد طلعت 20 جنيه خلص الكلام وقالي اطلع بالعربيه ومض وختم
http://img105.herosh.com/2010/05/10/692118794.jpg
ركنت العربيه في موقف جنب المجمع بـ2 جنيه ودخلت المجمع واقف طابور حاجة قمة في التخلف والمهانة وقلة القيمة فضلت واقف راح الموظف قال لازم استعلام عن الحالة الجنائية صورت البطاقة وطلعت في البحث الجنائي كشف على البطاقة والحمد لله بتاخد ختم لاشئ اما لقدرالله لو في احكام بياخدوا البطاقة ويتحفظوا علي الشخص وكان فيه كذا حاله ... المهم نزلت تانى لشباك نقل الملكية طابور محترم الى ان وصلت للموظف كانت الساعة 3 عصرا راح قال الخزنة قفلت تعلوا بكرة فانصيحة من اخ لو هتروح المرور هات معاك حد يقف مكانك لو هتروح تخلص حاجة وترجع تاني عشان دورك مايضعش
http://img104.herosh.com/2010/05/10/703143333.jpg
http://img105.herosh.com/2010/05/10/257759193.jpg
رجعت تاني يوم لقيت طابور تاني تحس ان الناس دي كانت بيته في المجمع وقفت الى ان جاء دوري المهم اخد الموظف الورق وقالى ادفع تأمين اجباري وضريبه وسلم نمر تخرج بره شوية هتلاقي كذا كشك بتاع شركات التأمين تاختار اي شركة وتدفع وتاخد ايصل
http://img104.herosh.com/2010/05/10/631900262.jpg
بعد كده تفك النمر ... في عيال وقفه بره بتفك النمر وتاخد 5جنيه تسعيرة اجبارية ورجعت وقفت في طابور الخزنة طبعا بعد الطوابير الحلوه دي قررت اجدد 3 سنين المهم دفعت وسلمت نمر ورجعت للشباك تاني الموظف اخد الايصالات وكان الملف عنده وظبطه وقالي روح على المظلة عشان تستلم الرخصة الجديدة
http://img104.herosh.com/2010/05/10/755387137.jpg
فضلت قاعد يجي ساعة تقريبا بعد كدة بيجي عسكري معاه الرخص وشهادات البيانات ويقعد ينده ويسلم الناس
http://img101.herosh.com/2010/05/10/275863514.jpg
بعد كده تاخد الرخصه وتروح على شباك تسليم النمر الجديدة بتاعة مرور السلام
http://img102.herosh.com/2010/05/10/657346487.jpg
بتستلم النمر من امين شرطة على شباك التسليم بيديك النمرتين واربع مسامير واربع كلبسات وتطلع بره هتلاقي العيال الي بيركبوا النمر ودي جديده ماشوفتهاش قبل كده المعروف ان المرور هو الى بيركبهالك
http://img104.herosh.com/2010/05/10/235133141.jpg
http://img105.herosh.com/2010/05/10/246200630.jpg
طبعا ممكن تركبها زي مانت عايز زي صاحبنا ده
http://img104.herosh.com/2010/05/10/923256002.jpg
والتركيب بـ10 جنيه
وحسبي الله ونعم الوكيل في الى عمل المرور ده المفروض المرور ده يتفك عل خمس ادارات بس هتقول لمين ياما ناس كتير اشتكت ولا حياة لمن تنادي وانصح كل واحد حظه العاثر يجيبه المرور ده انه يحاول يغير مكان اقامته الى اي مرور تاني مهما كان اسواء مش هيكون في سوء مرور السلام .................واسف للاطاله