ياريت كل الي معاة m11 يقرأ الموضوع دة بتأني

**medoragab** · 10-05-2010 10:11 PM

http://www.nilemotors.net/Nile/62136-a.html

نرجو من الأخوة الافاضل المناقشة بموضوعية و بدون تحيز

**medoragab** · 10-05-2010 10:17 PM

دي بعض المشاركات والردود عليها

المشاركة الأصلية كتبت بواسطة kemks

شكرا علي الرد بس انا كنت بحط علي طول بنزين 92 و التسقيف برضه كان موجود

المشاركة الأصلية كتبت بواسطة samirayad

خلينا دلوقتى على أرض الواقع ....لو بتستخدم بنزين درجة الأكتان بتاعته زى توصيات صانع المحرك أو أعلى ......وكان لسه فيه تسقيف.....يبقى ممكن الحساس يكون فاصل أشاره عن وحدة التحكم.....وممكن يكون بسبب عوامل أخرى زى حساسات الحراره مثلا ).....أو برضه وجود أخفاق جزئى فى آداء حساس الكامه (لو موجود عندك).....أو وجود شوشره على عملية الكنترول بسبب عدم جودة أتصال أرضى.......أو ضعف فى خرج الدينامو....وهكذا

الراجل هنا مقلش ظبطة رجل خالص

اةةةة يا بلد

**medoragab** · 10-05-2010 10:22 PM

ودة موضوع تاني
http://www.nilemotors.net/Nile/325-a.html

عاوز ردود يا جعان يا خبراء m11
عاوز حد يقولي ظبتة رجل تاني

اةةةة يا بلد

**emad7759** · 10-05-2010 11:31 PM

لله ينور عليك يامحمود

**ahmeddarhos** · 11-05-2010 12:12 AM

الله ينور يا باشا على المواضيع الجامدة دى...

**samehsalem** · 11-05-2010 01:19 AM

تمام الموضوع ده اوي بس اللي فهمته ان كدة في مشكلة ف حساس التسقيف...ليا سؤال بقي الحساس ده هل من الممكن انه يتغير ولا مش ممكن؟

**medoragab** · 11-05-2010 02:40 AM

المشاركة الأصلية كتبت بواسطة samehsalem

تمام الموضوع ده اوي بس اللي فهمته ان كدة في مشكلة ف حساس التسقيف...ليا سؤال بقي الحساس ده هل من الممكن انه يتغير ولا مش ممكن؟

بص يا موحة انا جايب العربية في شهر 11 الي فات والعربية دلواتي عاملة 14500 كيلو من اول يوم استلمت فية العربية ولاحظت موضوع السكة دي
المهم رحت بعد 500 كيلو الضمان عشان يشوفو موضوع السكة دي اية استقبلوني استقبال جميل وقابلني المهندس احمد فؤاد وجرب العربية واكد كلامي يوجد سكة علي الاول و قالي عمتا انا حشوف ايةالموضوع اية بالظبت في الموديل دة وفي صيانة 1000 حيكون الموضوع منتهي
رحت في صيانة 1000
قالي انا حغيرلك حساس البنزين بس مش انهاردة وحددلي ميعاد بعد 15 يوم عشان بياخد وقت طويل
بعد 15 يوم رحت الساعة 9 صباحا وكنت اول واحد دخل الصيانة
المهم استلمو العربية وشعلقوها لمدة 5 سعات و بعد كدة طلعولي العربية ولقيت الفني بيقولي خلاص يا استاذ ظبتلك سويتش الدبرياج
رحت للمهندس احمد قولتو انتم عملتو اية قالي المشكلة مش في حساس البنزين دي كانت في سوتش الدبرياج وخلاص المشكلة راحت
اقتنعت فعلا بس كنت متأخر وكان عندي شغل مهم فخدت العربية ومشيت وفي اول اشارة مرور وانا بطلع علي الاول سمعت السكة
دعيت عليهم ربنا ينتقم منهم وقت و مجهود و في الاخر ولا حاجة
بعد كدة في صيانة 5000 رحت وزعأت قالولي حنعملك كل حاجة
وللأسف مفيش فايدة ورحتلهم تاني بعدها بشهر بردة مفيش فايدة وبعد كدة صيانة 10 بردو مفيش فايدة
المهم رحتلهم يوم بدري كانت العربية عاملة تقريبا 12 الف وأعتلهم علي المشكلة طلعلي مدير المركز وقالي الموديل دة ياباشا كلة في السكة دي و ملهاش علاج لان تصميم الدايرة الكهربية بتاعت العربية فيها مشكلة ما ولغاية دلوأتي مش عارفن منين
دة كان كلام مدير صيانة تكنو سيرفس نفس الكلام بتاع عيسي في طنطا و اخر الكلام كان في القاهرة المهندس احمد مدير استقبال ابورواش

ياعني ممكن يكون حساس بس مش عارفين يركبوه زي ما قالي المهندس احمد في تكنو سيرفس

**samehsalem** · 11-05-2010 03:51 AM

متشكر لردك يا باشا وياريت يكون المشكلة في حساس زي ما حضرتك بتقول وتكون حلها سهل انشاء الله وانا معاكو باذن الله بس المشكلة انا بمتحن الفترة دي وفعلا وقتي متدمر خالص...

**medoragab** · 11-05-2010 04:15 AM

المشاركة الأصلية كتبت بواسطة samehsalem

متشكر لردك يا باشا وياريت يكون المشكلة في حساس زي ما حضرتك بتقول وتكون حلها سهل انشاء الله وانا معاكو باذن الله بس المشكلة انا بمتحن الفترة دي وفعلا وقتي متدمر خالص...

عمتا متشغلشي بالك ابعتلي بيناتك علي الميل وانا حبقي اقولك علي المطلوب وان شاء الله مفيش تضيع لوقتك خالص