مساعدة في تجهيز كوفي شوب

**Migo123** · 11-05-2010 12:12 PM

هل في حد هنا في المنتدى عنده خبرة سابقه في تجهيز الكوفي شوب والمطاعم ... في شركات متخصصه في التصميم وتوريد وصيانه المشروعات المشابهه ... حد اتعامل معاهم او عنده خبره في الموضوع ؟؟!!

**mesaharaty** · 13-05-2010 11:58 AM

أنا ممكن أساعدك بإنى يوم الإفتتاح أزورك وتعزمنى على مشاريب ليلة الإفتتاح ببلاش

ألف مبروك مقدما

**crazylambada** · 13-05-2010 12:04 PM

بص حضرتك فيه واحد اعرفه بيعمل ديزاين و ينفذهولك
لو في دماغك حاجه معينه ممكن يعملها او يعملك الديزاين كامل و التنفيذ
و دي نمره تلفونه 0100333168
م/ محمد حسام
قوله انك جاي من طرف م/ محمد حامد
بس و متنساش تعزمني بقى اول يوم

**Migo123** · 13-05-2010 12:10 PM

المشاركة الأصلية كتبت بواسطة crazylambada

بص حضرتك فيه واحد اعرفه بيعمل ديزاين و ينفذهولك
لو في دماغك حاجه معينه ممكن يعملها او يعملك الديزاين كامل و التنفيذ
و دي نمره تلفونه 0100333168
م/ محمد حسام
قوله انك جاي من طرف م/ محمد حامد
بس و متنساش تعزمني بقى اول يوم

شكرا يا باشمهندس جدا لاهتمامك .... انا فعلا في دماغي ديزاين مطرقع جدا هيكون مفاجأه لكل اعضاء نايل موتورز .... بس انا لسه بدور على المكان اللي يسمحلي بتنفيذ الديزاين ده صح ولازم يكون في المقطم

المهم في المرحله دي انا عايز اعرف التجهيزات والمعدات اللازمه وموردين الخامات ... المهم تكون الجوده عاليه والاسعار مقبوله على مستوى متوسط مش عالي قوي و مش حاجه تعبانه

**Migo123** · 13-05-2010 12:15 PM

وطبعا موضوع العزومه ده مفروغ منه يا باشا ... انت وكل اعضاء نايل موتورز الكرام

**eng.octooo** · 13-05-2010 01:24 PM

طيب انا هاقولك على الحاجات الى بتشدنى للمكان

1- السعر والخدمة والجودة لازم يكون فية تكافؤ يعنى لو مكان غالى يبقى لازم يكون خدمة حلوة وكدة ...

2- المكان ياريت يكون كبير وسهل الوصول لية

3- الكافية من جوة مايكونش زى القهوة البلدى كلة ملزق فى بعضة ...لازم يكون فية بعض الخصوصية

4- والديكو يكون هادى ومريح وفية مكان للمدخنين

**Migo123** · 13-05-2010 01:38 PM

المشاركة الأصلية كتبت بواسطة eng.octooo

طيب انا هاقولك على الحاجات الى بتشدنى للمكان

1- السعر والخدمة والجودة لازم يكون فية تكافؤ يعنى لو مكان غالى يبقى لازم يكون خدمة حلوة وكدة ...
طبعا ده اساسي .... وأهم حاجه جو المكان يكون لذيذ فرندلي يعني

2- المكان ياريت يكون كبير وسهل الوصول لية

هي دي المشكله لان مساحة كبيره (اندوور اند آوت دور) في مكان على سهل هتبقى غالية مووت ..... عشان كده بفضل اني اخد مكان كبير عن اني اخد مكان صغير او مخنوق على شارع رئيسي

3- الكافية من جوة مايكونش زى القهوة البلدى كلة ملزق فى بعضة ...لازم يكون فية بعض الخصوصية

4- والديكو يكون هادى ومريح وفية مكان للمدخنين

مكان للمدخنيين ماشي .... شيشة لأ .... والديكور ده مفاجأه

**abdo_general** · 13-05-2010 02:07 PM

طبعا كلنا معزومين دي مفروغ منها

وبما اني ماليش اي خبرة في تصميم الكافيهات
فا للاسف مش هاقدر افيدك اوي

غير اني اقولك ايه الي يشدني في الكافيهات

وبجد اكتر حاجة ودي اكتر من السعر كمان

الجو بتاع الكافيه والناس الي شغالة فيه
بمعني اصح روح الكافيه

في كافيهات تبقي شيك ومش غالية
بس تحسسك انك قاعد متكتف

لو شفت مسلسل Friends
فيه كافي سنترال بارك

انا قصدي جو زي دا الي حد ما
في القعدة بتاعته والجو والخدمات

والاهم
ربنا يوفقك ان شاء الله
وتعمل الي نفسك فيه
وينجح ان شاء الله

**Migo123** · 13-05-2010 02:22 PM

المشاركة الأصلية كتبت بواسطة abdo_general

انا قصدي جو زي دا الي حد ما
في القعدة بتاعته والجو والخدمات

والاهم
ربنا يوفقك ان شاء الله
وتعمل الي نفسك فيه
وينجح ان شاء الله

طبعا انا فاهم وجهة نظرك جدا .... الجو المطلوب بيعتمد في الاساس على نوعية العمالة في المكان ... ودول عشان تلاقيهم ويستمرو معاك بتبقى صعبة جدا ... أغلب اللي بيشتغلو في الاماكن دي بيبقو عايزين يكلفتو الزبون لانهم لابيحترمو الزبون ولا بيحترمو المالك لكن عايزين يكلفتوه وخلاص ده بالاضافه لشوية حقد وغضب عام لوضعهم في المجتمع وخلافه (الموضوع كده هيكبر).... للاسف هي دي ثقافة كل مقدمي الخدمات في مصر

ربنا يتقبل منك دعائك ويوفقنا جميعا لما فيه رضاه

-

الموضوع: مساعدة في تجهيز كوفي شوب

LinkBack

أدوات الموضوع

عرض

مساعدة في تجهيز كوفي شوب - انشر الموضوع فى :

-

-

-

-

-

-

-

-

المواضيع المتشابهه

قــاعدة 90/10 لستيفن كوفي ستغير حياتك

استشارة من خبراء الاسبرسو والامريكان كوفي :)

ايه رأيكم في مشروع كوفي نت في الفترة الحالية؟

طرق كوستا كوفي الملتويه لخداع الزبائن

الكلمات الدلالية لهذا الموضوع

المفضلات

المفضلات

ضوابط المشاركة