أريد شراء سيارة رينو كليو أرجو النصيحة من مستخدمين هذه السيارة

**amagdy** · 02-02-2008 06:36 PM

السلام عليكم :
أريد شراء سيارة رينو كليو 2008 أرجو النصيحة من مستخدمين هذه السيارة
و لاكني متردد خصوصاً إن ثمنها مثل ثمن ال أفيو (كوري)
أريد معلومات عن مدي تحمل موتور الكليو خصوصاُ ان دائما أسلك الطرق السريعة و الطويلة
كمان أسعار قطع الغيار و مراكز الخدمة هل هي جيدة ؟
شكرا

**fahd_628** · 02-02-2008 06:53 PM

بالنسبة لقطع الغيار فا هية غالية و الأفيو بقت تقفيل مصرى مش كورى و انا رأى تزود شوية و تجيب حاجة يابانى و اكبر و احسن فى الوسع الداخلى و الثبات

**mazgangy** · 02-02-2008 07:01 PM

اولا احب اوضح لحضرتك ان الكليو فرنساوى تجميع تركى والافيو كورى وتجميع مصرى والتجميع التركى افضل من التجميع المصرى وموتور الكليو افضل من موتور الافيو والافيو نفس موتور الدايو لانوس وهو 1500 سىسى 8 صباب والكليو 1400 سىسى و8صباب والكليو 75 حصان والافيو 85 حصان والكليو 73 الف سعرها والافيو تبدا من 73 ولكن الاتنين فى سعر 73 كماليات الكليو اكتر وعندما تاتى لاسعار قطع الغيار الكليو قطع غيارها غاليا جداا ومفيش اى حد بيشتغل في العربيه خارج التوكيل عكس الافيو والتوكيل سياسته غير اسهل من التصليح واسال مجرب واعاده بيع الكليو تقيله اووى عكس الافيو وتوكيل الافيو منصور وهو ممتاز واعاده بيع وصيانه وقطع غيار افضل من الكليو وعن تجربه ولو مش يهمك الشنطه ارشح لك هيوانداى جيتز ب 73 الف وكورى كلها وممتازه وموتور 1600 وحش جبار وفى نفس الوسع الداخلى بس يعبها الشنطه ولو عندك اى سوال عن ال 3 عربيات او استفسار احنا عندنا ال3 فى الاسره واقدر اسعدك وتحت امرك

**MoToRiZeR** · 03-02-2008 02:43 AM

حذف للتكرار

مشرف المنتدى

**MoToRiZeR** · 03-02-2008 02:52 AM

انا معايا ال 2007 و ممتازة حتي الان

ثبات و عزل صوت .. الصالون مش واسع اوي و لكن القعدة مريحة
التابلوه بحب الاضاءة بتاعته بالليل

السحب جيد جدا .. التكييف لا يؤثر علي ادائها تماما .. التوكيل كويس و مش بيشددوا في موضوع تركيب الكماليات .. يعني لو العربية ناقصها حاجة ممكن تركبها برة عادي .. انا ركبتلها انذار برة و التوكيل قاللي عادي بعكس السيريون اضطريت اشتريه من التوكيل بالغالي مع انه نفس الانذار

في رأيي عربية جيدة جدا .. و لو بتقارن بينها و بين الافيو اكيد الكليو ..
خاصة ان الافيو انا شايف ان سعرها مبالغ فيه جدا ..

و الكليو تزيد عليها ب : فرامل Abs .. ايرباج للسائق .. زجاج كهربائي امامي و خلفي (في الافيو امامي بس ) .. مفتاح مشفر .. ريموت كنترول للسنتر لوك ..

و لكن الافيو بتنزل بكاسيت و الكليو بتنزل من غير كاسيت .. بتركبلها كاسيت و سماعات

**amagdy** · 03-02-2008 01:24 PM

مشكر جداً علي المعلومات القيمة دي

**Eslam2010** · 29-02-2008 10:00 PM

انا معايا كليو موديل 2001 ال 1400 cc العربية معايا بقالها 6 سنين و 8 شهور الصراحة العربية ممتازة وثباتها عالي علي السرعات العالية يعني لحد 160 - 170 كدة انا جبت بيها 190 قبل كدة بس تحس ان العربية كانت هاتطير عن الارض ههههه

والموديل دا وقت منزل كان حكاية
95 حصان - جميع الكماليات - ايرباج للسائق - تحكم بالكاسيت من ذراع خلف الدركسيون
حاجات مكانتش بتنزل في اي عربية في فئتها في الوقت دا وسعرها كان ممتاز 50 الف جنية بس

العربية يعيبها الوسع (الصالون بتاعها ضيق خصوصا الكنبة الخلفية)
قطع الغيار الغالية بالنسبة لفئتها

غير كدة العربية ممتازة بمعني الكلمة