الموضوع: حكايتي مع بروتون جين 2 م 2007

إخواني أعضاء المنتدي
بداية أعرفكم بنفسي
إسمى : محمود الشريف
من صعيد مصر ، المنيا
أنا عضو جديد بالمنتدي
أمتلك سيارة بروتون جين 2 موديل 2007 مانوال ( مستعمل )
السيارة جميلة جدا ومبهرة وتاخد العقل من الداخل والخارج ، وناهيكم عن شكلها الإنسيابي الجميل
بخلاف إنها سيارة رياضية ( ليس بالكامل )
أنا مش هطول عليكم وأتكلم عن مواصفات السيارة ولكن هتكلم عن المشاكل إل صادفتها فيها وعن طرق حلها
على فكرة السيارة بتاعتى عاملة 83000 كيلو متر ، وكان مشكلة بالنسبة لى موضوع قطع الغيار لأن بلدي لا يباع فيها أى قطع غيار للبروتون ، كنت بتعذب وما زلت بتعذب بسبب قطع الغيار أبسطها فلتر الزيت
أولا : أول مشكلة قابلتها هى التكتكة بالسيارة ناحية الموتور
عرفت بعد كده من المهندس إل أنا بتعامل معاه إن التكتكة ده صوت التكيهات ، وكان السبب إن الماكينة كلت الزيت ، وعرفت منه إن لو مقدرناش نتغلب علي المشكلة ونحلها هضطر إني أغير التكيهات ( وناهيكم عن سعرها بالتوكيل )
المهم قلت أغير الزيت للسيارة ونجرب وبدأت أقيس الزيت يوميا فوجئت إن فعلا الزيت بينقص يوم بعد يوم بس الحمد لله السيارة مكنتش بدخن ، معنى كده إن الماكينة لم تفوت بعد
المهم فرحت أخذت بيها مشوار ميه ميه ( 700 كيلو متر بعد تغيير الزيت لرابع مرة فى نفس الاسبوع )
إكتشفت فعلا وإتأكدت فعلا إن العيب بيجي أثناء تغيير الزيت ( كان بيتم وضع زيت أقل من المطلوب للماكينة ، بخلاف عندما أغير فلتر الزيت )
المهم لما زودت كمية الزيت ، إنحلت المشكلة
بعد إيه بعد رحلة عذاب وقلق ( بخلاف إني جبت مادة إسمها فلاش للشربون والماكينة معا توضع مع الزيت القديم بالسيارة وأدورالسيارة بدون تحريكها لمدة ثلاث دقائق فقط لتنظيفها من كمية الكربون المتراكم داخل الماكينة ، ثم تغير الزيت بالفلتر ) تلاقي السيارة بقت زي الفل وراح صوت التكتكة .

ثانيا : لاقيت مشكلة ثانية وهى الحرارة لاقيت دائما السيارة بتسخن وبيوصل عداد الحرارة لغاية ما قبل التسعين حتى لو المروحت اشتغلت مش بتبرد السيارة وخاصة وإنت ماشى وسط البلد ، لكن على الطرق المفتوحة يستحيل تسخن ، وهتلاقى طول ما انت ماشى بالسيارة على سرعة معينة مادامت فوق السبعين وثابت على السرعة السيارة عمرها ما تسخن .
فرحت للمهندس ال بتعامل معاه وإكتشف إن الردياتير عاوز يتنظف من الصدأ ( طبقة شبيه بالصدأ داخل الردياتير )
فجبنا مادة إسمها فلاش للردياتير ووضعناها بالردياتير وتدور السيارة من 10 إلى 20 دقيقة بدون تحريكها ثم تفضي الردياتير بالكامل ثم شطفنا الردياتير ، ووضعنا ماء أخضر + مادة مبردة ومانعه للصدأ وجربنا السيارة والحمد لله إتظبط موضوع الحرارة .

ثالثا : موضوع إستهلاك البنزين ( السيارة فعلا بتاكل بنزين بشكل غريب ) وده لسه ما لاقيت ليها حل حتى الآن .

رابعا : هتلاقي تسمع صوت خبطة خفيفة ناحية بيض المقصات أو الجلب ، متتخضش ، ده مشكلة بسيطة وعلاجها هو فعلا غسيل العفشة جيدا ، ويفضل لو بنفسك تغسلها بالمية وأى مسحوق غسيل سائل ثم تسيبها تنشف وترشها بمادة ( wd30 ) وبعد كده جرب السيارة هتلاقى الصوت راح .

خامسا : قطع الغيار طبعا صعب علي أسافر كل أربعة أيام أو اسبوع علشان اجيب فلتر زيت من أى مكان سواء من التوكيل أو من أى مكان بشارع دمشق أو حتى التوفيقية
إكتشفت إن فلتر زيت الميتسوبيشى الأصلي بيركب عليها ولأنه متوفر ببلدى فإرتحت من موضوع السفر المستمر

وده كان جزء من بعض المشاكل إل واجهتها وحلولها