اسفسارات بخصوص لانسر بومة 2010 الكاملة اسبورت

السلام عليكم و رحمة الله و بركاته
ازيكم يا وحووووش عاملين اية؟
مساعدة لاخوكم يمكن ربنا يكرم و تكسبوا عضو جديد معاكوا..
كنت عايز اسأل على البومة الكاملة 2010 و الفرق بينها و بين ال 2009 فى الكماليات او الامكانيات و سعرها كام دلوقتى و و كنت بفكر اجيبها من معرض سمير ريان فى القاهرة هل هو كويس؟ ولا اجيبها منين افضل ؟ و اية الافضل البومة الخليجى ولا الوكيل ولا اية ؟

و الصراحة الناس خوفونى من شوية حاجات فى العربية و ارجو من رجالة ووحوش المتسوبيشى يأكدولى او ينفو الكلام ده ولو فى حاجة تانية اكون شاكر ليكو لو قلتولى عليها
1- الناس بتقول البومة السبورت واطية فى الارض
2- الناس خوفونى من صيانتها و من التوكيل بتاعها
3- وانا عن نفسى سمعت ان الفتيس بتاع ال 2010 ستيبترونيك ( تقريبا مش متأكد ) فا انا بقة (مش الناس المرة دى) متخوف من اداء الفتيس ده و من صيانته

يا ريت يا جماعة تتكرموا و تردوا على الكلام ده و جزاكم الله خيرا
معلش طولت عليكو بس اخوكو مقلق و محتار جدا
شكرا

للعلم الموضوع ده نقلا عن لسان واحد صاحبى يعنى العربية مش ليا انا :)

اللانسر البومة 2010 تفرق فقط عن 2009 الفتيس الستيبترونيك او ما تسميه ميتسوبيشي سبورت مود

سعر التوكيل دلوقتي :
1600 مانوال 107000 واوتوماتيك 116000 وهاف سبورت 122000 وسبورت 127000 وسام (تزيد فرش جلد طبيعي) 129000 جنيه

- السبورت مش واطية هي فيها نفس العفشة الرياضية انما بتزيد كساحات امامية واعتاب خلفية عن البومة العادية ودي بيكون سمكها حوالي 4-5 سم تحت الاكصدام انما مش واطية ومحدش اشتكى منها

- صيانة البومة دي بالذات من ابسط العربيات في صيانتها وعلشان كده منتشرة جدا جدا

- الفتيس الستيبترونيك هو الفتيس الأوتوماتيك العادي المنتشر في موديلات ميتسوبيشي المختلفة وبيزيد عليه برنامج كمبيوتر للتحكم في النقلات بما يسمى الستيبترونيك او السبورت مود وبالتالي فهو فتيس مجرب من سنين طويلة ومفيهوش اي مشاكل وابسط كمان من الفتيس الcvt اللي اشتهرت به البومة سنين طويلة

و كمان شكل العدادات اتغير بقت لونها احمر

اقتباس:

---

المشاركة الأصلية كتبت بواسطة مصراوي جدا

اللانسر البومة 2010 تفرق فقط عن 2009 الفتيس الستيبترونيك او ما تسميه ميتسوبيشي سبورت مود

سعر التوكيل دلوقتي :
1600 مانوال 107000 واوتوماتيك 116000 وهاف سبورت 122000 وسبورت 127000 وسام (تزيد فرش جلد طبيعي) 129000 جنيه

- السبورت مش واطية هي فيها نفس العفشة الرياضية انما بتزيد كساحات امامية واعتاب خلفية عن البومة العادية ودي بيكون سمكها حوالي 4-5 سم تحت الاكصدام انما مش واطية ومحدش اشتكى منها

- صيانة البومة دي بالذات من ابسط العربيات في صيانتها وعلشان كده منتشرة جدا جدا

- الفتيس الستيبترونيك هو الفتيس الأوتوماتيك العادي المنتشر في موديلات ميتسوبيشي المختلفة وبيزيد عليه برنامج كمبيوتر للتحكم في النقلات بما يسمى الستيبترونيك او السبورت مود وبالتالي فهو فتيس مجرب من سنين طويلة ومفيهوش اي مشاكل وابسط كمان من الفتيس الcvt اللي اشتهرت به البومة سنين طويلة

---

جزاكم الله كل خير يا بشمهندس طارق و الله معلومات قيمة جدا

اقتباس:

---

المشاركة الأصلية كتبت بواسطة h_a_t_em

و كمان شكل العدادات اتغير بقت لونها احمر

---

مشكور على المعلومة يا باشا بس هيا كان لونها اية قبل كده ؟

طب بالنسبة لباقى الاسئلة
1 - مين وكيل متسوبيشى فى مصر يعنى لو حبيت اشترى من الوكيل اروح لمين ؟
2- اية الافضل البومة الوكيل ولا الخليجى و اية مميزات و عيوب الاتنين ؟
3- فى معرض كبير اسمه سمير ريان هل هو كويس فى حد اتعامل معاه قبل كده ؟

العدادات كانت لونها اخضر و بالنسبه للوكيل فهو الرواس و لكن في يعض المشاكل دلوقتي و عايزين يسحبوه منه بس مش عارف والله انهت علي ايه و بالنسبه ليا انا معايا وكيل و مفهاش اي مشاكل و معتقدش ان الخليجي فيها مشاكل بردو و معرض سمير ريان ده انا شوفتو معرض كبير قوي و عندهم عربيات بالهبل و لكن متعملتش معاه

جزاك الله خيرا على الرد و على المعلومة
بالنسبة للمعرض هو انا مرحتوش قبل كده بس سمعت انه بطول شارع كبير و مليان عربيات ما شاء الله عليه بس المشكلة ان الواحد من كتر ما سمع عن معارض اصحابها بينصبوا على الناس و حرامية فا الواحد مبقاش عارف مين الكويس و مين الوحش

اقتباس:

---

المشاركة الأصلية كتبت بواسطة medo.malek

طب بالنسبة لباقى الاسئلة
1 - مين وكيل متسوبيشى فى مصر يعنى لو حبيت اشترى من الوكيل اروح لمين ؟
2- اية الافضل البومة الوكيل ولا الخليجى و اية مميزات و عيوب الاتنين ؟
3- فى معرض كبير اسمه سمير ريان هل هو كويس فى حد اتعامل معاه قبل كده ؟

---

ما زال الوكيل شركة مصرية (صاحبها الحاج فرج الرواس) وينتهي عقد الوكالة في 21-7 القادم وفيه مشاكل على تجديد العقد ولسه لم تتضح الأمور هل سيتم التجديد ام سيتم الاعلان عن وكيل جديد
ومعرض الشركة في 3أ ش رمسيس

سمير ريان موزع معتمد لشركة مصرية

المصري والخليجي زي بعض انما الأفضل العربية اللي بضمان وضمان المصري 3 سنين او 100 ألف كيلو ولو هتجيب الخليجي لازم تكون بضمان لأن فيه خليجي بضمان وفيه بدون ضمان

اقتباس:

---

المشاركة الأصلية كتبت بواسطة مصراوي جدا

ما زال الوكيل شركة مصرية (صاحبها الحاج فرج الرواس) وينتهي عقد الوكالة في 21-7 القادم وفيه مشاكل على تجديد العقد ولسه لم تتضح الأمور هل سيتم التجديد ام سيتم الاعلان عن وكيل جديد
ومعرض الشركة في 3أ ش رمسيس

سمير ريان موزع معتمد لشركة مصرية

المصري والخليجي زي بعض انما الأفضل العربية اللي بضمان وضمان المصري 3 سنين او 100 ألف كيلو ولو هتجيب الخليجي لازم تكون بضمان لأن فيه خليجي بضمان وفيه بدون ضمان

---

جزيت خيرا عنا يا بشمهندس طارق :verygood: