قرات فى الكتالوج المنشور على النت ان اللانسر الجديد الموتور مصنوع من معدن الالومينيوم فهل ده يعمل مشاكل على المدى البعيد خصوصا فى جو الصيف المصرى اللطيف ؟؟:rolleyes:
قرات فى الكتالوج المنشور على النت ان اللانسر الجديد الموتور مصنوع من معدن الالومينيوم فهل ده يعمل مشاكل على المدى البعيد خصوصا فى جو الصيف المصرى اللطيف ؟؟:rolleyes:
مش هاعلق على الموترو بتاع الانسر
بس احب اقوللك ان مهندس سبعاوي لما شاف الكرولا ال 2007 بتاعتى
لقى الموتور المونيوم
ما تقلقش يا صديقي دي شركات مش صغيرة وعارفين بيعملوا ايه كويس
البي ام 6 سلندر بعد 96 كله البلوك الومونيوم.. هوه بيني و بينك انا مابحبش البلوك الالومونيوم .. بس الصراحه مجربتوش .. هوه عيبه بقي يظهر لما بعد الشر الموتور يقفش او كده .. هاتشيل و ترمي ..
مهم الموديل اللي فات و اللي قبله كمان الموتور المنيوماقتباس:
المشاركة الأصلية كتبت بواسطة gemino
95% من العربيات كده من التسعينات.
مفيش مشاكل ان شاء الله
شكرا يا جماعة على الردود و الافادة بس انا مرة قرات فى موقع اجنبى يعرض استطلاعات الراى على السيارات المستعملة و اتضح ان بى ام قامت باستدعاء البى ام الفئة 3 من موديلات بعد 92 علشان موضوع البلوك الالومينيوم علشان كان بيتأكل قبل فوات الاوان
ممكن عشان مواتير بيمر مواتير حامية جدا
للتوضيح :اقتباس:
شكرا يا جماعة على الردود و الافادة بس انا مرة قرات فى موقع اجنبى يعرض استطلاعات الراى على السيارات المستعملة و اتضح ان بى ام قامت باستدعاء البى ام الفئة 3 من موديلات بعد 92 علشان موضوع البلوك الالومينيوم علشان كان بيتأكل قبل فوات الاوان
الكلام ده مش في الفئه التالته .. الكلام ده في الفئه الخامسه و في المواتير ال 8 سلندر و تحديداً سنه 95-98 ... و ده عشان مواتير الالومونيوم فيه منها انواع .. حاجه اسمها نيكاسيل و حاجه اسمها الوسيل ... النيكاسيل ده كان بيتفاعل مع البنزين رديء الجوده في امريكا و كانت المواتير دي بتتاكل بسرعه .. فسحبوا كل العربيات و بدلوا المواتير دي بمواتير جديده علي حساب الشركه .. و المواتير دي اللي هيا الالوسيل ..
الموضوع ده كان بيحصل فى البى ام دبليو الفئة الخامسة فى السنوات من 1995 الى 1997 و كمان حصل فى الفئة الثالثة فى السنوات بين 1995 الى 1998 و تم استدعاء تلك السيارات لاستبدال البلوك النكاسيل ببلوك عادى بسبب التاكل
مصادر هذه المعلومات موقع بريطانى اسمه
usedcarexpert.co.uk ممكن اى حد يدخل و يسجل نفسه و يستفاد من المعلومات دى
شكرا
ماتغيرش ببلوك عادي يا حج .. اتغير ببلوك الومونيوم برضه بس الصُب بتاع البلوك كان بيخلطوا معاه ماده غير النيكاسيل و اسمها الوسيل .. انما هوه كان بلوك الومونيوم برضه ..
الفئه التالته بعد ما عملت معاهم مشاكل رجعوا البلوك زهر تاني
كده خرجنا عن الموضوع ;)
طيب ما انا باتكلم عن البلوك بتاع الفئة الثالثة انو رجع بلوك عادى ،كده يبقى ماختلافناش.
بس الاعتمادية مازالت للبلوك العادى انا رائى كده
زي كل حاجه في الدنيا... لكل مميزاته و عيوبه...
البلوك الزهر متين.. لكن تقيل و لا يتحمل التباين المفاجىء في درجه الحراره... يعني و هوه سخن ممكن لو جه عليه ميه بارده يتشرخ.
من ناحيه تانيه بلوك الألومنيوم اخف في الوزن... و يتحمل التغير المفاجىء في درجه الحراره... بس الشغل فيه بالنسبه للفك و التركيب عايز حد بيفهم لأنه ممكن يكسره بسهوله و هوه بيفك او بيربط مسمار.