الموضوع: وزارة الشباب والرياضة سور نادي الزمالك

سلام عليكم

كنت عايز اعرف الطريق لوزارة الشباب والرياضة

المفروض انها خلف سور نادي الزمالك علي ما أذكر ومروحتهاش قبل كدة بالعربية ومش فاكر الطريق خالص

يا ريت لو وصف مبسط مع العلم اني هبقي رايح من الطريق الزراعي

ممكن ادخل كورنيش مثلا ولا اخد الدائري وانزل ميدان لبنان أقرب أو الدقي مش عارف ؟

أو حتي لو في وصفة سهلة لمكان قريب منها واركن العربية واخد تاكسي لأني فعلا بتخنق من القاهرة بالنهار خصوصا في الحر دة

في الأنتظار ...

شكرا

المشاركة الأصلية كتبت بواسطة بحري

هي في الجهة المقابلة لسور النادي
والأفضل فعلا إنك تنزل الدائري في اتجاه ميدان لبنان وتركن إما بجوار السور أو في المناطق المجاورة في الشوارع الجانبية أو في جامعة الدول أو تلف في ميدان سفنكس وتركن في شارع أحمد عرابي أو في شارع فرعي منه وتكمل مشاويرك تاكسيات
توصل بالسلامة يا هندسة

سلمك الله يا دكتور

شوفتها علي جوجل طلعت ما بين ميدان لبنان و سفنكس فا كدة فعلا هنزل ميدان لبنان ان شاء الله وبعدين يحلها ربنا

شكراً