المشكلة الجديدة في m11 وتدارك التوكيل في حلة بسرعة

**medoragab** · 10-05-2010 09:09 PM

بسم الله الرحمن الرحيم
طبعا كل الناس حتخاف اكتر من العربية عشان العيب الجديد
لا بالعكس انا عامل الموضوع دة عشان تعرف ان التوكيل بدا في تحسن ملحوظ الفترة الاخيرة
المهم

من حوالي 10 ايام عربية محمد سراج الدينمو فصل منة والعربية جرناها لغاية الجراج والحمد لله معملتهاش منة وهوة علي الطريق
المهم كلمنا التوكيل كتير ولاكن دون جدوي و ذهبنا الي فرع طنطا واول ما قلنالة علي المشكلة قال روح لحماية المستهلك وربنا معاك
كلمنا تكنو سيرفس قالو هات العربية علي كساحة وسيبها عندنا لغاية ما نجيب دينمو جديد
المهم الجمعة الي فاتت نفس المشكلة حصلت مع الدكتور احمد و الحمد لله البطارية كانت فيها شوية شحن المهم روح بالدينمو فاصل لغاية البيت وبعد كدة فصلت منه خالص

بعد كدة احنا ذهبنا الي ابو رواش وعملنا المحضر والقصة الي انتم عرفنها
بعديها اتصل الدكتور احمد بالتوكيل عشان نعرف حيعمل اية معاة في الدينو لقاهم بيقولو العربية فين واحنا نجي نصلحالك في ديقيقة
اداهم العنوان و ساعة زمن لقاهم ادامة وغيرو الدنمو في عشر دقائق دور دارت العربية وسبها شوية تشحن وزي الفل
عرفت كدة فتصلنا بتكنو سيرفس تاني قاولنا انتم فين قلنالهم احنا في كفر الشيخ قالو ساعة يا باشا وحنكون عندك "" رغم الخدمة دي داخل اسكندرية والقاهرة وبسسسسسسسسسسس ""
مفيش ساعة زمن لقناهم ادامنا في البلد ومعاهم الدينمو ركب ركب يامعلم دور بالكبلات دارت اشحن شوية كلة تمام

سألت الفني علي الدينمو قالي دورك جي يا باشامتقلقشي وقال كل الدنموهات في الموديل دة بيفصل وكذلك طرمبة الباور فيها مشاكل فقلتلو اتنم غيرتولي طرمبة البور فضحك وقالي طيب ححجذلك دينمو لما يفصل منك اتصل بيا وانا اجيلك

السؤال لية التغيير المفاجئ

المهم ربنا يستر علي باقي الدينموهات الباقية في باقي العربيات
معلش طولت عليكم

**hugan** · 10-05-2010 10:24 PM

الحمد لله ان التوكيل عمل حاجه كويسه

بس بلاش الكلام المستخبي

الراجل كان متمني لكم التوفيق
والفايده للجميع اللي شارك وحضر واللي لم يشارك

**hugan** · 10-05-2010 10:34 PM

المشاركة الأصلية كتبت بواسطة medoragab

كلام اية المستخبي ؟؟؟
وراجل مين ؟؟؟
مش فاهم
انت قصدك علي فني الصيانة ولا اية ؟؟؟

ممكن يكون فني الصيانه احتمال وارد

طبعا انا قصدي هيما
مها جمينه طوال الوقت من امس

الراجل مش معترض ان عندكم مشاكل
بيقول ان عربيته كويسه ومفيهاش تسقيف خلاص
انتم عندكم مشاكل وها تاخدو اجراء مكانش معترض وقال لو وصلتو لشيء او حل الفايده علي الحميع
وربنا يكرمكم وتوصلو لحل نهائي مع ابو الفتوح

**ahmeddarhos** · 11-05-2010 12:02 AM

المشاركة الأصلية كتبت بواسطة hugan

ممكن يكون فني الصيانه احتمال وارد

طبعا انا قصدي هيما
مها جمينه طوال الوقت من امس

الراجل مش معترض ان عندكم مشاكل
بيقول ان عربيته كويسه ومفيهاش تسقيف خلاص
انتم عندكم مشاكل وها تاخدو اجراء مكانش معترض وقال لو وصلتو لشيء او حل الفايده علي الحميع
وربنا يكرمكم وتوصلو لحل نهائي مع ابو الفتوح

بصراحة أنا مستغرب من رد حضرتك جدا....
هيما عمل دعاية مجانية لأبوالفتوح و زى ما قلت فى ناس كتير خدوا قرار شراء العربية من كلامه.. و أنا واحد من الناس دى.. طبعا دى مش مسئوليته...
بس حضرتك لما تتكلم كلام حلو عن العربية و ناس اشترتها و بدأت تظهر فيها مشاكل و يكلموك علشان ياخدوا رأيك فى اللى حصل معاهم.. و انت ماتردش على حد..
يبعتولك رسايل على الموبايل طالبين رأيك,,, تقوم تقول على المنتدى معلش أصل موبايلى مابيقراش عربى...
يحددوا معاد مقابلة و يكلموك بأخوة علشان تيجى,,, برضه ماتحضرش...
يحطوا موبايلاتهم على المنتدى و يقولولك لما ظروفك تسمح كلمنا.. ماتعبرهمش..
بالله عليك انت لو مكان الناس دى هتضايق ولا لأ....

يا سيدى الفاضل ده الواحد لما بيصدق حد يطلب منه خدمة و يكون يقدر يعملها..
و احنا كل اللى طلبناه فى الأول كان مجرد مناقشة مشاكلنا بحكم انه من أوائل الناس اللى اشتروا العربية,, و واضح من كلامه انه عنده خبرة كويسة فى العربيات.. فكنا معتقدين ان كلامنا معاه ممكن يفيدنا اننا نلاقى حلول للمشاكل دى ...
لكن تخيل انت كده ان حد بيبخل عليك بمجرد مكالمة تليفون للمساعدة..

احنا الحمد لله استفدنا كتير من المناقشة على المنتدى.. و كفاية ان الواحد اتعرف بناس محترمة و عندها اصرار غريب انها تاخد حقها....
و المناقشة اللى مفتوحة دلوقت للناس اللى عندها مشاكل و بس .. و اللى ماعندوش مشكلة ربنا يباركلة يا سيدى و مش مطلوب منه غير انه يدعى لنا بالتوفيق..

لكن ماينفعش انه يقول فى مشاركة ( الحمد لله يمكن علشان أنا بأتقى ربنا و ربنا عالم بسريرتى ماخزلنيش فى العربية)....!!!!!!
بذمتك ده كلام يتقال فى موضوع الناس اللى مشاركة فيه كلها عندها مشاكل فى عربياتها..

**medoragab** · 11-05-2010 12:15 AM

المشاركة الأصلية كتبت بواسطة ahmeddarhos

بصراحة أنا مستغرب من رد حضرتك جدا....
هيما عمل دعاية مجانية لأبوالفتوح و زى ما قلت فى ناس كتير خدوا قرار شراء العربية من كلامه.. و أنا واحد من الناس دى.. طبعا دى مش مسئوليته...
بس حضرتك لما تتكلم كلام حلو عن العربية و ناس اشترتها و بدأت تظهر فيها مشاكل و يكلموك علشان ياخدوا رأيك فى اللى حصل معاهم.. و انت ماتردش على حد..
يبعتولك رسايل على الموبايل طالبين رأيك,,, تقوم تقول على المنتدى معلش أصل موبايلى مابيقراش عربى...
يحددوا معاد مقابلة و يكلموك بأخوة علشان تيجى,,, برضه ماتحضرش...
يحطوا موبايلاتهم على المنتدى و يقولولك لما ظروفك تسمح كلمنا.. ماتعبرهمش..
بالله عليك انت لو مكان الناس دى هتضايق ولا لأ....

يا سيدى الفاضل ده الواحد لما بيصدق حد يطلب منه خدمة و يكون يقدر يعملها..
و احنا كل اللى طلبناه فى الأول كان مجرد مناقشة مشاكلنا بحكم انه من أوائل الناس اللى اشتروا العربية,, و واضح من كلامه انه عنده خبرة كويسة فى العربيات.. فكنا معتقدين ان كلامنا معاه ممكن يفيدنا اننا نلاقى حلول للمشاكل دى ...
لكن تخيل انت كده ان حد بيبخل عليك بمجرد مكالمة تليفون للمساعدة..

احنا الحمد لله استفدنا كتير من المناقشة على المنتدى.. و كفاية ان الواحد اتعرف بناس محترمة و عندها اصرار غريب انها تاخد حقها....
و المناقشة اللى مفتوحة دلوقت للناس اللى عندها مشاكل و بس .. و اللى ماعندوش مشكلة ربنا يباركلة يا سيدى و مش مطلوب منه غير انه يدعى لنا بالتوفيق..

لكن ماينفعش انه يقول فى مشاركة ( الحمد لله يمكن علشان أنا بأتقى ربنا و ربنا عالم بسريرتى ماخزلنيش فى العربية)....!!!!!!
بذمتك ده كلام يتقال فى موضوع الناس اللى مشاركة فيه كلها عندها مشاكل فى عربياتها..

والله يا دكتور كلام يكتب بماء الدهب

**hugan** · 11-05-2010 12:35 AM

يا اخي التمس له العزر
انا مشترك من 2008ومعايا 516ومتابع مشاركاته من اول ال ام 11 مانزلت طبعا الراجل لم يكن بيعمل دعايه لابو الفتوح ولاحاجه انما كان بيوضح اي استفسار واي سؤال عن العربيه
وانا معاكم ان ابو الفتوح عايز ضرب النار لانه لو كان اهتم شويه بمعالجه العيوب البسيطه في عربياته كانت الناس كلها ارتاحت
انا معاك انه شيء يضايق انك تطلب شخص ما لسؤاله وهوعلي علم من انت
انا كل اعتراضي هو ذكر هيما وعدم مشاركته معكم في الذهاب الي ابو رواش في كل المشاركات
خلاص هو مش عايز يشترك براحته لاكن لاداعي لتكرار المشاركات بانه العضو الغير معترف بعيوب ال ام 11
واخيرا زي ما ذكرت التمس له العذر وفعلا من الممكن انه كان مشغول

**ahmeddarhos** · 11-05-2010 03:55 AM

المشاركة الأصلية كتبت بواسطة medoragab

لا تعليق

و الله يا محمود انت عسل...

مش عارف الأخ الفاضل بيتكلم عن عذر ايه اللى يمنع حد يرد على التليفون..
أو يعمل مكالمة واحدة للناس اللى اتصلوا بيه من 3 شهور...!!!!!