شهر تعويضا للمشتركين في 'الإنترنت'

شهر تعويضا للمشتركين في 'الإنترنت'

طارق كامل

تقرر تعويض جميع مشتركي خدمة الانترنت في مصر عن الاعطال التي تعرضوا لها بسبب تعطل الكابلين البحريين بالبحر المتوسط والموصلين للخدمة.. وسيتم اعفاء المشتركين من سداد فاتورة الاشتراك عن شهر كامل وذلك من خلال الشركات وبنفس السرعة المشتركين بها، اما المشتركون بنظام الخدمة التليفونية فسيتم إعفاؤهم من قيمة المكالمات عن شهر يناير. وصرح د. طارق كامل وزير الاتصالات وتكنولوجيا المعلومات بان القرار يسري علي جميع المشتركين بمختلف الانظمة، والشركات والمؤسسات المشتركة بنظام الدوائر المؤجرة للانترنت ولن تسري علي خدمات استضافة المواقع. ويتابع د. كامل محاولات إعادة الخدمة لمستواها.. وقد وصل مستوي الخدمة الي 55 % من اجمالي سعة وكفاءة الشبكة حتي مساء امس.

صباح الأخبار الحلوة

شكرا جزيلا على الخبر يا ميمو :) أنا جاتلى أمبارح رسالة على الموبايل من خدمة أخبارية مشترك بها بتقول نفس الكلام!
المهم الشركات تلتزم بهذا القرار , ده أكيد خسارة جامدة عليهم..... و لا لأ :rolleyes: :confused:

اقتباس:

---

المشاركة الأصلية كتبت بواسطة اسلام المصرى

شكرا جزيلا على الخبر يا ميمو :) أنا جاتلى أمبارح رسالة على الموبايل من خدمة أخبارية مشترك بها بتقول نفس الكلام!
المهم الشركات تلتزم بهذا القرار , ده أكيد خسارة جامدة عليهم..... و لا لأ :rolleyes: :confused:

---

التجارة مش كلها مكسب، أكيد عاملين حسابهم على حاجة زى دى فى ميزانياتهم يا اما يبقوا بيلعبوا و عموما كله من الفلوس اللى بندفعها، متفتكرش حد هيدفع حاجة من جيبه

يا جماعة شهر مجاني نعمل بية اية؟!! الخسائر اكبر من كدة بكتير، كفاية العطلة ووقف الحال! مين اللي هيعوضنا عنهم؟

وحسبي الله ونعم الوكيل.

اخبار ميه ميه وشكرا

اقتباس:

---

المشاركة الأصلية كتبت بواسطة Nader

يا جماعة شهر مجاني نعمل بية اية؟!! الخسائر اكبر من كدة بكتير، كفاية العطلة ووقف الحال! مين اللي هيعوضنا عنهم؟

وحسبي الله ونعم الوكيل.

---

ليك عزومة بيبسي عندي المقابلة الجاية ؟ ok ? :)

اقتباس:

---

المشاركة الأصلية كتبت بواسطة CryptonX

اقتباس:

---

أرسل أصلا بواسطة Nader http://www.nilemotors.net/Nile/image...s/viewpost.gif
يا جماعة شهر مجاني نعمل بية اية؟!! الخسائر اكبر من كدة بكتير، كفاية العطلة ووقف الحال! مين اللي هيعوضنا عنهم؟

وحسبي الله ونعم الوكيل.

---

ليك عزومة بيبسي عندي المقابلة الجاية ؟ ok ? :)

---

ها ها خلاص إذا كان كدة يبقى ok:D

والحمد لله ان النت شغال انهاردة بالذات كويس:)

مش هيبقي ليهم خسارة ولا حاجة علشان الشركات نفسها مش هتدفع الخدمة فبالتالي لو جة حد طالبك بالاشتراك قولة الشهر دة فري ومتدفعوش


واطلع علي الوزير عدل دة شهر بحالة

المهم الكلام ده يكون بجد مش كلام جرايد وخلاص

طب واللى دفع يناير مقدما يعمل ايه ؟

انا اصلى مشترك فى شبكه محليه

متدفعش فبراير دة حقك منا بردوا كدة قدام هوا صاحب الشبكة المحلية مش هيدفع اشتراك هندفعلة احنا لية بقي

نفسى أسمع الخبر ده
وزارة الموصلات: تكرر تقديم الخدمة شهرا مجانا نظرا لسوء الخدمة فى الأيام السابقة
وزارة التموين: تكرر تقديم الخدمة شهرا مجانا نظرا لسوء الخدمة فى الأيام السابقة
وزارة الإسكان: تكرر تقديم الخدمة شهرا مجانا نظرا لسوء الخدمة فى الأيام السابقة

اقتباس:

---

المشاركة الأصلية كتبت بواسطة major_memo

مش هيبقي ليهم خسارة ولا حاجة علشان الشركات نفسها مش هتدفع الخدمة فبالتالي لو جة حد طالبك بالاشتراك قولة الشهر دة فري ومتدفعوش


واطلع علي الوزير عدل دة شهر بحالة

---

الشركات مش هتدفع لمين ايه؟
اي شركة انترنت بتدفع في الشهر للشركات اللي بتديها ال Band Width زي فلاج تيليكوم صاحبة الكابلين المقطوعين و بتدفع للمصرية للاتصالات نظير تركيب اجهزتها داخل كل سنترال و الفلوس بتاعة المصرية للاتصالات هتدفع هتدفع
أما الفلوس بتاعت فلاج تيليكوم لسة في عليها مفاوضات لان فلاج نفسها شايفة انها متديلناش تعويض عشان المشكلة مش بسببها
و بالتالي موضوع التعويض دا مش هيبقى للحكومة اي يد فيه و شركات الانترنت هيا اللي هتشيله غالبا

يا استاذ محمد الوزير قال هيدي الشركات نفسها شهر تعويضا والشركات المالكة للكبلات هيا المسولة بل بالتالي هتدفع تعويض لاهمالها او لعد كفاءة الكبلات حسب التشخيص بقي
والحكومة هيا الي هتتحمل فلوس المصرية للاتصالات ودة من الوزير نفسوا

اقتباس:

---

المشاركة الأصلية كتبت بواسطة major_memo

يا استاذ محمد الوزير قال هيدي الشركات نفسها شهر تعويضا والشركات المالكة للكبلات هيا المسولة بل بالتالي هتدفع تعويض لاهمالها او لعد كفاءة الكبلات حسب التشخيص بقي
والحكومة هيا الي هتتحمل فلوس المصرية للاتصالات ودة من الوزير نفسوا

---

التقارير الأولية بتقول إن يوم المشكلة كان في عاصفة و في سفينة طلبت الأذن بدخول ميناء أسكندرية و بعد ما اترفض طلبها عشان العاصفة وقفت و رمت المرسى بتاعها او اللي احنا بنسميه الهلب و بتقول التقارير ان السفينة دي هي السبب
لو الموضوع طلع كدا يبقى فلاج تيل ولا هتعبر اي شركة من الشركات اللي عطلت و يبقى الشركات المصرية هي اللي هتشيل موضوع التعويض ده
و بعدين خليك واقعي هي الحكومة هتعوض 4 مليون مستخدم في متوسط 100ج مقابل خدمة في الشهر يعني 400 مليون جنيه؟؟ فكر فيها تاني و قولي

لسة لنك دوت نت مكلمنى امبارح عشان التحصيل بكرة . بيقولولى لسة مجلناش علم بال الشهر المجانى هيدوة امتة .

طيب مفيس موقع عليه الكلام ده عشان يبقى اكيد
ولا هتطلع اشاعات فى الاخر

اقتباس:

---

المشاركة الأصلية كتبت بواسطة mostafa.sharkawy

لسة لنك دوت نت مكلمنى امبارح عشان التحصيل بكرة . بيقولولى لسة مجلناش علم بال الشهر المجانى هيدوة امتة .

---

فعلا لينك دول زفت قالولي هاتدفع عادي

طب ايه رأيكم فى الخبر ده؟
http://news.filbalad.com/News.asp?NewsID=23413

لو الخبر صحيح يبقى اصلا الكابلين مش هيتصلحو خالص

الخبر صحيح ياباشا وفعلا كنت في شركة تي اي داتا من شوية وقالي مش هتدفعوا اشتراك شهر فبراير

منا عارف ان الشهر خلاص بقى مجاني مبروك انا كان قصدي على الخبر بتاع ايران

يا جماعة ياعني مادفعش لشركة لينك ؟؟؟؟

اكيد يا احمد علشان مش معقولة شركة اة وشركة لا وهوا قالي كل شركات مصر يبقي اكيد متدفعش

اقتباس:

---

المشاركة الأصلية كتبت بواسطة Ahmed Samy

يا جماعة ياعني مادفعش لشركة لينك ؟؟؟؟

---

لأ طبعا ماتدفعش يا أخ أحمد!! و لو صمموا أعملهم مولد من غير نور :mad: :mad: :mad: ده حقك , أنا شخصيا لينك و مش هدفع , طالما ده قرار يبقى لازم يلتزموا بيه , و لا أحنا برده فى مصر :) على العموم لو دفعت قولى علشان أدفع أنا كمان :D

أنا كلمت Tedata علشان اسأل، قالولى انهم هيدوا الشهر المجانى بعد ما الكابلات تتصلح و هيبعتوا يحصلوا فبراير عادى!!!!!!!!!!

انا دفعت النهاردة شهر فبراير وقولى كدة بالظبط

اقتباس:

---

المشاركة الأصلية كتبت بواسطة Hossam_Hassan

أنا كلمت Tedata علشان اسأل، قالولى انهم هيدوا الشهر المجانى بعد ما الكابلات تتصلح و هيبعتوا يحصلوا فبراير عادى!!!!!!!!!!

---

اقتباس:

---

المشاركة الأصلية كتبت بواسطة Hossam_Hassan

أنا كلمت Tedata علشان اسأل، قالولى انهم هيدوا الشهر المجانى بعد ما الكابلات تتصلح و هيبعتوا يحصلوا فبراير عادى!!!!!!!!!!

---

اشمعنا بعدين هى هتفرق معاهم فى ايه اذا كان الشهر ده ولا اللى بعده

لو هما هيدو شهر مجانى كانو ادووه على طول

طب احنا هنا في بنها مش هندفع شهر فبراير وهما الي قالولي كدة مش عارف بقي

لو الموضوع طلع قرار سيادي يبقى اكيد محدش هيدفع اما لو طلع كلام تصريحات و تليفزيون يبقى كل الناس هتدفع

بجد يا باشا
ودا من موقع TE Data:

و تقدم تي إي داتا تعويض لعملاءها عبارة عن خدمة مجانية لمدة شهر كامل، و يطبق التعويض علي عملاء خدمة الـDialup (07777777( و خدمة TE Data ADSL، و خدمات الإنترنت للشركات (Leased Lines).

http://www.tedata.net/new/tedata_egy..._Id=7&SecId=26

لينك طالبتنى بأشتراك شهر فبراير :mad: :D :mad:!!!! شكلى هدفع و أريح دماغى , عادى يعنى كما توقعت!

انا TE Data بعتولى رسالة بس مش هدفع و لو حد كلمنى هديلوا اللينك الى فوق يقراه.

لينك قالولى إدفع الشهر دا و تقريبا حيبقى الشهر الجاى هو إللى مجانا

طلع كلام جرايد وللاسف طالبونى بالاشتراك

لكن بصراحه انا رفضت وفضلت انهم يفصلوا عنى النت لانى ارفض ان احد يستغلنى بهذه الطريقه

يغور النت فى داهيه ولكن ماحدش يستغل الظروف

اقتباس:

---

المشاركة الأصلية كتبت بواسطة sharky

لينك قالولى إدفع الشهر دا و تقريبا حيبقى الشهر الجاى هو إللى مجانا

---

شكرا جزيلا على مشاركتك يا أحمد :) ياريت يبقى فعلا كده!!!

اقتباس:

---

المشاركة الأصلية كتبت بواسطة ibrahimsaad

طلع كلام جرايد وللاسف طالبونى بالاشتراك

لكن بصراحه انا رفضت وفضلت انهم يفصلوا عنى النت لانى ارفض ان احد يستغلنى بهذه الطريقه

يغور النت فى داهيه ولكن ماحدش يستغل الظروف

---

معاك حق يا أخ ابراهيم :(
ذى ما أنا محتاج النت فى الشغل أنا محتاجه فى البيت برده , للأسف مضطر أدفع و أمرى الى الله , مش عايز أخش فى متاهات قطع النت و ترجيعها تانى........ حسبى الله و نعم الوكيل.

هو انا لما سألت خدمة العملاء فى Tedata كان رضهم انهم هيدوا الشهر المجانى لما النت ترجع بكامل طاقتها علشان التعويض يبقى حقيقى، بس بصراحة ان ثقتى فيهم شبه منعدمة.

اقتباس:

---

المشاركة الأصلية كتبت بواسطة Hossam_Hassan

هو انا لما سألت خدمة العملاء فى Tedata كان رضهم انهم هيدوا الشهر المجانى لما النت ترجع بكامل طاقتها علشان التعويض يبقى حقيقى، بس بصراحة ان ثقتى فيهم شبه منعدمة.

---

و الله شر البلية ما يضحك
يعني هما 95 جنيه انهاردة ولا بكرة :cool:
فلو سابهملى كمان شهر التعويض هايبقى حقيقي و لو سابهم الشهر ده مش هايبقى حقيقي :mad:
هما الناس دي فاكره اننا شعب بيحتسي البرسيم على العشاء:mad::mad::mad:

اقتباس:

---

المشاركة الأصلية كتبت بواسطة Ahmed Samy

و الله شر البلية ما يضحك
يعني هما 95 جنيه انهاردة ولا بكرة :cool:
فلو سابهملى كمان شهر التعويض هايبقى حقيقي و لو سابهم الشهر ده مش هايبقى حقيقي :mad:
هما الناس دي فاكره اننا شعب بيحتسي البرسيم على العشاء:mad::mad::mad:

---

ياريتنا طايلين حتى نحتسى البرسيم فمعروف عنة ان لة فوائد عديدة
لكنهم يعلمون تماما و على يقين من إننا بنسف التراب و بكميات كبيرة كمان