متردد فى شراء بعض كماليات للانسر بومه 2009

السلام عليكم
كنت محتاج رايكم و مشورتكم
اولا انا معايا لانسر مانيوال 2009 لما بسافر يها او امشى فى بالليل فى شارع لا ارى طريق كويس ففكرت فى تركيب فوجات من ادريان لما روحت قالى هو مش عندنا و اسأللك لكن ما تركب زينون اسمه سباى ب670 جنبه قالى لانسر لمبه واحده عليها عالى و واطى فهنغيرها بيها و يبقى افضلك و تمشى مرتاح

ثانيا كنت بفكر اركب وحدات رفع تقفل مع جهاز انذار قالى عنده وحدتين رفع تايوانى ب 130 جنيه
فايه رأيكم فيه و هل هتعمل مشاكل مع كهرباء او تبيظ فيوز او ممكن نعمل لما تكييف يشتغل الزجاج يقفل

رابعا:سمعت ان فيه وحده بتتركب فى مرايه فى صالون ب 250 جنيه و بتعمل تعتيم اتوماتيك هل فى حد جربها و هل هى عمليه

خامسا:انا عندى راديو سىدى mp3 بانسونيك و فيه وصله usb فكنت عايز اعرف منكم هل فى اجهزة جديده بيها امكانيات اعلى او هل اغيرة و اركب ديفدى هل ينفع فى لانسر

سادا بفكر اغير هواء كاوتشات بنيتروجين و هل تنصحونى به و مين افضل مكان اروح اعمله فيه خصوصا لو فى مدينه نصر

اسف انى طولت عليكم

:majd(4):نسيت سابعا هل حد يعرف مكان و سعر اريال قائم لانسر
مع الشكر

السلام عليكم
انا لما كتبت موضوع كنت محتار فى موضوع كماليات لانسر بومه لأنى بقولى لنفسى دايما العربيه دى محترمه جدا لكن كمالياتها قليله جدا و خصوصا و انا معايا مانيوال كلاسيك فكنت عايز اظبطها و فى نفس الوقت معملش حاجه تطلعها من ضمان او اركب حاجه رديئه صنع و اندم عليها ففكرت انى اكتب موضوع ده بحيث تساعدونى و يبقى بالمرة يكون موضوع جيد يشمل كل شىء عن كماليات و الاسبويلر وانا كل اللى عملته ركبت جهاز انذار و كاسيت من ادريان فاتمنى من اخوة مشاركاتهم و مساعدتى خصوصا فى موضوع زينون و فوجات و نيتروجين من حيث المكان و سعر و هل فعلا هيفرق اضائه لأنى بعانى لما بمشى بالليل طريق بيبقى مش واضح لى كويس و بسوق و انا مش مرتاح فمش عارف اركب زينون بتاع ادريان سباى و سمعت كمان انوا ممكن يجيب فيلبس بس ده داخل على 1200 جنيه تقريبا و يمكن اكتر او اقل و لا اركب فوجات و هل لو ركبت وحدات رفع ممكن حاجه تبوز و تطلعنى من ضمان
و اخيرا اشكر المنتدى و الأخوة الأعضاء على معلوماتهم القيمه و فى انتظارمشاركتكم

ازيك ياباشا عامل اية
1- بالنسبة للزينون انا مركبة فى الواطى و العالى و نوعة فيلبس و هو تحفة جدا لان نورة شديد جدا بخلى الليل نهار
2- بالنسبة لوحدة الرفع انا مركبة و جامدة اوى و جايبة صينى ماركة ولف لانى مالقيش غيرها و لا يوجد منة مشاكل اطلاقا و انا مركبهم من سنة و شغلين كويس جدا
3- انا شايف ان مراية التعميم ملهاش لازمة و كمان تعمميم مرايا العربية كويسة جدا

الزينون من غير عدسات حرااااااام وكفايه ان كل اللي جي في وشك هيدعي عليك
ركب فوجات وحط فيها زينون او هات فونيس بعدسات وبعدين حط فيها زينون
وحدات الرفع كنت مركبها عند ادريان من 5 سنين وشغاله الحمد لله
الديفيدي ليه حلين
ممكن يركب بس هيكلفك مكان فتحة double din ودي في حدود 500 جنيه وبتتجاب من على النت وممكن تلاقيها عند حد بيفهم بتاع كماليات بس انا مشفتهاش عند حد في مصر وبعدين تنقل مفاتيح التكيف تحت في الحته الفاضيه ودي مش هتتكلف كتير ،وبعدين تجيب الديفيدي ودا تكلفته على حسب الامكانيات والماركه

وممكن تجيب ديفيدي اللي شاشته بتدخل جوا الكاسيت وتطلع ودا مش هيكلفك حاجه زياده عن تمنه لانه هيركب مكان الكاسيت
النيتروجين في ناس غيرته وحست بفرق ،عموماً جرب مش هتخسر حاجه

*هو فعلا الزينون من غير عدسات ملوش لازمه هو طبعا بتبقي الاضاءه كويسه و كل حاجه بس الضوء بيبقي متشتت و كل ماهتمشي ورا حد هيقولك اقفل النور انما العدسات بتظبط الاضاءه جدا مع الزينون و بتخليه مظبوط و مش هتضايق حد بس الفوانيس اللي فيها عدسات هتكلفك حوالي 1300 جنيه انا عن نفسي كنت هركب زينون بس عشان الحوار ده لقيته هيتكلف اوي ده غير حوارات المرور و المخالفات فاشتريت لمبات اوسرام الماني و نورها اقوي من الاستوك بكتير بس طبعا مش زي الزينون

*و بالنسبه لوحدات الرفع هي مشكلتها معايا انا شخصيا ان فرش باب السواق بيتفك و من الؤكد ان الصنايعي مش هيركبه زي الاول و بالتالي ممكن تسمع اصوات تزييق من الباب او صوت هوا فلو مش هيفرق معاك ركبهم

*اما موضوع النيتروجين ده فطبعا من المهم انك تعمله لانه مابينقصش و بتكشف عليه كل 3 شهور و ليه مميزات كتير و فيه ناس بتقول انه بيفرق في الثبات و في المطبات بس انا حطيته عندي و ماحستش باي فرق بما انك في مدينة نصر فيه عندك بريدجستون في عباس العقاد و فيه فرع تاني عند عمارات العبور و لو معك استيكر المنتدي هتاخد خصم هتعمله ب 12 جنيه بدل من 20 جنيه للاربع كاوتشات

* مراية الصالون دي انا شايف ان ملهاش لازمه الستوك كويسه

* ممكن طبعا تركب دي في دي في العربيه و مش لازم يكون دبل دين فيه انواع بتبقي الشاشه بتاعتها فيها و فيه انواع بتركبلها شاشه منفصله علي التابلوه مثلا بس دي بتبقي مخالفه