يا جماعة عايز مساعدة بورا 2002 عاملة 70000 km فابريكة برة و جوة اول يد تخلص على كام
عرض للطباعة
يا جماعة عايز مساعدة بورا 2002 عاملة 70000 km فابريكة برة و جوة اول يد تخلص على كام
كان فى كذا موضوع شراء لنفس الموديل فى القسم هناك اعتقد بنخلص من 80 إلى 85
فين الموضوع دا يا ميشو لان عايز أعرف أذا كان برده فى عربيات بورا بيبقى تصنيعها وتقفيلها برازيلى او على الاقل تقفيلها ولا لاء ؟؟
اللي أعرفه أنه لغاية 2002 العربيات تقفيل ألماني بعد كده مش عارف والله بس تقريباً مصري والله أعلم
يا راجل التقفيل مصرى يا لهوى دا تبقى ماشينكاح خالص زيها زى منصور أوبل ههههههههه
الفيكترا وحش الفئة دى عن جدارة
مالها ياباشا أوبل (منصور كتوكيل وحش) لكن أوبل كعربية لايعلى عليها
يعنى بعد إذنك مفيش داعى للضحك دة وعلى فكرة أنا لسة مخيط بورا من كام يوم بعربيتى الاوبل اللى هيا مشينكاح
الشد واللعب ليه كذا حاجه يا بوب يعني ده بيعتمد على الطريق عامل ازاى والسواق بتاع العربيه يعنى انا بعربيتي البولو مخيط موستانج فى طريق زحمه مش خيطه ده انا بقيت أستناه واطلع منه تانى لأنى الطريق كان زحمه ( معلومه هو اللي استفزني لعدة مرات يعني لعب فى عداد عمره ) وهوه عربيته عريضه جداً فيقت أخد الغرزه وهو لسه بيستنى أما تفتحله وأطلع واستناه ( طبعاً في طريق مفتوح مكنتش حشوفه أ, بالعربي رحم الله أمرأً عرف قدر نفسه ) أنما بورا مع سواق تمام حتفرق يامه
تصحيح للمعلومه السابقة واللي انا كنت قلت انى التقفيل اتنقل مصر وانا قلت الله اعلم وانى مش متأكد فالتقفيل انتقل مصنع المكسيك أو البرازيل وآسف على خطأ الغير مقصود
ياباشا ولا يهمك عادى يعنى
وبعدين إنت قولت لو على طريق مفتوح مكنتش شوفتو
لكن أنا شديت مع البورا على الدائرى وكان شاب من سنى وكنا بنلعب مع بعض
وبعدين مش دى المشكلة
أنا بس عايز أعرف يعنى إيه مشنكاح زى أوبل
هيا الاوبل وحشة ولا أنا مش فاهم بس أنا ما أظنش إن ليها تفسير تانى
مين اللي قال الاوبل وحشه الاوبل عربيات أنا بحبها جداً بالذات الاسترا الشكل الجديد ، الاخ اللي علق علق على التوكيل فقط مش على العربيات نفسها والتوكيل السيء بيدي إنطاع سيء عن سياراته وبيخلي الناس تبعد عنها
مشكور يا ميشو على الرد
بس أنا حبيت أوضح إن الاوبل من أحسن العربيات
لا حول ولا قوة إلا بالله العلى العظيماقتباس:
الفيكترا وحش الفئة دى عن جدارة
مالها ياباشا أوبل (منصور كتوكيل وحش) لكن أوبل كعربية لايعلى عليها
يعنى بعد إذنك مفيش داعى للضحك دة وعلى فكرة أنا لسة مخيط بورا من كام يوم بعربيتى الاوبل اللى هيا مشينكاح
طب يا عم أحمد بالراحه عليه شويه انت دخلت فيه شمال ليه كدا على فكره انت بردك دا بتأكد ان الى على راسه بطحه
بس انا اساسا مكنتش أقصد ان العربيه وحشه ولا حاجه كنت فعلا أقصد ان العربيه الأوبل بقت مشينكاح من ساعة ما بقت بتتقفل فى مصر ولا بلاش ماشينكاح لحسن شكلها جت على الجرح ههههههههههههه
وبعدين انت متدايق ليه انى بضحك اومال أكشر وبعدين دا يفهمك انى بهزر يعنى مش قصدى حاجه
حلوه انك عديت من بورا دى الرك على الى سايق دا ممكن واحد ب 128 يخيط على كلامك واحد بباسات حتى لان دى بتعتمد فى الاول والاخر على السواق وانتهاز الفرص والغرز والمناطق الديقه والتوقيت المعين فى المكان المعيناقتباس:
لكن أنا شديت مع البورا على الدائرى وكان شاب من سنى وكنا بنلعب مع بعض
وبعدين مش دى المشكلة
أنا بس عايز أعرف يعنى إيه مشنكاح زى أوبل
هيا الاوبل وحشة ولا أنا مش فاهم بس أنا ما أظنش إن ليها تفسير تانى
يعنى ركب البورا الى انت حاسس انها زى الاوبل دى سواق هوا هو الى فى الاوبل وشوف وبعدين مش معنى ان الاوبل مش وحشه انها احسن من بورا لاء حاسب بقى بعد أذنك يعنى تبقى فعلا متحيز والسلام
الله ينور عليك يا هشام هو دا فعلا الى أقصده وإن بعد الظن إثماقتباس:
مين اللي قال الاوبل وحشه الاوبل عربيات أنا بحبها جداً بالذات الاسترا الشكل الجديد ، الاخ اللي علق علق على التوكيل فقط مش على العربيات نفسها والتوكيل السيء بيدي إنطاع سيء عن سياراته وبيخلي الناس تبعد عنها
ربنا يخليك للغلابه هههههههههههه
ولو إنى مع أحترامى للأوبل و إعجابى بها أيضاً إلا إنى فى ظروف نزول العربيات وتقفيلها فى مصر مع هذا التوكيل بس إذا كان عن تجربه مجربتوش بس انا بحكم على اساس سمعى لا أكتر ان انا لو معايه ثمن عربيه اوبل زيرو مش هجيبها لان فى خيارات أفضل منها بكتير حالياً فى نفس الفئه السعريه او قريبه منها
مش بقول لسعتك متحيز ههههههههههاقتباس:
بس أنا حبيت أوضح إن الاوبل من أحسن العربيات
ولا بلاش أضحك لتزعل
لا ياباشا إضحك زى ما إنتا عايز بس أحب أوضح لحضرتك إن البورا اللى كنت أنا بشد معاها كانت جمرك نوبيع يعنى جاية من الخليج وأنا معايا فيكترا 98 خليجى يعنى اللى بيسوق مش واحد من اللى عندنا لأ دة واحد واخد على السواقة الصح
وبعدين طالما انا متحيز والسلام يبقى بلاش أتكلم عشان ما أزعلش حد منى
وبعدين يا سيدى ولا يهمك
العربية البورا أحسن من BMW m6 G-power
وأحسن من الفئة السابعة وال S-class كمان
عشان متزعلش
وعموما أنا عند كلمتى الاوبل من أحسن العربيات
وياريت بعد إذنك (توضح لى يعنى إيه جت على الجرح)
[QUOTE]لا ياباشا إضحك زى ما إنتا عايز بس أحب أوضح لحضرتك إن البورا اللى كنت أنا بشد معاها كانت جمرك نوبيع يعنى جاية من الخليج وأنا معايا فيكترا 98 خليجى يعنى اللى بيسوق مش واحد من اللى عندنا لأ دة واحد واخد على السواقة الصح
وبعدين طالما انا متحيز والسلام يبقى بلاش أتكلم عشان ما أزعلش حد منى
وبعدين يا سيدى ولا يهمك
العربية البورا أحسن من BMW m6 G-power
وأحسن من الفئة السابعة وال S-class كمان
عشان متزعلش
وعموما أنا عند كلمتى الاوبل من أحسن العربيات
وياريت بعد إذنك (توضح لى يعنى إيه جت على الجرح)[/QUOTE]
لاء يا باشا انت ممكن تكون مفكر الى بيسوق فى الخليج بيسوق أحسن مننا بس دا فى الخليج مش فى مصر يعنى مصر ليها طرق و أساليب وكتالوج بمعنى اصح للسواقه فيها دا غير كمان ان دا المفروض لو على كلامك انه خليجى مش مصرى دا بيبقى راجل غرب يعنى ميعرفش اى حاجه عن البد لا طرق ولا مطبات وتلائيه بيقرأ اليفط عشان ميغلطش زيع زى أى حد راح اى بلد فى الدنيا سواء عربيه او اجنبيه بيبقى بيسوء بكفاءه أقل طبعا من بلده دى حاجه.
الحاجه التانيه انا قولت عليك ليه متحيز ؟ عشانك بترد بعصبيه ورد فعل مدافع محسسنى ان احنا غلطنا فيك شخصياً مع ان المفروض المنتدى دا للأفاده ولتقديم المعلومه الصح للناس بالذات الى مقدم على شراء سياره وبيخش يقرأ المشاركات دى عشان يقرر من عدة خيارات مختلفه محتار بينها .
وبعديين بما انك خايف تزعل حد منك يبقى فعلا انت مش قادر تسمع رأى مخالف لرأيك او على الاقل لو جهة نظر غيرك .
وبعديين انت ايه الى خلااك تزعل من ان بقول ان البورا حلوه او انها أحسن من الاوبل فيكترا مع ان دا كلااام واقعى 100*100 وبدون أى تحيييز خالص دا حتى ممكن تكون أفضل من الفيكترا ال 2008 او 2009 كمان ودا بناءاً على أشياء كثيره جدا . فمش مستاهله بقى دى البورا أحسن من ال bmw المش عارف إيه و إيه و إيه والكلام دا .
بالنسبة انها من أحسن العربيات فدا أمر واقعى لو بتقارنها بعربيات معينه مش بعربيات زى الى بتفضل الاوبل عليها .
وبعدين جت على الجرح يا سيدى يعنى :- ان كلامى جه فى مكانه المظبوط او بمعنى أصح الكلاام دا انت عارفه ومقتنع بيه ومصدقه من جواك بس مش بتحب تعترف بيه على الاقل .
او انك ( انت بتضطرنى انى اقولها ) متحيز لحاجه ومش عايز تغير رأيك عنها بس .
وأخيراً انا كان قصدى من البداية التعليق على التوكيل مش العربيات بس فى نفس الوقت طلاما انك فتحت الموضوع ارجو من حضرتك انك تبقى تحط كل حاجه على قد قدرها المظبوط لا أكثر ولا أقل .
الموضوع ببساطة ان العربية اعطالها اقل و اثبتت اعتمادية أعلى من الأوبل حتى عالميا , و العربية اتعمل منها الأوكتافيا بنفس مواصفاتها و ماتورها و عافشتها و شاسيها و الموتور اتأخد كمان فى الأودى 3 و ال 4, و غير طبيعى انتا ماكينة 2000 سى سى تتطلع من ماكينة 1600 بس جرب تشد مع جولف 4 او بورا 2000 سى سى و شوف الفرق و يا سلام لو وقعت فى الماكينة 1800 تربو هيبقى المقارنة صعب, و فى الأخر أحد المعايير سعر العربيتين فى السوق و الطلب عليهم عامل ازاى.
كلمة لصاحب الموضوع الطلعناه براه, العربية ممتازة طبعا وواضح ان حالتها جيدة, بس أعتقد السعر أقل من المكتوب دلوقتى و متهيألى أخرها 75 - 77 فى الوقت الحالى بالحالة البتتكلم عليها لأن تقريبا ممكن تجيب bmw 99 أول ال شكل e46 على 90 فصعب ادفع فى بورا 85 حاليا
لا حول ولا قوة إلا بالله العلى العظيم
الموضوع إتحول من إستفسار إلى مقارنة بين عربيتين
يا جماعة كلنا إخوات و من الضرورى نخدم بعض مش نبارز بعض
و من الأفضل مانخرجش بره الهدف الرئيسى للموضوع عشان الناس ماتوهش
و ياريت ماحدش يزعل منى
أرجو من مشرف القسم حذف المشاركات الخارجة عن الموضوع
و شكراً
الله ينور عليك هو دا الكلام الصح يا باشا
بالنسبه فعلا لصاحب الموضوع الاصلى فا أنت أدرى فعلا عشان انت الى كانت معاك العربيه وتفهم فيها أكتر وفعلا أسعارها فى السوق نزلت شويه , بس سؤال فى البورا بقى ايه الفرق بين البورا 2002 وال 2003 هل الفرق بس ان دى تقفيل المانى انما دى مكسيكى او برازيلى ولا فى فروق تانيه ؟
اما بالنسبه لل بى إم ففعلا لو أسعارها بقت كدا يبقى فعلا أزود شويه و أجيب البى إم طبعاً .
اولاً : بالنسبه لأن كلنا أخوات والمفروض نفيد بعض مش نبارز بعض فدا رأيى اساسا وحتى كنت رديت بيه فى المشاركه الى فاتت , وبعدين انا مكنتش ببارز انا كنت ببين حقيقه مش أكتر .
ثانياً : انا مكنتش عايز أخرج عن الموضوع ولا حاجه , انا أجبرت على الرد دا مش بمزاجى يعنى .
ثالثاً : ( رُب ضارة نافعه ) يعنى لو مكنش الاخ إلى دخل غير الموضوع ومكنش إترد عليه بمناقشه مفيده مكنش حد هيعرف ايه الفرق بين العربيتين زى الوقتى .
رابعاً : انت بتقول يا ريت محدش يزعل منى لاء هو بصراحه ومش عايز اضحك عليك انا أدايئت يعنى حسيت بصراحه انى دايئت الناس او حتى على الاقل دايئتك انت بس , وبعدين مش لدرجة حذف المشاركات . للدرجه أدى يعنى الموضوع كبير !!!!!
ودا طبعاً بيجعله عيب يعنى بكدا أصبح الموديلاات الى قبل ال 2003 أفضل من ال 2003 نفسه لان فرق التقفيل دا يعتبر فرق جوهرى لا يستهان به ولا مش للدرجة ادى ؟
لان الموضوع دا حاصل فى موديلاات البولو بعد 2001 وفارق كتير حتى فى قطع الغيار .
لا البسمعو انها مش فارق كتير التقفيل مفروض كويس و مسمعناش منو مشاكل خالص
طيب كويس
سيبك انت من المواضيع دى كلها انت أخبارك إيه دلوقتى وأذى صحتك و أذى مزاجك يا أبو حميد يا رب تكون بقيت أحسن
شربينى باشا, ربنا يخليك على السؤال و أنا الحمد لله تمام زى الفول هوا مفيش غير ارف الشغل بس بس مقدور عليه ان شاء الله, انتا ايه الأخبار ان شاء الله كله تمام؟
طب ممكن اسأل سؤال مالوش علاقه بالموضوع
هيا عفشه البورا هيا نفسها بتاعت el-a4 وعلى torsion beam برده ؟