صداد مساعد ؟

**samirayad** · 13-05-2010 03:30 PM

المشاركة الأصلية كتبت بواسطة muhmado_furp

لسه ياجماعه محدش ناوي يقولنا
هيا دي شكل العلايات ولا دي حاجه تانيه

دى حاجه تانيه غير العلايات العاديه وأنا شايفها فكرتها ممتازه فعلا

ومش حتأثر على ثبات العربيه بأى شكل من الأشكال

ولو لقيتها حشترى أربعه وأركبهم للأربع سوست

فكره ممتازه حقا

بس قلقى الوحيد أن السوست مش حتبقى محمله عليها بأستمرار

فممكن واحده تملص مثلا

عموما لما أشوفها على الطبيعه حقدر أقرر كويس

**mohamed_selim** · 13-05-2010 03:40 PM

الصدادات كوتشه كده بتتحط مع المساعد
لما غيرت المساعدين كانت العربيه ناعمه فى المطبات و زى الفل بس وانا ماشى على طريق سفر و تلاقى الطريق فيه هبوط بسيط مع السرعه المساعد بينضغط للاخر و السوسته تبدأ تنضغط و تزيق فالعفشجى قالى نحط الصداده عشان كده المساعد ممكن يضرب و يبوظ
بالنسبه للاستخدام جوه البلد مفرقش كتير , العربيه انشف سنه
و ملوش علاقه بالارتفاع و تحك او لأ لأن ده لو المساعد خفيف العربيه هتهبط جامد

**muhmado_furp** · 13-05-2010 03:53 PM

المشاركة الأصلية كتبت بواسطة shankosi

هو ده اللي تقصدوه يا جماعة؟

لو هو ده اللي تقصدوه فأنا مركبهم عندي على اليايات الأمامية وفعلا حسنوا أداء العفشة بشكل ملحوظ والعربية بقت أثبت في الملفات.

مصنوعين من السليكون وهم كوري وانا اشترتهم من اسكندرية بـ 75 جنيه الجوز بس مش نفس الماركة اللي في الصورة دي بس نفس الشكل واللون.

بيركبها العفشجي في نص ساعة او ممكن تركبهم بنفسك.

بس في منهم مقاسات عشان تناسب مقاسات اليايات المختلفة ولازم تختار المقاس المناسب ليايات عربيتك.

بيعلوا العربية شوية بس بيريحوا بعد كام يوم ويبقى العربية شكلها طبيعي

أعتقد انها فكرة كويسة للناس اللي اليايات عندهم ناعمة شوية بس بشرط ان العفشة تكون سليمة 100% وليست متهالكة.

بيكون شكلهم بعد التركيب كده:

طيب حضرتك لما رحت تشتريهم
كان اسمهم التجاري ايه
علايات سوست ولا صدادات سوست
ولا ايه

**muhmado_furp** · 13-05-2010 03:55 PM

المشاركة الأصلية كتبت بواسطة samirayad

دى حاجه تانيه غير العلايات العاديه وأنا شايفها فكرتها ممتازه فعلا

ومش حتأثر على ثبات العربيه بأى شكل من الأشكال

ولو لقيتها حشترى أربعه وأركبهم للأربع سوست

فكره ممتازه حقا

بس قلقى الوحيد أن السوست مش حتبقى محمله عليها بأستمرار

فممكن واحده تملص مثلا

عموما لما أشوفها على الطبيعه حقدر أقرر كويس

طيب ياريت حضرتك يابشمهندس سمير
لما توصل لنتائج تدل علي مدي أهمية تركبها
وعدم وجود اثار سلبيه ليها
تبلغنا بيها

**samirayad** · 13-05-2010 04:18 PM

إن شاء الله

**wlelw2003** · 13-05-2010 11:34 PM

الله ينور عليك

**bshndi** · 14-05-2010 12:34 PM

المشاركة الأصلية كتبت بواسطة akram

مفيش عربية واطية , و المُصنّعين بيبقوا عاملين حسابهم على إن المطبات بيبقى ليها مقاييس زي إن المفروض عرض المطب يكون مترين و أقصى إرتفاع من الوسط يكون 15 سم (على حد علمي) ,

طيب حد يقوللي مين في مصر بيلتزم بكده ولو حد لقى مطب واحد بالمقاييس دي يقوللي هو فين .... :)

المهم ده معناه إنك لازم تحاسب في المطبات قوي و تتأكد من كفائة المساعدين ,

انا مركب علايات في المساعدين الخلفي -- كاوتش بعرض 1 سم على شكل o , و بعد ما ركبتهم حسيت بتحسب كبير في المطبات ,

و بالنسبة للثبات لغاية 140 محستش بأي مشكلة ....

السلام عليكم ورحمة الله وبركاته
أكرم بيك جرب مطبات العبور ، ومطبات طريق المنصورة القاهرة ، أو المطرية بورسعيد ، وحضرتك تعرف أبعاد المطبات الدولية :) .
والعربية بتاعتك برضه هتتشرف عفشتها بالسلام الحار مع تراب تلك المناطق وأسفلتها :)
إحترامات للملتزمين في مصر بمعايير المطبات .

**Ashebl** · 14-05-2010 05:47 PM

لو محتاجين تفاصيل عن الصدادات اللي في الصورة ادخلوا على اللينك ده
AMT Coil Spring Buffer / Cushion (Promotion) - Zerotohundred.com

**muhmado_furp** · 14-05-2010 10:56 PM

المشاركة الأصلية كتبت بواسطة ashebl

لو محتاجين تفاصيل عن الصدادات اللي في الصورة ادخلوا على اللينك ده
amt coil spring buffer / cushion (promotion) - zerotohundred.com

ياريت يابشمهندس سمير و استاذ محمد ممدوح
يشوفوا الرابط ده ويحاولوت يقوللنا حاجه نفهمها
لاني بصراحه فتحته
وقعدت اتفرج علي الصور
وفهمت حاجات كده علي قدي
بس طبعا مش زي ماهما هيفهموا المكتوب ويقولوا

**samirayad** · 14-05-2010 11:10 PM

ياباشا الله يخليك

الموضوع بسيط ومش معقد أوى

دى عباره حلقه من ماده كاوتشوكيه بسمك معين ومقطوعه من على الداير زى ما أنت شايف

وفيه مجرى تحت الكاوتشه على قد تخانة السوسته اللى حتركب عليها

ونفس المجرى موجوده من أعلى الكاوتشه

بتتركب بين حلقتين من حلقات السوسته وهى مفروده

وأعتقد كمان بتتعمل الشغلانه دى بدون حل أى حاجه من العربيه

على أساس بتبيت الكاوتشه بين حلقتين

وحيكون تركيبها أسهل لو رفعت جنب جنب من العربيه وأنت حالل فرده فرده ( الكاوتش بس )

_____________________________

بس واضح من اللينك أن الدايو ملوش نصيب فى القصه دى

إلا أذا تم عمل قياسات على قطر الحلقه وسمكها والتأكد من صلاحية أحد الأنواع للتركيب بالدايو

لأنها مقاسات وأنواع
زى ماهو واضح فى اللينك

الموضوع: صداد مساعد ؟

LinkBack

أدوات الموضوع

عرض

-

-

-

-

المواضيع المتشابهه

ايهما افضل للفورد اسكورت مساعد زيت ولا مساعد غاز وزيت؟

مساعد زيت على هوا ولا زيت بس؟؟

مساعد

حد غير مساعد

مساعد الكبوت

الكلمات الدلالية لهذا الموضوع

المفضلات

المفضلات

ضوابط المشاركة