عرض للطباعة
حد يعرف أسعار فوانيس الواجا الخلفية ..
أصل أنا عربيه تاكسي خبطت في الفانوس الخلفي يمين ..
والحمد لله رغم أن الخبطة كانت جامده .. إلا أن الفانوس حصل فيه ثقب فقط بفضل الله .. حوالي 3 سم * 2 سم
فهل الواحد يغير الفانوس وإلا يلزق عليه ستيكر .. وألا ينطش .. ولو الواحد حب يغيره .. يعمل كام
يا باشا الخلفي ب850 للفانوس الواحد و الأمامي ب1650 .
أنا راييي حضرتك تطنش لأن الموضوع مش مستاهل 850 جنيه....و حضرتك كده و لا كده بعد فترة حتنسى موضوع الفانوس المكسور ده خالص.
شكرا ..جزيلا ..يا محسن باشا ..
أنا مش عارف أشكرك فين وألا فين ..
طب ما ينفعش الواحد يغير الوش البلاستيك .. ولو في حته تانيه أرخص ..
لازم الفانوس كله ..
الشكر لله يا أستاذ أبو العلا....الواحد الصراحة اتعلم كتير من حضرتك و باقي الأخوة الأفاضل في منتدي كونتاكت و أنا بحاول ارد الجميل علي قد ما أقدر.....
لو حضرتك عندك وقت أنصحك جدياً تسأل في الأهرام للبلاستيك في شارع زكي جنب فندق هامبورج بوسط البلد, واحد صاحبي جاب من عندهم وش فانوس خلفي نوبيرا ب40 جنيه...و غالباً لو فيه حاجه مش عندهم بيقدروا يعملوها.
و ربنا يوفقك يا باشا.
شكرا جزيلا ..
وده العادى بتاعك ياباشا ..
أنا حاحاول اسأل في شارع زكي .. ولو نفعت حأقول بأذن الله ..
فى ناس فى الحرفيين اعتقد انهم ممكن يصلحوا الفانوس دة ويغيرلك فى شكله كمان لو عايز واكيد هيبقا ارخص من انك تشترى فانوس جديد.
يا جماعة ملحوظة صغيره :
أسعار ال 850 و الحاجات دى فى التوكيل بره السعر أرخص بكثير معرفش كام بس لو سألت هاتلاقيه أوفر أكثر من النص :) بس برده رأى محسن أصح إنه مش مستاهل و ممكن تشوف وش عند الأهرام
على العموم :
دى تليفونات أولاد منصور لقطع غيار البروتون
7740354
0124893100
13 شارع المحطة الجيزة
ممن تسأل بالتليفون
أولا شكرا جزيلا يا جماعة .. أ / عبد الله وأ/ ميمو ..وطبعا محسن باشا ..
بس مش فاهم يعني أيه يصلحوا الفانوس .. يلحموه يعني وألا إيه ..
وأنا حأسأل أولا منصور بإذن الله ..اقتباس:
يصلحوا الفانوس
معلش يا جماعة بس مش الاسعار مبالغ فيها جدا مقارنة بأسعار اللانسر (اللى انا بسمع اصلا انها غالية)؟ يعنى اغلى من الاغلى
معلش يا جماعة بس زى مانتو شايفين انا معايا 128 و عاوز اجيب عربية تريحنى لفترة طويلة وفى نفس الوقت لا ترهقنى ماديا بقطع غيارها
و بصراحة لما سمعت منكم ارقام الفوانيس اترعبت
أرجو أن تمدونى بارائكم خصوصا ان سعر اللانسر ال 1600 وصل 89 الف
اولا بالنسبة لشركة الاهرام فهى كويسة و بتفك الفانوس و بيلحملك جزء مكان المكسور
ثانيا : عندك الحرفيين و الاستيراد موجود و حايبقى ارخص
ثالثا ممكن جديد ( تايوانى من السوق ) و طالما مش جزء ميكانيكى فاعتقد ان الاكسسوارات التايوانى ممتازة
حضرتك لازم تبص علي السيارة كPackage كاملة مش بس قطع الغيار.اقتباس:
معلش يا جماعة بس مش الاسعار مبالغ فيها جدا مقارنة بأسعار اللانسر (اللى انا بسمع اصلا انها غالية)؟ يعنى اغلى من الاغلى
معلش يا جماعة بس زى مانتو شايفين انا معايا 128 و عاوز اجيب عربية تريحنى لفترة طويلة وفى نفس الوقت لا ترهقنى ماديا بقطع غيارها
و بصراحة لما سمعت منكم ارقام الفوانيس اترعبت
أرجو أن تمدونى بارائكم خصوصا ان سعر اللانسر ال 1600 وصل 89 الف
أنا علي سبيل المثال عملت نفس المقارنة اللي حضرتك بتحاول تعملها ده غير ضغط رهيب من الأقارب و الأصحاب اني أجيب لانسر.
لكن أنا بطبيعتي أكره الإنسياق وراء التيار.
فحسبت الوضوع بهدوء و تروي.
أولاً موضوع لانسر 1600 89 ألف ده غريب شوية...أنا أقل سعر سمعته 94 ألف و دي فاضية و بدون أي نوع من أنواع الضمان.
دايماً حضرتك لما تيجي تقارن لازم تحط حاجة قدام مثيلتها أو ما يطلقون عليه Apple to Apple .
فأنا لما بقارن اللانسر بالواجا بقارنها باللانسر اللي بضمان الوكيل و دي بتبدأ من 104000 للأوتوماتيك 1600
نيجي بقي للمقارنة:
السعر: 14000 فرق لصالح الواجا.
المحرك: الإثنين نفس Core المحرك و لكن اللانسر جيل أحدث و موفرة أكثر في الوقود في مقابل أن الواجا عزم و HP أعلي.
حنعتبره تعادل.
الشاسيه و العفشة: اللانسر لا غبار عليها و لكن الواجا استفادت من تقنيات Lotus المملوكة لبروتون و المتخصصة في سيارات السباق.....الواجا تربح.
قطع الغيار: أولاً الموضوع ده بيد الله أولاً و أخيراً و ثانياً أسعار الفوانيس دي في التوكيل.....براه أنا لسه سائل النهارده في أولاد منصور (شكراً يا ميمو علي التليفونات)...الأمامي ب350 و الخلفي ب300......بس لسه أنا مبصيتش عليهم...و أول ما أروح حعمل تقرير كامل بإذن الله...حنعتبره تعادل
الكماليات: الواجا بتنزل بكاسيت MP3 مع تحكمات من الدركسيون+parking sensors+جنوط سبور 16 ....الواجا تربح بفارق كبير.
المنشأ: الياباني مفيهوش كلام....الماليزي قدامه شوية علي ما يثبت نفسه في مصر....اللانسر تكسب.
إعادة البيع: اللانسر تكسب....لمن بتساووا بعد 4-5 سنين....اللانسر تكسب برضه.
النتيجة 3-2 لصالح الواجا :)
و علي أي حال يا ريت حضرتك تخش علي الروابط التالية و تكون رأيك بنفسك:
http://www.nilemotors.net/Forum/viewtopic.php?t=440
http://www.nilemotors.net/Forum/viewtopic.php?t=740
http://www.nilemotors.net/Forum/viewtopic.php?t=55
http://www.nilemotors.net/Forum/viewtopic.php?t=54
الكلام ده بجد يا محسن باشا .. أنا مستنياقتباس:
الأمامي ب350 و الخلفي ب300
وعلي فكرة أنا بأعمل صيانة 5000 فسألت في التوكيل .. قالولي أن السعر في حدود 800 .. للفانوس الخلفي
بس الباشهمندس آمر .. راجل محترم قوى .. قاللي حأحاول أبص علي الفانوس المكسور .. ونتصرف فيه ..
علي فكرة نسيت أقولك .. مبروك علي الأشراف ...
بجد يا باشا :)اقتباس:
الكلام ده بجد يا محسن باشا .. أنا مستني
يا أستاذ أبو العلا ربنا يخليك و يباركلك :) :)اقتباس:
علي فكرة نسيت أقولك .. مبروك علي الأشراف ...
فعلا المهندس آمر مدير إستقبال عز العرب راجل ذووق أوى (كان ماسك إستقبال بى إم عز العرب ) عشان كده هاتلاقيه ذووق و جنتل فى معاملته :)
و متقلقش من الفانوس بره التوكيل :) أنا مش شوفته بعينى بس على السمع ذى الفل كفاية إن سعره أقل من النص و الفانوس مش مساعد تخاف منه أو حاجة فى موتور ده فانوس:) المهم شفافيته و لونه يكونوا نضاف
اقتباس:
(كان ماسك إستقبال بى إم عز العرب ) عشان كده هاتلاقيه ذووق و جنتل فى معاملته
حلو قوى التعبير الضمني ده .. يعني العربيات بتفرق مع الناس :D :D
مع خالص شكرى لكل الناس الحلوة ..
أخى محسن
جزاك الله عنى وعن المسلمين خير الجزاء و نفع الله بكم
http://islamqa.com/index.php?pg=tree&ln=ara
فعلا ياما تلحمة ياما تغيرة
عشان بعد شوية التراب والمية هاتدخلة وهايبقي شكلة بايخ جدا جدا
ولو عايز توفر اي حد بتاع بلاستيك في الحرفيين يقدر يلحمة بكلام فارغ بس ماتسيبوش خالص
أخى أبو العلا أنا شفت الفوانيس دى عند أولاد منصور بتاع الجيزة وهى زى الأصلى اللى متركبة فى العربية تماما وعندهم كل حاجة خاصة بالعربية ماعادا الإكسسوارات لسه ما بدأوش يجيبوا منها بس قاللى إنهم ناويين يجيبوا لو لقوا إقبال عليها و إبقى فاصل فى السعر معاهم هه :wink: .
:lol: 8) :lol:
شكرا يا جماعة .. وجزاكم الله خيرا .. وربنا دائما يجمعنا علي خير بإذن الله
ويكفيكوا شر القلق ده .. والخبطات ..
وشكرا يا ابو عبد الرحمن .. بس هو السعر كام تقريبا ...
سعره انا جايبه تايواني ب 180 جنيه من شهر تقريباااااااااااااااااااا ااا
8)