طريق السويس دا هلاك
عرض للطباعة
طريق السويس دا هلاك
الناس بتريح دماغها لان مفيش حد فى مسئولى بلدك بيطلعوا غلطانيين ابدا وانت اللى فى الاخر حاتلبس وعندك كمثال حادثة الولد اللى كان ماشى على الكوبرى وماسك فى ايد امه ومرة وحدة اختفى اتارى كان فيه فتحة وقع منها الواد وبعدين لما بقى فيه هوليلة والصحافة فتحت الموضوع واتفتح تحقيق محافظة القاهرة تبرأت من الكوبرى وصيانته ورمتها على الجيزة فقامت الجيزة عاملة المثل ورمتها على القاهرة وكل المسئولين عمالين يرموا على بعض وكله بيتبرأ من مسئولية الكوبرى وصيانته وفى الاخر ربنا يعوض على الست اللى ضاع منها ابنها .
وربنا يسترها علينا فى البلد دى
لا لا دي مش مسؤولية أي حد في البلد
ده غالبا لغم أرضي و عربيتكو داست عليه
الف حمد لله على السلامه وربنا يعوض على صاحبك
الحساب يجمع يوم القيامة , لما يطلعوا عند خالقهم و يعرفوا انا الله حق فى العبيد اللى تحت ايديهم
و حمدا لله على سلامتك
الحمد لله على كل شئ
بجد, ماتشوف محامى شاطر كدة يأخدلك تعويض , حتى لو طلعت ب 10 % من تمن العربية يبقى عملت حاجة و شجعت غيرك يعمل كدة
علشان فى ناس كتير قوى عربياتها اتبهدلت بسبب الحفر دى و أنا لسة هاغير فردة كاوتش بكرة , بس مافيش دليل مادى زى حادثتك