انا عندى لانوس 1 ولاقى صنايعى ساعات يقلى روح لميكانيكى يظبط العربيه
يعنى ايه يظبط العربيه هل بيظبط حاجه فى الموتور او الكهرباء
عرض للطباعة
انا عندى لانوس 1 ولاقى صنايعى ساعات يقلى روح لميكانيكى يظبط العربيه
يعنى ايه يظبط العربيه هل بيظبط حاجه فى الموتور او الكهرباء
تلاقيه بس صنايعى 128
معلش ياباشمهندس سمير.... (فى ناس بتقول الموتور يكون مظبوط) ماالمقصود بهذه العبارة
ماهو شىء طبيعى يا أخى
أن الموتور لازم يكون مظبوط
لكى تحصل على آداء جيد فى كل الأوقات
سواء سلانسيه أو سرعات
وده بيحصل من خلال متابعتك للصيانات الصح للموتور
أما عندنا دماغ بليه ملهاش دخل باللعب فى مسمار لضبط الهواء ولا غيره
من الحاجات المعروفه بتاعة المكن الكربوراتير
كله بيتم أوتوماتيك ومش بدماغ بليه
لا بدماغ كمبيوتر السياره ( وحدة التحكم )
مفيش كلام بعد ما قال الباش مهندس سمير
اتباع الصيانة الدورية المنصوص عليها بكتالوج السيارة
MMamdouh
ماتور اللانوس صيانته قليله
- تغيير الزيت و الفلتر
- تغيير البوجيهات (يستحسن متزيدش عن 40000 حتى و لو سليمة علشان متاثرش على الكويل)
- برضه تغيير سلوك البوجيهات حتى و لو سليمة كل من 50000 الى 70000 علشان الكويل
- تغيير فلتر الهواء ( على حسب طبيعة الطرق لو تراب يبقى بدرى ) لو طبيعى كل 20000
- فلتر البنزين كل 20000 علشان الطرمبة
- نظافة الثروتل بدى و صمام الايدل كل 40000 مثلا
- اضافة منظف رشاشات منتج امريكى كل 40000 مثلا
- تغيير سير كاتينة كل 40000
- الكشف و التغيير لو بايظ بالنسبة لشداد سير الكاتينة كل 40000
- ممكن كل من 4 الى 5 مرات تغيير زيت تعمل فلش لدورة زيت الماتور flush باى منتج امريكى
و لو نسيت حاجة يا ريت حد يكملى و ممكن برضه حد من خبراء المنتدى يوجهك للينك اكيد مكتوب قبل كده
البوجيهات بتتغير كل 20 الف فقط حسب الكتالوج... لو عايز تغيرها بدرى مفيش مشكلة لكن 40 الف كتير جدا جدا... و حسب الكتالوج المفروض بعد 40 الف تغير فلتر الهوا و البنزين و ان كان جو مصر بيرجح تغييرهم بدرى عن كدة
اقتباس:
برضه تغيير سلوك البوجيهات حتى و لو سليمة كل من 50000 الى 70000 علشان الكويل
مش ضرورى... لو السلوك بدات تتعب حيبان تاثيرها جدا
اقتباس:
نظافة الثروتل بدى و صمام الايدل كل 40000 مثلا
40 الف كتير... الايدل و الثروتل بودى بيبقوا متوسخين بعد 5000 كيلو فقط... المنافولد ممكن يتعمل كل 20 مثلا
اقتباس:
اضافة منظف رشاشات منتج امريكى كل 40000 مثلا
40 الف برضة رقم كبير... 10 الاف انسب
اقتباس:
تغيير سير كاتينة كل 40000
و معاه سير التكييف و الدينامو
اقتباس:
الكشف و التغيير لو بايظ بالنسبة لشداد سير الكاتينة كل 40000
الشداد لو باظ العربية حتجيب صبابات... الشداد بيتغير كل 80 بشرط انة يكون الاصلى... لو مش اصلى يبقى 40... و عند 80 بتتغير طلمبة المية
MMamdouh
ماهو نظافة الثروتل بدى وبيكون فين
انا كنت غيرت طقم السيور....
ولم اغير بليه الشداد ....والميكانيكى قالى ان طلمبه المياة كويسه
كدة صح ولا غلط وهل ممكن ياثر على حاجه
نضافة الثروتل بادى بتتعمل مع تنظيف الايدل كونترول... فيه موضوع كامل عن القصة دى حتلاقى اللينك بتاعة فى اهم موضوعات القسم
بالنسبة للشدادا و الطلمبة يفضل تغييرهم كل تغييرين لسير الكاتينة... هما ممكن يكونوا كويسين و انت بتغير السير فعلا... بس هل تضمن حالتهم ل40 الف كيلو كمان؟؟؟ مع الاخذ فى الاعتبار ان تلف الشداد او الطلمبة حيسبب قطع سير الكاتينة و العربية حتجيب صبابات
MMamdouh
نايس توبيك