المشورة يا وحوش

**ashrafsadany** · 10-05-2010 06:56 PM

انا كنت انهاردة فى التوكيل بعمل صيانة ال20 الف وطلبت ضبط زواية فوجئت ان المهندس بيقول ان المساعد واخد مطب ومحتاج للتغيير طبعآ ان حزنت جدآ لانى بايع الكليو 2001 عاملة 165 الف من غير مأغير حاجة فى العفشة فطبعآ انى اغير مساعد على 20 طبعآ حرام المهم ان العربية مفيهاش اى مشكلة لا حدفة ولاحاجة خالص حتى على سرعات اكثر من 160 لاكن كنت بظبطها من باب الكشف ليس اكثر المهم قلت للمهنس انا اعرف ان المساعد ممكن يتعملو زرجينة قالى دا غلط لان ممكن يأثر على الركبة الاصح انك تغيير المساعد اية رأيكم يارجالة استعوض ربنا فى المساعد واغيرة ولا امشى بية كدا طول ماهو مشعامل مشكلة ولا اروح للراجل المشهور بتاع الزوايا الى فى المنيل واسئلو ان كان بيعمل زرجنة للمساعد برة العربية اخلية يعملها ارجو المشورة

**abasse** · 10-05-2010 11:09 PM

والله أنا كان عندى برده العربية أخدت مطب من كام شهر وكان فيها حدفه يمين رحت أظبط زوايا الراجل قالى العجلة قلبه لجوه 2 سم شفتها فى الجهاز وقالى هما فى التوكيا هيغيره الركبة كلها وممكن يتعملها زرجينه ( بس نصيحة الراجل يخدها واحدة واحدة ) وعملتها وبعدين حطها على الجهاز طلعت مظبوطة وضربت بها مشوار لاسكندرية !!!! مسطرة
فمش عارف على العموم أستنى رأى باقى الناس

**hugan** · 10-05-2010 11:14 PM

انت فعلا اخدت مطب ولا دي اشتغاله من المهندس

**renualt_engineer** · 11-05-2010 11:50 AM

اسف للجميع
بس زرجينه ايه انتو يا جماعه مش واخدين بالكو ان الميجان فيها قاعده المونيوم راكب عليها العفشه وللاسف متركبه على فتحات ضعيفه جدا يعنى الزرجينه مش نتعدل الحديد دى بتوسع الفتحه بتاعة المسمار وممكن مع مطب محترم من بتوعنا تلاقى المقص فلت من القاعده
اى خلل او عيب فى العفشه نصيحه واجب الاصلاح او التغير الفورى
انما زرجينه ولحام وخلافه طبعا ....!!!!

**Migo123** · 11-05-2010 01:03 PM

اول حاجه بلاش الراجل المشهور بتاع المنيل ده خالص .... عن تجربه أليمه
انت محتاج واحد عفشجي محترم يكشف على المساعد ولو المساعد هيتعمل فيه زرجينه يبقى هيخرج المساعد بره العربيه ويظبطه ويركبه تاني ... لو الدنيا رسيت على تغيير مساعدين امامي يبقى بص مونرو نزلت حاجه للسيبمبول ولا لسه

**ashrafsadany** · 11-05-2010 04:20 PM

والله ليس فى وسعى الى ان اشكركم جميعآ على الاهتمام والرد ربنا يجعاكم نافعين على طول ويبارك فيكم
فى التوكيل حزرونى من الزرجينة وانها هتأثر على القاعدة بتاعة المساعد بس اعتقد ان المساعد لو بيتعمل برة العربية يبقى المشكلة اتحلت وللاسف كشفت فعلآ برة عند بريد جستون قالولى نفس الكلام ان المساعد واخد مطب
المشكلة دلوقتى ان انا فى الغالب لم أخد مطب وشاكك ان المشكلة تكون متواجدة من الاول بس ازاى اثبت دا واتأكد منة يا استاذ هوجن
وبعدين يا اخ ميجو بلاش بتاع المنيل بس تنصحونى بمين تانى يكون اميين

**Migo123** · 11-05-2010 04:27 PM

بص يا باشا في واحد محترم جدا وأمين جدا اسمه حمادة امام ده في شارع البحر الاعظم يمين من جنب بنزينة مصر للبترول اللي بعد تقاطع شارع المدبح، في أول شمال
انا متعاملتش معاه في رينو .... بس مجربه من زمان في أكتر من عربيه
هو مبيفتيش وما بيشتغلش شغل بلدي
لو المساعد لازم يتغير هيقولك .... لو ينفع حل نهائي هيعمله بسعر معقول
كمان هو اكتر من ممتاز في ظبط الزوايا وصبور جدا ممكن ترجعله 100 مره لغاية متبقى راضي عن العربية